मर्कूस 10:22 - जिरेल

²² थेकी थोक सानामेई थे मिकी सेम सेत्‍सुङ। थेमे छ्येतराङ सेत्‍कीन थेरूई गाल्‍सुङ। थे आउदी छ्युक्‍पु ओतेकी थोक खाईन थेरूई गाला ओतान।

मर्कूस 10:22 Iomraidhean Croise

लूका 12:15

थेमे थेकी थेरू ओताते मि गाङेला “ख्‍योकोन च्‍याङबो खि। ख्‍योकोनगी लोभ सिराते छ्याःङलाङ माकेत। सम्‍पत्ति थुप्रो ओत्‍जीनमेईराङ मिकी लेमु खाला जुनीकाल्‍बा क्‍योङा थुप्‍च्‍येते मेन,” सिन सासुङ।

२ तिमोथी 4:10

डेमासकीचेन दि जुनी बातकामा विचार खाईन ङाला ताङगीन थिस्‍सलोनिकापा गाल्‍सुङ। ज्‍येन ङात्ताङ ओतातेबे नाङ क्रेसेन्‍सचेन गलातिये अञ्‍चलपा थेमे तीतसचेन दलमातियापा गाला ओत।

एफिसी 5:5

ख्‍योकोनगी दि बात छ्या स्‍येबा खि। च्‍यि सासीन रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते थेमे लोभ खित्‍कान्‍ते मि सुङ था तिरी ख्रीष्‍टताङ परमेश्‍वर राज्‍यदु देताराङ मेङेदो। लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

२ कोरिन्‍थी 7:10

परमेश्‍वरगी मि सेमला फोक्‍च्‍येते काम खित्‍जीन मिकी दाक्‍पोनगी मेलेबा काम खाबाते दुका सिन छ्या स्‍येला लोक्‍ला लेमु काम खिताला स्‍यूइओ। थेमे थोक्‍ते मिकी पापकी सजाय भोगे खिता माफाबो, परमेश्‍वरगी ङाला च्‍यिला दोक खाईन सेमला फोक्‍च्‍येते काम खासुङा सिराच्‍योक खिताङ माफाबो। तर परमेश्‍वरगी थोक खित्‍जीन लोक्‍ला लेमु काम खिता साटोला परमेश्‍वरगी ङाला च्‍यिला दोक खाईन सेमला फोक्‍च्‍येते काम खासुङा सिरा च्‍योककामा खिन देत्‍कान्‍ते मिचेन पापकी सजाय ङेत्‍ला नरककुण्‍डमा स्‍यूइओ।

लूका 18:23

येशूकी थोक सानामेई थे मिकी छ्येतराङ सेत्‍सुङ। च्‍यिला सासीन थे आउदी छ्युक्‍पु ओतान।

मत्ती 19:22

थोक सानामेई थे मि छ्येत सेत्‍कीन थेरूई दाक गाल्‍सुङ। च्‍यिला सासीन थे आउदी छ्युक्‍पु ओतान।

मत्ती 13:22

लोक्‍ला चाङगी बुटे नाङला फाप्‍कीन केकीनोङ चाङगी बुटेकीराङ सोबाते सोन साबातेचेन थोरूमोङ ज्‍येन थरीज्‍यीक मिला साबाते ईन। थोक्‍ते मिओनगी स्‍वर्गे राज्‍य बातनी ङेन्‍ग्‍यो। ईन्‍सीनोङ साच्‍या थुङच्‍याताङ खोन्‍च्‍ये पीर थेमे सम्‍पत्ति लोभकी खित्‍सादु थेबेकी थोबाते बात दाक टोक ज्‍येत्‍ला छ्याःङ काम लै मिक्‍किओ।

मर्कूस 6:26

थोक सिरजीन था यूहन्‍नाला चुक खाला सेत्‍च्‍ये सिन गेल्‍बोला आउदी पीर लासुङ। तर जे नाङ खासीनोङ तेरग्‍यो सिन गोमाका गाङे ङोन्‍दु जमान खाईन ना क्‍याला ओतेकी थेकी यूहन्‍ने गोःचेन तेरा मुथुबो सिन सिरा माथुप्‍सुङ।

मत्ती 27:3

येशूला सेत्‍च्‍या ओङदुक्‍लो सिन थेला धोका तेरकान्‍ते यहूदेकीङ थोसुङ। थेमे थेकी ओहो, ङेनी आउदी मेलेबा कामका खाबाक्‍वा सिन गोमा थे खोरोङगी लाबाते चाँदी डबल खालज्‍यीकताङ च्‍युताम्‍बा खुरगीन छ्ये छ्ये पूजारीताङ यहूदीओन छ्ये छ्ये मिलाराङ ग्‍युरला तेराला थेबा ओत्‍सादु ख्‍योल्‍सुङ।

मर्कूस 6:20

च्‍यिला सासीन यूहन्‍ना परमेश्‍वरगी खि साबा साबा च्‍योकराङ खित्‍कान्‍ते लेमु मि ईन सिन हेरोदला छ्या ओतान। थोगी थेला मेलेबा खिता मेङगो सिन ज्‍यीबेकी यूहन्‍नाला सुङगीङ छ्याःङ मेलेबा खिता मुथुप्‍स्‍यीत सिन लेमु खाईन ज्‍याक्‍पा ओतान। बेला बेलाला यूहन्‍ने बात ङेन्‍जीन हेरोदला लेमु लाबा ओतान। थे खोरोङगी खाबाते मेलेबाते काम सम्‍झे खित्‍जीन यूहन्‍ने बात ङेन्‍नामेकी जहिलेङ थेला सेमला चुक ईन चुक ईन लाङगीन ओतान।

मर्कूस 10:21

थेकी थोक सिरजीन येशूला ङिङज्‍ये लासुङ। थेमे थेकी थेला “नोमुङ मिसिन्‍च्‍येते जुनी ङेता सेम लासीन थोरूमोङ खुई खिता फाप्‍च्‍येते कामज्‍यीक ओत। था खुई गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

मर्कूस 10:23

थे मि थोक खाईन गाल्‍नामेई थेकी चेलातेबा ओत्‍सापा ग्‍युरगीन थेबाला “छ्युक्‍पुते मिओनला परमेश्‍वर राज्‍यने स्‍यूक्‍पाला आउदी दुक्‍पा ओङगो,” सिन सिदुक।