मर्कूस 1:2 - जिरेल

² दि गा लाङच्‍येते बातचेन परमेश्‍वर बात खित्‍कान्‍ते यशैयेकी टिबा ओता च्‍योकराङ खाईन शुरू ओङसुङ। येशू ख्रीष्‍ट ओङजीन चुक ओङगीते सिन परमेश्‍वरगी साबाते बात यशैयेकी दोक सिन टिबा ओतान। चुक सासीन “खोल्‍ला तोङा भन्‍दा गोमा ङा मिज्‍यीकला तोङगो। थेकीराङ खुई लाईदु जेसुकै ठीक खिओ,” सिन टिबा ओतान।

मर्कूस 1:2 Iomraidhean Croise

मत्ती 11:10

च्‍यिला सासीन ख्रीष्‍टला देमा तोङच्‍येते बात खिन परमेश्‍वरगी परमेश्‍वर बातला ‘खोल्‍ला तोङा भन्‍दा गोमा ङा मिज्‍यीकला तोङगो। थेकीराङ खुई लाईदु जेसुकै ठीक खिओ,’ सिन साबा ओतान। परमेश्‍वरगी ख्रीष्‍टला तोङा भन्‍दा गोमा तोङगो साबाते मिचेन यूहन्‍नाराङ ईन।

मत्ती 2:5

ठिजीन थेबेकी “ख्रीष्‍टनी यहूदिये अञ्‍चलते बेथलेहेमदु केइओ। च्‍यिला सासीन परमेश्‍वरगी थे खोरोङ बात खित्‍कान्‍ते मिला दोक सिन टिक च्‍युता ओतान।

मत्ती 26:24

परमेश्‍वर ओत्‍सादुई वाबाते मि ङानी परमेश्‍वर बातला टिबा ओताच्‍योक खाला स्‍यापराङ फाप्‍क्‍यो। थोक ईन्‍सीनोङ ङाला धोका तेरकान्‍ते मिकी ज्‍यीबा लाङच्‍याई सजाय ङेत्‍क्‍यो। बरू थेनी केराङ माकेबा ईन्‍सीन लेमु ओङच्‍या ओतान,” सिन सिदुक।

मत्ती 26:31

थेमे येशूकी चेलातेबाला “थरिङ ग्‍वाका मिओनगी ङाला जिन्‍दा थोङला ख्‍योकोन गाङेराङ ङाला ताङला छ्योङगो। थोक ओङगो सिन परमेश्‍वर बातला परमेश्‍वरगी ‘ङा गोठालाला सेत्‍क्‍यो, थेला सेत्‍नामेई लुकओनचेन जतासुकैपा छरपुट्ट डुइओ,’ सिन साबा ओत।

लूका 1:70

शत्रु लाःक्‍तुकी थेमे ङुरूङला मिगी थोङसार्मु खित्‍कान्‍तेबा गाङे लाःक्‍तुकी डेल्‍ग्‍यो सिन परमेश्‍वरगी थे खोरोङ बात खित्‍कान्‍ते मिओनला गोमाकाराङ सिर च्‍युता ओतान।

लूका 1:76

थेमे दि ङे फुज्‍युङलाचेन गाङे भन्‍दा छ्येते परमेश्‍वरगी थे खोरोङ बात खित्‍कान्‍ते मि ईन सिन सिओ। च्‍यिला सासीन था दिकीराङ प्रभु परमेश्‍वर ओङगो सिन मिओनला लाप्‍ला बिन्‍ला थे ओङाला जेसुकै ठीक खिओ।

लूका 18:31

थेमे येशूकी थे खोरोङ चेला च्‍युन्‍ङीला मि नाङदुकी टिक्‍पी फजेकपा खेरगीन “लो दि बात ङेन। ङुरूङ यरूशलेमने डुइन ओत। थेने लेप्‍नामेकी परमेश्‍वर बात खित्‍कान्‍तेबेकी परमेश्‍वर ओत्‍सादुई वाबाते मि ङाला चुक चुक ओङगीते सिन टिबाते गाङे बात साबा च्‍योकराङ ओङगो।