मर्कूस 11:21 - जिरेल

²¹ थे दोङबो स्‍या थोङजीन येशूकी थोङगी छोमु सराप बिन्‍दाते ठेम्‍बा लाकीन पत्रुसकी “लो तो गुरू, खुई सराप बिन्‍दाते दोङबोनी स्‍यिदुक,” सिन सिदुक।

मर्कूस 11:21 Iomraidhean Croise

१ कोरिन्‍थी 16:22

सुइँदेकी प्रभु येशूला ङिङज्‍ये मिक्‍किदुक सासीन थोक्‍ते मिला परमेश्‍वरगी सराप तेरस्‍यीत। स्‍योक स्‍योक प्रभु येशू, खो होत्ता स्‍योक।

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

मत्ती 23:7

थेमे मि छ्वासा रूसाला युक्‍जीन मिओनगी खोपरोङला मान खिन नमस्‍ते सिरजीन थेबा आउदी गा खिदुक। मिओनगी खोपरोङला गुरू सिरजीन थेबा झन गा खिदुक।

मत्ती 21:19

थेरू लामगी खादु नेभारे दोङबोज्‍यीक ओतान। थेरू नेभारा गोन्‍दा ओता सिन येशू थेपा तार गाल्‍सुङ। तर थेकी थे दोङबोला नेभारे गेडाज्‍यीगोङ माथेप्‍सुङ। थे दोङबोला खालि दाम्‍माकामा ओतान। दाम्‍माकामा ओता थोङनामेई थेकी थे दोङबोला “थानामेई खोल्‍ला नोमुङ फलफूल गेडाईओङ मोगोन्‍स्‍यीत,” सिन सिदुक। थोक सिराईताङ थे नेभारे दोङबो कोम्‍बो सिली गाल्‍गीन काम्‍सुङ।

मत्ती 23:8

ङा ख्‍योकोनला च्‍यि सिते सासीन थेबेकी च्‍योक खाला ख्‍योकोनगीचेन सुङलाङ खेराङला गुरू साला मान खित माज्‍युत। च्‍यिला सासीन ख्‍योकोन गाङेते गुरू दोक्‍पोईकामा ओत। ख्‍योकोनबरीचेन सुङ छ्ये टेक्‍टे मेन, गाङेराङ आज्‍यो न्‍वा ईन।

यूहन्‍ना 4:31

थे मिओन येशू ओत्‍सापाला ओङगीनराङ ओतान। थेजीनराङ चेलातेबेकी येशूला “गुरू, टिक्‍पीस्‍यिक खइँदा साप सोना,” सिन सासुङ।