मत्ती 4:3 - जिरेल

³ थे थोक खाईन त्‍वाबेकी स्‍याप खाबा ओते बेलालाराङ पाप खित ज्‍युता छोल्‍कान्‍ते शैतानगी वाकीन थेला ल्‍वा छोल्‍गीन “खो परमेश्‍वर फुज्‍युङ ईन, मेन ओना? लो परमेश्‍वर फुज्‍युङ ईन सासीन खो उदि दोओनला साप डोर छ्युत,” सिन सिदुक।

मत्ती 4:3 Iomraidhean Croise

मत्ती 14:33

थोक थोक ओङनामेई डुङ्गाला ओताते चेलातेबेकी थेला मान खिन “प्रभु, खो परमेश्‍वर फुज्‍युङराङ दुका,” सिन से खासुङ।

मत्ती 16:16

थेबे नाङ शिमोन पत्रुसकी “गुरू, खो सोम्‍बोते परमेश्‍वर फुज्‍युङ ईन। खो थेकी तोङगो साबाते ख्रीष्‍ट ईन,” सिन सिदुक।

मत्ती 26:63

थेकी थोक सिरजीनोङ थे खाराक्‍पाराङ देत्‍सुङ। लोईनराङ थेकी “लो खो सोम्‍बोते परमेश्‍वर दोन्‍दु ना क्‍याल्‍ला दि बात सि। च्‍यि खो परमेश्‍वरगी तोङगो साबाते ख्रीष्‍टराङ ईन? थोक ईन्‍सीन खो परमेश्‍वर फुज्‍युङ ईन्‍दासीन, मेन?” सिन ठिसुङ।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

मर्कूस 1:1

परमेश्‍वर फुज्‍युङ येशू ख्रीष्‍टते गा लाङच्‍येते बात चुक खाईन शुरू ओङसुङा सिरच्‍येते बात दुरू टिबा ओत।

मर्कूस 3:11

थे मि हूलगी नाङ ओताते ल्‍हन्‍डीक खोबाते मिओनगी येशूला थोङनामेई गुर्बु खाला से खिन “हजूर, खो परमेश्‍वर फुज्‍युङ ईन,” सिन छेरा खिन ओतान।

मर्कूस 5:7

ल्‍हन्‍डीक खानापेई थेकी कस्‍स्‍ये खाला छेरा खिनकामा “ए येशू, खो गाङे भन्‍दा छ्येते परमेश्‍वर फुज्‍युङ ईन सिन ङाला छ्या ओत। खो ङाला दुक्‍पा तेराला दुरू च्‍यिला वाबे? ङाला दुक्‍पा मातेर ओर्च्‍ये। दोक मिक्‍किओ सिन हजूर खो परमेश्‍वर साक्षी ज्‍याक्‍ला ना क्‍योल,” सिन सिदुक।

लूका 1:35

थे दूतकी “था खुई परमेश्‍वर आत्‍मा ङेत्‍ला गाङे भन्‍दा छ्येते परमेश्‍वर शक्तिकी खित्‍सादु फुज्‍यीमा खुरग्‍यो। थोगी खुई केबाते थे फिजाला सेमला पाप सिराते छ्याःङ मेताते थेमे परमेश्‍वर फुज्‍युङ ईन सिन सिओ।

लूका 22:70

थोक सिरजीन थेबा गाङेकी “थोक ईन्‍सीन च्‍यि खो परमेश्‍वर फुज्‍युङ ईन ओना?” सिन सिरजीन थेकी “ङा थेराङ ईन सिन ख्‍योकोनगीराङ सिदुक,” सिन सिदुक।

लूका 4:3

थे थोक खाईन त्‍वाबेकी स्‍याप खाबा ओते बेलाला दोन्‍दु वाकीन शैतानगी थेला “खो परमेश्‍वर फुज्‍युङ ईन, मेन ओना? लो परमेश्‍वर फुज्‍युङ ईन सासीन खो उदि दोओनला साप डोर छ्युत,” सिन सिदुक।

लूका 4:41

ल्‍हन्‍डीक खोबाते मिओन नाङदुकीङ ल्‍हन्‍डीकओनला थेन्‍ला ग्‍युक सिन कोत्‍कीन सालसुल तेन्‍गीन ताङसुङ। ज्‍यीबेकी ल्‍हन्‍डीकओनचेन “खो परमेश्‍वर फुज्‍युङ ईन,” सिन छेरा खिनकामा मिदुकी थेन्‍ला डुइन ओतान। ल्‍हन्‍डीकओनगी थेला परमेश्‍वरगी तोङगो साबाते ख्रीष्‍टराङ ईन सिन छ्या स्‍येबा ओतेकी येशूकी थेबाला छ्याःङ बात खित माच्‍युत्‍सुङ।

लूका 4:9

याङराङ थेकी येशूला यरूशलेमपा खेरगीन परमेश्‍वर मन्‍दिर टुप्‍पो लाक्‍तु जेत्‍कीन “खो परमेश्‍वर फुज्‍युङ मेनरो? लो दुरूकी फाल ग्‍योप।

यूहन्‍ना 1:34

थोक खाईन ङाराङला गोमाका साबाच्‍योक ओङा थोङेकी परमेश्‍वर फुज्‍युङचेन दिराङ ईन सिन ङा ख्‍योकोनला ठोके खाला सिओ,” सिन सासुङ।

यूहन्‍ना 1:49

थेमे नथानेलगी “गुरू, खोनी परमेश्‍वर फुज्‍युङराङ ईन, खो इस्राएलीओनला राज्‍य खिताला ओङगो साबाते गेल्‍बो ईन,” सिन सिदुक।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

यूहन्‍ना 9:35

थे मिला मिटिङ खित्‍च्‍येते खाम्‍बादु स्‍यूक्‍पा मेङेत्‍च्‍या खाईन तेन्‍दुक्‍लो सिन येशूकी थोसुङ। थेमे थेकी थेला ठेता खाईन “च्‍यि खो परमेश्‍वर ओत्‍सादुई वाबाते मिला विश्‍वास खिओ?” सिन सिरजीन

शक्ति काम 9:20

येशूला विश्‍वास खिताला स्‍यूक्‍पाईताङ शावल थेरू ओताते यहूदीओनते मिटिङ खित्‍च्‍येते खाम्‍बे नाङपा गाल्‍गीन थेरू जम्‍मा ओङाते मिओनला येशू परमेश्‍वर फुज्‍युङराङ ईन सिन लोपाला स्‍यूसुङ।

२ कोरिन्‍थी 1:19

च्‍यिला सासीन सिल्‍वानस, तिमोथी थेमे ङे ख्‍योकोनला छ्या स्‍येबा खाईन बिन्‍दाते परमेश्‍वर फुज्‍युङ येशू ख्रीष्‍टचेन साँचोतेङ मेन्‍दातेङ परी ङि बात खित्‍कान्‍ते मेन। थे खालि साँचोते बातकामा खित्‍कान्‍ते ईन।

गलाती 2:20

चुक खाईन सासीन ख्रीष्‍टला स्‍यिङगी थामला टाँए खाला सेत्‍जीन ङाङ थेत्ताङराङ थे थामला टाँए खाईन स्‍याप्‍ते ईन। ङा थोक खाईन स्‍याप ईन्‍सीनोङ थोरूमसाक सोम्‍बोराङ ओत। ङाराङ सोम्‍बो ओत्‍सीनोङ थरिङोला ङे जे खिदुक थे ङे खित्‍च्‍येते मेन, ख्रीष्‍ट ङे सेमगी नाङ ओतेकी ङे च्‍यि च्‍यि खिका गाङे थेकीराङ खित ज्‍युत्‍च्‍येते ईन। मास्‍यिथुप था ङा परमेश्‍वर फुज्‍युङला विश्‍वास खिन देत्‍ला थेकी खित ज्‍युता चाला च्‍योककामा खिन देत्‍क्‍यो। थेकी ङाला ङिङज्‍ये खाईन ङे लाईदु थे खोरोङ ज्‍यानराङ बिन्‍गीन स्‍या ओतान।

१ थिस्‍सलोनिकी 3:5

थोक थोक दुक्‍पा ओङ च्‍युत्‍कीन मिला पाप खित ज्‍युता छोल्‍कान्‍ते शैतानगी ना ख्‍योकोनला प्रभु येशू छ्य्‌वापेकी टाला ईन्‍दा सिन ङाला आउदी ज्‍यीबा लाबा ओतान। शैतानगी थोक खाबा ईन्‍सीन ङ्योकोनगी ख्‍योकोन नाङ खाबाते काम थाराङ खेरोला डोच्‍या ओतान। थोगी ख्‍योकोन थोरूमोङ प्रभु येशूला विश्‍वास खिनराङ दुकाना मिन्‍दुका सिन ताप्‍ला तिमोथीला ख्‍योकोन ओत्‍सापा ताङाते ईन।

हिब्रू 12:16

ख्‍योकोन सुङगीङ रन्‍डीबाजी थेमे होदि च्‍योक्‍ते खिता मेङच्‍येते काम माकेत। थेमे परमेश्‍वरला छ्याःङ वास्‍ता मिक्‍किकान्‍ते एसावकी च्‍योकराङ माकेत। थेकीचेन खामज्‍यीक सापला छ्येते फुज्‍युङ हक च्‍वाबा ओतान।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

हिब्रू 7:3

थेते आबा आमाताङ ज्‍युज्‍यु पुर्खा सु ओताने, थे नाम केकीन नाम स्‍या ओताने सिरच्‍येते बात सुङलाङ छ्या मेत। थेचेन परमेश्‍वर फुज्‍युङ च्‍योकराङ सधैँभरि पूजारी ओङगीन देता ओत।

१ यूहन्‍ना 3:8

पाप खिनराङ देत्‍कान्‍ते मिचेन शैतानताङ डिक्‍कान्‍ते ईन। शैतानगीनी च्‍याक दि जुग शुरू ओङजीनमेईराङ पापकामा खिन ओत। शैतानगी खित्‍च्‍येते काम गाङे ङ्ये च्‍युत्‍ला खतम ज्‍वाप्‍लाराङ परमेश्‍वर फुज्‍युङ दुरू वाबाते ईन।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।