मर्कूस 10:2 - जिरेल

² थेमे कोई कोई फरिसी पाटी मि येशू ओत्‍सादु लेप्‍सुङ। वाकीन थेबेकी थे सेम तेइनकामा “सुइँदेकी फेम्‍मेतेला तोङा परमेश्‍वर नियमताङ डिगीताना मिडिक्‍ते?” सिन सासुङ।

मर्कूस 10:2 Iomraidhean Croise

मत्ती 15:12

थेमे चेलातेबेकी दोन्‍दु वाकीन “गुरू, खुई थाल्‍ला साबाते बात थोनामेई फरिसी पाटी मिओन स्‍येदाङ खासुङ सिन च्‍यि खुई छ्या स्‍येसुङ?” सिन सिदुक।

मत्ती 16:1

थेमे येशू सेम ताप्‍ला कोई कोई फरिसीताङ सदुकी पाटी मिओनगी थे ओत्‍सादु ख्‍योल्‍गीन “लो खोत्ताङ परमेश्‍वर शक्ति ओत सासीन ङ्योकोनला खइँदा अचम्‍बते कामज्‍यीक खाला तेन्‍ते,” सिन सिदुक।

मत्ती 19:3

थेमे कोई कोई फरिसी पाटी मिओन येशू ओत्‍सादु वाकीन थे सेम तेइनकामा “सुइँदेकी खइँदा बातला मन परे माक्‍यासीन फेम्‍मेतेला तोङा परमेश्‍वर नियमताङ डिगीताना मिडिक्‍ते?” सिन सासुङ।

मत्ती 22:35

ठो खाईन सिन्‍नामेई थेबे नाङ धर्मे गुरूज्‍यीगी थे सेम ताप्‍ला

मत्ती 23:13

धर्मे गुरूओनताङ फरिसी पाटी मिवे, ख्‍योकोन चुक्‍तेन्‍दे ईन्‍दाका। था ख्‍योकोनला आउदी मेलेबा ओङगो। च्‍यिला सासीन चुक खाला स्‍वर्गे राज्‍यने स्‍यूक्‍पा थुप्‍कीते सिन ख्‍योकोनगी मिओनला लोपराङ मोलोप्‍तुक। थोक ईन्‍देकी मिओन थेने स्‍यूक्‍पाराङ मुथुप्‍तुक। दोक खाला खेराङनी थेने स्‍यूक्‍पा माङेत्‍सुङ माङेत्‍सुङ थेने स्‍यूक्‍पा सेम खित्‍कान्‍तेबालाङ ख्‍योकोनगी स्‍यूकराङ मुज्‍युत्‍तुक।

मत्ती 9:34

तर थेरू ओताते फरिसी पाटी मिओनगीचेन “दि छ्याःङ अचम्‍बते बात मेन। ल्‍हन्‍डीक गेल्‍बो शैतानताङ डिक्‍लाका दिकी थे शक्तिदुकीराङ ल्‍हन्‍डीक तेन्‍ला तोङच्‍येते ईन,” सिन सिदुक।

मर्कूस 10:1

थेमे येशूबा थेरूकी यर्दन चाङबो फारकेनपा यहूदिये अञ्‍चलपा गाल्‍सुङ। थेरूङ ङोला ङ्वा मुथुप्‍च्‍या मि थे ओत्‍सादु ख्‍योल्‍सुङ। थेमे सधैँ च्‍योकराङ खाईन थेकी थेबाला परमेश्‍वर बात लोपाला स्‍यूसुङ।

मर्कूस 10:3

थोक सिरजीन थेकी “मोशेकी परमेश्‍वर नियमला चुक खिता फाप्‍क्‍यो सिन साबा ओते?” सिन सिदुक।

मर्कूस 8:11

थेमे कोई कोई फरिसी पाटी मि येशू ओत्‍सादु ख्‍योल्‍गीन थेला बात ठाप्‍ला स्‍यूसुङ। थेबेकी थेला “लो खोत्ताङ परमेश्‍वर शक्ति ओत सासीन ङ्योकोनला खइँदा अचम्‍बते कामज्‍यीक खाला तेन्‍ते,” सिन थे सेम ता चाल्‍सुङ।

मर्कूस 8:15

थे बेलालाराङ येशूकी थेबाला “फरिसी पाटी मिओन थेमे हेरोदताङ स्‍योबेनला लुच्‍येते सोडा ओत। थे सोडा खेराङला मेतेरस्‍यीत सिन ख्‍योकोन च्‍याङबो खिसा है,” सिन सिदुक।

लूका 11:39

थे छक्‍क परे खाबा थोङगीन प्रभु येशूकी थेला “ख्‍योकोन फरिसी पाटी मिओन खेराङ कचौराताङ देर्मातेबाचेन चोके खिता फाप्‍क्‍यो सिन माझे खाला टल्‍के खित्‍च्‍या जोइदुक। तर थे नाङ लुक्‍ला साच्‍येते सापचेन ख्‍योकोनगी खेराङगीकामा सा थुङा ङेत्‍सीन ओङच्‍या ओतान सिराच्‍योक खाईन ज्‍येनगीते ठ्वाकीन, ज्‍येनला ठगे खाईन खुलाबाते ईन।

लूका 16:14

फरिसी पाटी मिओन सम्‍पत्ति लोभ खिन ओतान। थोगी येशूकी चेलातेबाला साबाते सम्‍पत्ति बात थोकीन थेबेकी दिकी चुक मेङच्‍याई बात खासुङा सिन सिराला स्‍यूसुङ।

लूका 5:30

येशूताङ थे चेलाओन थोक खाला लेवी खाम्‍बादु साप सेइन ओता थोङगीन कोई कोई फरिसी पाटी मिताङ थे पाटी नाङ धर्मे गुरूओनगी येशू चेलाओनला “ए ख्‍योकोन गुरूताङ खेतबरी च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइते?” सिन सिराला स्‍यूसुङ।

लूका 6:7

थेमे थेरू वाबा ओताते धर्मे गुरूओनताङ फरिसी पाटी मिओनचेन येशूते खइँदा दोष तेन्‍दा थुप्‍कीता सिन थेकी चुक खिका, च्‍यि खिका सिन च्‍याङबो खाला तेइनराङ ओतान। थेबाचेन सन्‍चारी छोमु छ्याःङ काम खिता मेङच्‍येते दिन ईन सिन परमेश्‍वर नियमला टिबाते बात दिला छ्याराङ ओत। था दिकी थे लाक्‍पा काम्‍बाते मिला ठाक्‍पा खासीन थेकी नियम ङ्ये च्‍युत्‍सुङ सिन गल्‍ती तेन्‍दाप सिन विचार खाईन देता ओतान।

लूका 7:30

फरिसी पाटी मिओनताङ धर्मे गुरूओनगीचेन यूहन्‍ने बादोङ ङेन्‍दा मेतान, बप्‍तिस्‍माङ लाबा मेतान। थेबेकी यूहन्‍ने बात ङेन्‍दा ईन्‍सीन परमेश्‍वरगी खिता चाला च्‍योकराङ खाला थेबाला लेमु खित्‍च्‍या ओतान। थेबेकी माङेन्‍देकीराङ परमेश्‍वरगी थेबाला लेमु खिता माथुप्‍सुङ।

यूहन्‍ना 11:47

थेमे छ्ये छ्ये पूजारीताङ फरिसी पाटी मिओनगी यहूदीओन छ्ये छ्ये मि ज्‍येनलाङ काताङगीन च्‍याकीन “था ङुरूङगी चुक खित्‍च्‍ये? दि मिकीनी अचम्‍बते काम काल्‍बेई खिदुक।

यूहन्‍ना 11:57

छ्ये छ्ये पूजारीताङ फरिसी पाटी मिओनगी सुइँदेकी येशूला खइँसाला ओता थोङसीन वाला थेबाला लोबा सिन कोता ओतान। थेबा खोपरोङगी थेला जिन्‍दा थुप्‍स्‍यीत सिन थेबेकी मिओनला थोक साबा ओतान।

यूहन्‍ना 7:32

थोक खाईन मिओनगी स्‍यापस्‍यापताङ स्‍युपस्‍युप खिन होथोक सिन येशू बात खाबाते फरिसी पाटी मिओनगी थोसुङ। थेमे छ्ये छ्ये पूजारीताङ फरिसी पाटी मिओनगी येशूला जुम्‍ला खोरच्‍योक सिन मन्‍दिरदु देत्‍कान्‍ते पुलिसओन ताङसुङ।

यूहन्‍ना 7:48

च्‍यि ङुरूङ छ्ये छ्ये मि थेमे फरिसी पाटी मि ङ्योकोन सुइँदेकी थेला विश्‍वास खाबाते थोङा ओत?

यूहन्‍ना 8:6

थेकी खाबाते बातला खइँदा गल्‍ती तेन्‍ला थेकी गल्‍ती खासुङ सिराप सिन थेबेकी थोक साबा ओतान। थेबेकी थोक सानामेई येशूचेन खुङ खुगीन लाक्‍पे जुकी साला टिक्‍पाला स्‍यूसुङ।

१ कोरिन्‍थी 10:9

थेमे थेबा लाला लालेकी खाबाच्‍योक ङुरूङगीङ प्रभु परमेश्‍वरगी दोक खित्‍च्‍या ईन्‍दाकाना मेन्‍दाका थेमे थेकी ङुरूङगी खाबाते काम थोङच्‍या ईन्‍दाकाना मेन्‍दाका सिन थे सेम ता मेङगो। परमेश्‍वर सेम ताबेकी खित्‍सादु थेकी रूल लै खाईन थोक च्‍युत्‍कीन थेबाला स्‍यिर च्‍युता ओतान।