मर्कूस 1:34 - जिरेल

³⁴ थेरू खुलाबाते खुदुक खुदुक रोग लै खाईन नाबाते मि काल्‍बेईला थेकी ठाक्‍पा खासुङ। थोकराङ खाईन ल्‍हन्‍डीक खोबाते मिओनदुकी ल्‍हन्‍डीक काल्‍बेई तेन्‍गीन ताङसुङ, स्‍यिन्‍डीप खोबातेबालाङ ठाक्‍पा खासुङ। ल्‍हन्‍डीकओनगी थे खोरोङ सु ईन्‍दे सिन थेला ङो स्‍येक्‍यो सिन येशूला छ्या ओतेकी थेकी थेबाला छ्याःङ बात खित माच्‍युत्‍सुङ।

मर्कूस 1:34 Iomraidhean Croise

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मत्ती 4:24

थेकी खाबाते दि कामगी बाततेबा सिरिये लुङबा खाङोङ फैले खासुङ। थेमे मिओनगी थरी थरी रोग लै खाईन नाबाते मिओन, ल्‍हन्‍डीक खोबातेबा, जा लाङकान्‍तेबा, कुज्‍येतेबा गाङेला ठाक्‍पा खाला तेरस्‍यीत सिन थे ओत्‍सादु क्‍याल्‍सुङ। थेमे थेकी थे मि गाङेला ठाक्‍पा खाईन बिन्‍सुङ।

मर्कूस 1:25

थोक सिरजीन येशूकी “खो काल्‍बा बात माकेत। दि मिदुकी छिटो थेन्‍ला ग्‍युक,” सिन थे ल्‍हन्‍डीकला ङारसुङ।

मर्कूस 3:12

तर थेकी ल्‍हन्‍डीकओनला “खाराक्‍पा देत। ङा सु ईन्‍दे सिन ख्‍योकोनगी सिरा माफाबो,” सिन ङारसुङ।

लूका 4:41

ल्‍हन्‍डीक खोबाते मिओन नाङदुकीङ ल्‍हन्‍डीकओनला थेन्‍ला ग्‍युक सिन कोत्‍कीन सालसुल तेन्‍गीन ताङसुङ। ज्‍यीबेकी ल्‍हन्‍डीकओनचेन “खो परमेश्‍वर फुज्‍युङ ईन,” सिन छेरा खिनकामा मिदुकी थेन्‍ला डुइन ओतान। ल्‍हन्‍डीकओनगी थेला परमेश्‍वरगी तोङगो साबाते ख्रीष्‍टराङ ईन सिन छ्या स्‍येबा ओतेकी येशूकी थेबाला छ्याःङ बात खित माच्‍युत्‍सुङ।