मत्ती 4:1 - जिरेल

¹ थेकी बप्‍तिस्‍मा लानामेकी येशूला परमेश्‍वर आत्‍मेकी री नाङपा टीकीन खेरसुङ। ल्‍हन्‍डीक गेल्‍बो शैतानगी थे सेम तारस्‍यीत सिन थेला थेङपा खेरा ओतान।

मत्ती 4:1 Iomraidhean Croise

यूहन्‍ना 14:30

था ङा काल्‍बासाक ख्‍योकोनताङ बात खिन देता मेङेदो। था दि सा लुङबे गेल्‍बो शैतान होत्ता ओङगीन ओत। थे ङा भन्‍दा छ्ये मेन। थेमे थेकी ङाला छ्याःङ खिता मुथुबो।

शक्ति काम 8:39

छ्युदुकी पाङला थेन्‍नामेकी प्रभु परमेश्‍वर आत्‍मेकी फिलिपला थेरूकी ज्‍येननापा खेरसुङ। थोगी थे मिकी थेला माथोङसुङ। ईन्‍सीनोङ थेचेन आउदी गा खिन थे खोरोङ लामला गाल्‍सुङ।

रोमी 8:14

दोक खाला परमेश्‍वर आत्‍मेकी खित ज्‍युता चाला च्‍योकराङ खित्‍कान्‍ते मिचेन गाङेराङ परमेश्‍वर फुज्‍युङओन ईन।

हिब्रू 2:18

शैतानगी परी परी खाला लुला पाप खित ज्‍युता छोल्‍जीन थे खोरोङगी आउदी दुक्‍पा भोगे खाबा ओतान। थोगी खित्‍सादु शैतानगी मिला लुला पाप खित ज्‍युता छोल्‍जीन थोक्‍ते मिला येशूकी पाप खिता माफाप्‍च्‍येते शक्ति तेरग्‍यो।

याकूब 1:14

मि सेम मेलेबा ओतेकी जसलाङ गोमा दोक खिइ खिइ सिराच्‍योक लाङगो। होथोक खाला थेला दाक्‍पोनला खिइ खिइ सिराच्‍योक लाबाते माक्‍याबाला ओङराङ मेङगो सिराच्‍योक लाङगो।