मर्कूस 1:25 - जिरेल

²⁵ थोक सिरजीन येशूकी “खो काल्‍बा बात माकेत। दि मिदुकी छिटो थेन्‍ला ग्‍युक,” सिन थे ल्‍हन्‍डीकला ङारसुङ।

मर्कूस 1:25 Iomraidhean Croise

मत्ती 9:30

थोक खानामेकी थेबे मिक दाक थोङच्‍या गाल्‍सुङ। थेमे थेकी “त्‍वा दि बात सुङलाङ मासेर याङ,” सिन थेबाला थेरूकी ताङसुङ।

मर्कूस 1:24

“ए नासरतपे येशू, खुई सेमला पाप सिराते छ्याःङ मेत, खोल्‍ला परमेश्‍वरगी ताङाते ईन सिन ङाला छ्या ओत। खो ङ्योकोनला दुक्‍पा तेराला च्‍यिला वाबे? ङ्योकोनला था नरककुण्‍डमा तोङच्‍या ईनज्‍योक मेन?” सिन सासुङ।

मर्कूस 1:26

थेमे थे ल्‍हन्‍डीककी थे मिला जाङा जिङा खाईन जा लोङाच्‍योक खाईन टोले जोसुङ। थेमे कस्‍स्‍ये खाईन छेरा खाईन थेन्‍गीन गाल्‍सुङ।

मर्कूस 1:34

थेरू खुलाबाते खुदुक खुदुक रोग लै खाईन नाबाते मि काल्‍बेईला थेकी ठाक्‍पा खासुङ। थोकराङ खाईन ल्‍हन्‍डीक खोबाते मिओनदुकी ल्‍हन्‍डीक काल्‍बेई तेन्‍गीन ताङसुङ, स्‍यिन्‍डीप खोबातेबालाङ ठाक्‍पा खासुङ। ल्‍हन्‍डीकओनगी थे खोरोङ सु ईन्‍दे सिन थेला ङो स्‍येक्‍यो सिन येशूला छ्या ओतेकी थेकी थेबाला छ्याःङ बात खित माच्‍युत्‍सुङ।

मर्कूस 9:25

थेमे मि गाङेराङ छ्य्‌वाकीन वाकीन थेरूराङ ह्रुप रूपा थोङगीन येशूकी थे ल्‍हन्‍डीकला “खुई दि फिजे नामज्‍योक ओन च्‍युत्‍कीन दिला लाटा जोला दुक। खो दि फिजादुकी थेन्‍ला ग्‍युक। थेमे याङराङ नोमुङ दि फिजाला मादो,” सिन कोत्‍सुङ।

लूका 4:35

थोक सिरजीन येशूकी “खो काल्‍बा बात माकेत। दि मिदुकी छिटो थेन्‍ला ग्‍युक,” सिन थे ल्‍हन्‍डीकला ङारसुङ। थेमे थे ल्‍हन्‍डीककी थे मिला मि गाङे ङोन्‍दु ज्‍याङे रिल्‍गीन थेन्‍गीन गाल्‍सुङ। दोक खाईन रिल्‍गीन ताङसीनोङ थे मिला छ्याःङ मेलेबा मायाङसुङ।

लूका 4:41

ल्‍हन्‍डीक खोबाते मिओन नाङदुकीङ ल्‍हन्‍डीकओनला थेन्‍ला ग्‍युक सिन कोत्‍कीन सालसुल तेन्‍गीन ताङसुङ। ज्‍यीबेकी ल्‍हन्‍डीकओनचेन “खो परमेश्‍वर फुज्‍युङ ईन,” सिन छेरा खिनकामा मिदुकी थेन्‍ला डुइन ओतान। ल्‍हन्‍डीकओनगी थेला परमेश्‍वरगी तोङगो साबाते ख्रीष्‍टराङ ईन सिन छ्या स्‍येबा ओतेकी येशूकी थेबाला छ्याःङ बात खित माच्‍युत्‍सुङ।

शक्ति काम 16:17

पावलबा ङ्योकोनला ठेत्‍जीन ङ्योकोन तिङ ङ्योगीन थे फेम्‍मे फिजेकी छेरा खिन “दिबा गाङे भन्‍दा छ्येते परमेश्‍वर काम खित्‍कान्‍ते मिओन ईन। मि चुक खाला पापकी सजायदुकी थारगीते सिरच्‍येते बात दिबेकी लोप्‍क्‍यो,” सिन सासुङ।