मर्कूस 1:13 - जिरेल

¹³ थेमे येशू ङीमा खाल ङिसाक री नाङलाराङ देत्‍सुङ। थेङला री रीदाकओनोङ ओतान। थोक खाला देत्‍जीन ल्‍हन्‍डीक गेल्‍बो शैतानगी थेला परी परी खाईन लुकीन पाप खित ज्‍युता चाल्‍सुङ। थेजीन परमेश्‍वर दूतओनगी येशूला च्‍यि खाला तेरा फाप्‍कीका थोक खिन ओतान।

मर्कूस 1:13 Iomraidhean Croise

मत्ती 26:53

च्‍यि खुई ङे आबाला ङाला दिबे लाःक्‍तुकी जोए खाला नाङ सिन सासीन थेकी ङे लाईदु थाल्‍लाराङ ङोला ङ्वा मुथुप्‍च्‍याई थे खोरोङ दूतओन तोङा मुथुबो साबाप?

मत्ती 4:1

थेकी बप्‍तिस्‍मा लानामेकी येशूला परमेश्‍वर आत्‍मेकी री नाङपा टीकीन खेरसुङ। ल्‍हन्‍डीक गेल्‍बो शैतानगी थे सेम तारस्‍यीत सिन थेला थेङपा खेरा ओतान।

लूका 4:1

परमेश्‍वर आत्‍मा ङेत्‍कीन येशू परमेश्‍वर आत्‍मेकी खाङाते मि ओङा ओतान। थोक ओङनामेई परमेश्‍वर आत्‍मेकी थेला यर्दन चाङबोदुकी रीला टीकीन खेरसुङ।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

हिब्रू 4:15

ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।