मर्कूस 1:4 - जिरेल

⁴ होथे मिचेन बप्‍तिस्‍मा तेरकान्‍ते यूहन्‍नाराङ ओतान। री नाङला वाकीन थेकी मिओनला दोक सिन लोपाला स्‍यूसुङ। थेकी “मिवे, ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे छ्युला लुक्‍ला तेरच्‍येते बप्‍तिस्‍मा लोङ। दोक खानामेई परमेश्‍वरगी ख्‍योकोनगी खाबाते पाप माफ तेरग्‍यो,” सिन लोप्‍कीन ओतान।

मर्कूस 1:4 Iomraidhean Croise

मत्ती 3:11

थेमे ङाचेन खालि खोपरोङ पापी दुका सिन छ्या स्‍येकीन परमेश्‍वर छ्य्‌वापा लै खाबाते मिओनला छ्युलाकामा लुक्‍ला बप्‍तिस्‍मा तेरग्‍यो। था ङे तिरी मिज्‍यीक ओङगो। थेचेन ङा भन्‍दा खापान खापान छ्ये ईन। सिइराङ सासीन ङानी थेते योक्‍पो ओङला काचाप खुरला थे तिरी ख्‍याम्‍बालाङ सोई मिक्‍किओ। थेकीचेन ख्‍योकोनला परमेश्‍वर आत्‍मा तेरच्‍येतेताङ मेला लुक्‍ला न्‍याय खित्‍च्‍येते काम ङिकाराङ खिओ।

मत्ती 3:6

थेमे थेबाबरीकी ङ्योकोनगी दोक दोक पाप खाबाप, थोक खाबाते लेमु मेन्‍दाक्‍वा सिन सानामेई यूहन्‍नेकी थेबाला यर्दन चाङबोदुराङ छ्युला लुगीन बप्‍तिस्‍मा बिन्‍सुङ।

मर्कूस 1:5

यहूदिये अञ्‍चल नाङलेई थेमे यरूशलेम सारगी नाङलेई मि गाङेराङ यूहन्‍ने बात ङेन्‍दाला थेरू वाबा ओतान। थेमे थेबाबरीकी ङ्योकोनगी दोक दोक पाप खाबाप, थोक खाबाते लेमु मेन्‍दाक्‍वा सिन सानामेई यूहन्‍नेकी थेबाला यर्दन चाङबोदुराङ छ्युला लुगीन बप्‍तिस्‍मा बिन्‍सुङ।

लूका 1:77

दिकी चुक खिते सासीन प्रभु परमेश्‍वरगी थे खोरोङ मि सिन छाने खाबातेबाला था थेबेकी खाबाते पाप माफ बिन्‍ला पापकी सजायदुकी डेल्‍ग्‍यो सिन लोप्‍क्‍यो।

यूहन्‍ना 3:23

थे बेलाला यूहन्‍नाचेन सालीम खादु एनोन सिरसादु छ्यु काल्‍बेई ओतेकी मिओनला बप्‍तिस्‍मा तेरगीन ओतान। बप्‍तिस्‍मा नाङ सिरकान्‍ते मि थेरू काल्‍बेई ओङगीन ओतान।

शक्ति काम 10:37

थोकराङ खाला यूहन्‍नेकी परमेश्‍वर छ्य्‌वापा लै खि सिन मिओनला छ्युला लुक्‍ला बप्‍तिस्‍मा तेरच्‍येते काम खाईन सिन्‍नामेकी गालील अञ्‍चलदुकी शुरू ओङगीन यहूदीओन देत्‍च्‍येते ठाउँ ठाउँला ओङाते अचम्‍बते कामताङ बाततेबा ख्‍योकोनला छ्याराङ ओत।

शक्ति काम 22:16

थोगी खुई था छ्याःङ अलमल मिक्‍किता खाला येशूला प्रभु सिन प्रार्थना खाला बप्‍तिस्‍मा लोङ। थेमे खोरोङगी थातासाक खाबाते पापतेबा गाङे परमेश्‍वरला माफ नाङ सि। दोक खानामेई थेकी खोल्‍ला माफ तेरग्‍यो,’ सिन सिदुक।