मर्कूस 13:10 - जिरेल

¹⁰ दि जुग सिन्‍दा गोमाचेन मि गाङेकी छ्या स्‍येस्‍यीत सिन गा लाङच्‍येते बात सा लुङबा खाङराङ गाङेपा लोपा फाप्‍क्‍यो।

मर्कूस 13:10 Iomraidhean Croise

मत्ती 12:41

थेमे था परमेश्‍वरगी न्‍याय खिते छोमु निनवे सारगी मिओनगी परमेश्‍वर दोन्‍दु था समय मि ख्‍योकोन दोषी ईन सिओ। च्‍यिला सासीन योनेकी साबाते परमेश्‍वर बात ङेन्‍गीन खोपरोङ पापी दुका सिन छ्या स्‍येकीन थेबा परमेश्‍वर छ्य्‌वापा लै खाबा ओतान। तर ख्‍योकोननी योना भन्‍दाङ छ्येज्‍यीक खेराङताङ ङ्योम्‍बुराङ ओताते मिकी साबाते बादोङ मेङेन्‍दुक।

मत्ती 24:14

दि जुग सिन्‍दा गोमा मि गाङेकी छ्या स्‍येस्‍यीत सिन स्‍वर्गे राज्‍य गा लाङच्‍येते बात सा लुङबा खाङ गाङेपा लाप्‍ला तेरग्‍यो। थोक खानामेईचेन दि जुग सिन्‍ग्‍यो।

मर्कूस 16:15

थेमे थेकी थेबाला “लो थाचेन सा लुङबा खाङ गाङेपा गाल्‍ला गाङेपे मिला गा लाङच्‍येते बात लोप।

रोमी 1:8

गोमाचेन ङा येशू ख्रीष्‍ट छ्य्‌वापेकी ख्‍योकोन गाङे लाईदु परमेश्‍वरला धन्‍यवाद सिओ। च्‍यिला सासीन ख्‍योकोन येशूला विश्‍वास खित्‍कान्‍ते मि ईन सिन गाङेपे मिला छ्या दुक।

रोमी 10:18

बात थोक ईन्‍सीन च्‍यि इस्राएलीओनगी थे बात थोबाराङ मेतान ओना? थोक मेन, पक्‍काराङ थोबा ओतान। परमेश्‍वर बातला चुक साबा ओते सासीन “थेबेकी लापाते बात सा लुङबा खाङ मिकीराङ थोसुङ। थे बात फैले माक्‍याबाते ठाउँ सिराते खापाङ मेत,” सिन साबा ओत।

रोमी 15:19

थेमे छ्ये छ्येताङ अचम्‍बते कामतेबाङ परमेश्‍वर आत्‍मे शक्ति छ्य्‌वापेकीकामा खाबाते ईन। दोक खाला ठाउँ ठाउँला युगीन ङे यरूशलेम सारदुकी इल्‍लिरिकुम सिराते लुङबासाक लेप्‍कीन मिओनला ख्रीष्‍टते गा लाङच्‍येते बात लाप्‍कीन बिन्‍दा ओत।

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।

कलस्‍सी 1:6

ख्‍योकोनला दि बात लाप्‍कीन बिन्‍दा ओत। सा लुङबा खाङराङ दि बात फैले खिन डुइन ओत। थेमे दि बात ङेन्‍गीन झन झन मि काल्‍बेईकी लेमु काम खिन दुक। गा लाङच्‍येते बात थोबा छोमुमेई थेमे परमेश्‍वरगी दया खिओ सिन लेमु खाईन छ्या स्‍येनामेई ज्‍येन ज्‍येनगी च्‍योकराङ खाईन ख्‍योकोनगीङ लेमु काम खिताला स्‍यूबाते ईन।

छ्या स्‍ये च्‍युताते बात 14:6

थेरूई याङराङ ङे नामगी चेनापा फुरगीन ओताते परमेश्‍वर दूतज्‍यीकला थोङसुङ। थेचेन दि सा लुङबा खाङ ओताते लुङबा लुङबेते, थर थरगीते, खुदुक खुदुक भाषेते थेमे जात जातकी मिला गा लाङच्‍येते बात सिराला ओङगीन ओतान। दि गा लाङच्‍येते बातचेन नोमुङ खुदुक मोन्‍डोओ, सधैँभरि थोकराङ देत्‍क्‍यो।