मर्कूस 10:43 - जिरेल

⁴³ तर ख्‍योकोनगीचेन थे गेल्‍बोओनगी खिताच्‍योक माकेत। ख्‍योकोन नाङ छ्ये ओङा छोल्‍कान्‍ते मिकीचेन छ्ये खिता साटोला सुइँदे खाम्‍बादु काम खित्‍कान्‍ते मि च्‍योक ओङला काम खिता फाप्‍क्‍यो।

मर्कूस 10:43 Iomraidhean Croise

लूका 14:11

बात च्‍यि ईन्‍दे सासीन ङा ङाराङ ईन सिरकानला परमेश्‍वरगी छ्ये ईन सिन मिसिरो। छ्ये मिक्‍किकान्‍ते मिलाचेन परमेश्‍वरगी छ्ये जोइओ,” सिन सिदुक।

मर्कूस 9:35

थेबा गाङे खाराक्‍पा देता थोङनामेई येशू साला देत्‍सुङ। थेमे थेबा मेन्‍दा च्‍युन्‍ङी गाङेला दोन्‍दु स्‍योक सिन काताङगीन “ख्‍योकोन नाङ छ्ये ओङा छोल्‍कान्‍तेकी चुक खिता फाप्‍कीते सासीन थे खोरोङराङ ज्‍येनगी कोताते ङेन्‍कान्‍ते च्‍योक ओङा फाप्‍क्‍यो। थेमे सुइँदे खाम्‍बादु काम खित्‍कान्‍ते मि च्‍योक ओङला काम खिता फाप्‍क्‍यो,” सिन सिदुक।

लूका 9:48

थेमे चेलातेबाला “लो दि फिजाला तो। खोपरोङ ङे मि ईन्‍देकी दि फिजाला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन। बातचेन दिराङ ईन, ख्‍योकोन नाङ ङा ङाराङ ईन सिराच्‍योक मिक्‍किकान्‍तेराङ छ्येते ईन,” सिन सिदुक।

रोमी 12:2

था ख्‍योकोनगी परमेश्‍वरला माने मिक्‍किकान्‍ते दि सा लुङबे मिओनते च्‍योक्‍ते चालचलनताङ बानी बिवारा गाङे थोङ। खेराङ सेम परमेश्‍वरला खुदुक जोला नाङ साला ख्‍योकोन सेम लेमु ओताते मि ओङा फाप्‍क्‍यो। दोक ओङनामेई परमेश्‍वरगी खेराङला च्‍यि च्‍यि खि सिरच्‍या ईन्‍दाका सिन ख्‍योकोनगी लेमु खाला छ्या स्‍येबा थुप्‍क्‍यो। दोक खाला ख्‍योकोनगी परमेश्‍वरला मन परे खित्‍च्‍येतेताङ लेमुते काम च्‍यि ईन्‍दाका सिन डेला थुप्‍क्‍यो।

गलाती 5:13

आज्‍यो न्‍वावे, ख्‍योकोन थे खोरोङ नियम अधीनला देता माफाप्‍स्‍यीत सिन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोक सिरजीनमेईराङ थोक ईन्‍सीन थानी जे खासीनोङ ओङच्‍याक्‍वा सिन खेराङ सेमला लाबा लाबा माकेत। बरू ख्‍योकोनगी दाक्‍पोन नाङ ङिङज्‍ये खितरीङ खिन दोक्‍पोईकी ज्‍येनज्‍यीकला लेमु खि।

यूहन्‍ना 18:36

थोक सिरजीन येशूकी “ङे राज्‍य दि सा लुङबेते मेन। थोक ईन्‍दा ईन्‍सीन ङा यहूदीओन छ्ये छ्ये मि लाःक्‍तु माफाप्‍स्‍यीत सिन ङे काम खित्‍कान्‍ते मिओन थेबाताङ जीङच्‍या ओतान। ङे राज्‍य दि सा लुङबेते ईनराङ मेन,” सिन सिदुक।

लूका 18:14

ङा ख्‍योकोनला च्‍यि सिते सासीन खाम्‍बाला ग्‍युरला डोजीन थेबा ङिबो नाङ परमेश्‍वरगी कर लिन्‍कान्‍ते मि पापचेन माफ बिन्‍दा ओतान। फरिसी पाटी मिचेन पापीकी पापीराङ ओतान। च्‍यिला सासीन ङा ङाराङ ईन सिरकानला परमेश्‍वरगी छ्ये ईन सिन मिसिरो। छ्ये मिक्‍किकान्‍ते मिलाचेन परमेश्‍वरगी छ्ये जोइओ,” सिन सिदुक।

मर्कूस 10:42

चेलातेबा गाङेकी खालि छ्ये ओङा छोल्‍च्‍येते बातकामा खिता थोङगीन येशूकी थेबा गाङेला दोन्‍दु काताङगीन “दि बात ङेन। च्‍यि सासीन लुङबा लुङबे गेल्‍बोओनगी जनताला लेमु मेलेबा चुक ओङगीते सिन विचार मिक्‍किता खाला खोपरोङ खुशीकीकामा राज्‍य खिओ। गेल्‍बो चावादु छ्ये छ्ये मिकीङ गेल्‍बोओनगी खाबा च्‍योकराङ खिओ, मेनरो?

मर्कूस 10:44

झन ज्‍येन ज्‍येनला कोत्‍कान्‍ते मि ओङा छोल्‍कान्‍तेकीनी ज्‍येनला दुक्‍पा मेतेरा खाला थे खोरोङराङ ज्‍येनगी कोताते ङेन्‍कान्‍ते योक्‍पो च्‍योक ओङा फाप्‍क्‍यो।

लूका 22:26

तर ख्‍योकोनगीचेन थे गेल्‍बोओनगी खिताच्‍योक माकेत। ख्‍योकोन नाङ छ्येतेकी ज्‍येनला दुक्‍पा मेतेरा खाला थे खोरोङराङ ज्‍येनगी कोताते ङेन्‍कान्‍ते मि च्‍योक ओङा फाप्‍क्‍यो। थेमे ख्‍योकोन नाङ ज्‍येनला कोत्‍कान्‍ते मिकीङ सुइँदे खाम्‍बादु काम खित्‍कान्‍ते मि च्‍योक ओङला काम खिता फाप्‍क्‍यो।