मर्कूस 1:41 - जिरेल

⁴¹ थेकी थोक खाबा थोङजीन येशूला ङिङज्‍ये लासुङ। थेमे लाक्‍पेकी थेला दोइनकामा “ङा खोल्‍ला ठाक्‍पा खिओ। लो खो ठाक्‍स्‍यीत,” सिन सिदुक।

मर्कूस 1:41 Iomraidhean Croise

मत्ती 9:36

थोक खाला ख्‍याम्‍जीन थे खोरोङ ओत्‍सादु ओङकान्‍ते हूलताङ हूल मिला थोङजीन थेला आउदी ङिङज्‍ये लाङगीन ओतान। च्‍यिला सासीन जेसुकै पीरताङ तापकी खित्‍सादु खापाङ छ्याःङ आश खित्‍च्‍येते लामराङ मेतेई सेम स्‍यिइन थेबा गोठाला मेताते लुक च्‍योकराङ गाला ओतान।

मर्कूस 1:40

ङीमाई जेबोज्‍यीक येशू ओत्‍सादु लिच्‍युङ। वाकीन मान खिन खोबुकला देत्‍कीनकामा थेकी “खुई ङाला ठाक्‍पा खिता चाल्‍सीन ङा ठाक्‍च्‍या ओतान आङ गुरू,” सिन सासुङ।

मर्कूस 1:42

थोक सिराईताङ थे मिते जे तोरगीन थे दाक ठाक्‍सुङ।

मर्कूस 4:39

थेमे खोक लाकीन येशूकी ल्‍हाबाताङ समुन्‍द्रे छालला “गोगे देत,” सिन सिदुक। थेकी थोक सानामेई ल्‍हाबा चले खिता ताङसुङ, समुन्‍द्रे छालोङ तोरसुङ।

मर्कूस 5:41

थेमे थे फिजे लाक्‍पाला जुम्‍गीन “तालिता कूमी,” सिन सिदुक। दोक साबाते ए फुमो, ङा खोल्‍ला ल्‍वा सिन सिओ साबाते ईन।

मर्कूस 6:34

थेबा थेपा लेप्‍ला डुङ्गादुकी फाप्‍जीन येशूकी होथे ङोला ङ्वा मुथुप्‍च्‍या मिला थोङसुङ। थे मिओन गोठाला मेताते लुई बगाल च्‍योकराङ ओता थोङजीन थेला आउदी ङिङज्‍ये लासुङ। थेमे थेकी थेबाला परमेश्‍वर बात काल्‍बेई लाप्‍कीन बिन्‍सुङ।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।

हिब्रू 4:15

ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।