मत्ती 7:2 - जिरेल

² च्‍यिला सासीन ख्‍योकोनगी ज्‍येनला फलाना दोक्‍ते थे थोक्‍ते सिन सासीन परमेश्‍वरगी ख्‍योकोनोङ होथोक्‍तेराङ ईन सिन साला ख्‍योकोन दोषी ईन सिन सिओ। ज्‍येनला ख्‍योकोनगी जस्‍तो खिदुक परमेश्‍वरगीङ ख्‍योकोनला उस्‍तोराङ खिओ।

मत्ती 7:2 Iomraidhean Croise

मत्ती 6:14

ईन्‍दालाचेन ख्‍योकोनगी खेराङला मेलेबा खित्‍कान्‍ते मिओनला माफ बिन्‍सीन स्‍वर्गने देत्‍कान्‍ते ख्‍योकोन आबा परमेश्‍वरगीङ ख्‍योकोन पाप माफ तेरग्‍यो।

मर्कूस 4:24

थोरूमोङ बात खिन थेकी “ङे लोप्‍च्‍येते बात लेमु खाला ङेन्‍ला च्‍यि साबाते ईन्‍ताका सिन छ्या स्‍येबा खि। ख्‍योकोनगी परमेश्‍वर बात चुक खाला ङेन्‍गीका थे ताला परमेश्‍वरगी काम खिओ। थे बात लेमु खाला ङेन्‍कान्‍ते मिकी थे बात खोकीन डुइओ। परमेश्‍वरगी थोक्‍ते मिला थे खोरोङ बात झन लेमु खाला खो ज्‍युत्‍क्‍यो।

लूका 6:38

थेमे ख्‍योकोनगी खेराङताङ ओताते ज्‍येनताङ गोला सो। दोक खासीन परमेश्‍वरगी ख्‍योकोनला गोच्‍येते जति वालछ्येल ओङच्‍या खाला तेरग्‍यो। बातचेन दिराङ ईन। ज्‍येनला ख्‍योकोनगी जस्‍तो खिदुक परमेश्‍वरगीङ ख्‍योकोनला उस्‍तोराङ खिओ,” सिन सिदुक।

२ कोरिन्‍थी 9:6

ख्‍योकोनगी दि बात टोक माज्‍येत। च्‍यि सासीन सोन टिक्‍पीस्‍यिक देप्‍कान्‍ते मिकी तिरी बाली थोक्‍जीन रूक्‍जीनोङ टिक्‍पीस्‍यिकराङ रूइओ। सोन काल्‍बेई देप्‍कान्‍तेईचेन बालीङ काल्‍बेईराङ रूइओ।

याकूब 2:13

च्‍यिला सासीन ज्‍येनला ङिङज्‍ये मिक्‍किकान्‍ते मिला तिरी न्‍याय खिते छोमु परमेश्‍वरगी दया मिक्‍किओ। ज्‍येनला ङिङज्‍ये खित्‍कान्‍तेलाचेन न्‍याय खित्‍जीन परमेश्‍वरगी दया खिओ।

छ्या स्‍ये च्‍युताते बात 18:6

बेबिलोनगी जस्‍तो मेलेबा खाला दुक थे सजाय थेला तेरा फाप्‍क्‍यो। थेकी ङेता फाप्‍च्‍येते सजाय भन्‍दाङ छ्येज्‍यीक सजाय थेला तेरा फाप्‍क्‍यो। थेकी ज्‍येनला थुङ च्‍युताते छ्याङ भन्‍दाङ कन्‍देते छ्याङ थेला थुङ छ्युत।