मत्ती 26:3 - जिरेल

³ थेमे थे बेले नाङपाराङ छ्ये छ्ये पूजारीताङ यहूदीओन छ्ये छ्ये मि कैयाफा सिराते गाङे भन्‍दा छ्येते पूजारी खाम्‍बादु जम्‍मा ओङसुङ।

मत्ती 26:3 Iomraidhean Croise

मत्ती 26:69

नाङने थोक थोक ओङजीन पत्रुसचेन स्‍याङकादुराङ ओतान। थेमे थेरू काम खित्‍कान्‍ते फेम्‍मे मिज्‍यीगी दोन्‍दु गाल्‍गीन थेला “खोङ थे गालीलपे येशूताङराङ ओतान, मेनरो?” सिन सासुङ।

मत्ती 27:27

थेमे थे रोमी गेल्‍बो हाकिम मिल्‍टेरीओनगी थेरूकी येशूला रोमी गेल्‍बो हाकिम पिलातस खाम्‍बादु खेरसुङ। थे खाम्‍बाला प्रेटोरियम सिन ओतान। थेमे थेरू ओताते ज्‍येन मिल्‍टेरीओनलाङ गाङेला थेरू जम्‍मा खासुङ।

मर्कूस 14:54

थोक खाला थेला थेपा खेरजीन पत्रुसोङ थेबेकी मोथोङा खाईन थेबे तिङ ङ्योगीन गाल्‍गीन थे खाम्‍बे स्‍याङकादुराङ लेप्‍सुङ। थेमे थे खाम्‍बे पालेओनताङ ङ्योम्‍बुराङ देत्‍कीन मे दाप्‍ला स्‍यूसुङ।

मर्कूस 14:66

नाङने थोक थोक ओङजीन पत्रुसचेन स्‍याङकादुराङ ओतान। थे गाङे भन्‍दा छ्येते पूजारी खाम्‍बादु काम खित्‍कान्‍ते फेम्‍मे मिज्‍यीक स्‍याङकादुई खाला डोजीन

मर्कूस 15:16

थे मिल्‍टेरीओनगी थेरूकी येशूला पिलातस खाम्‍बादु खेरसुङ। थे खाम्‍बाला प्रेटोरियम सिन ओतान। थेमे थेरू ओताते ज्‍येन मिल्‍टेरीओनलाङ गाङेला थेरू काताङसुङ।

लूका 22:55

थे पूजारी खाम्‍बे स्‍याङकादु मिओन मे फुकीन देइन देता ओतान। पत्रुसोङ लेप्‍कीन थे मिओनताङराङ देत्‍कीन मे दाप्‍ला स्‍यूसुङ।

लूका 3:2

थेजीन हन्‍नासताङ कैयाफा गाङे भन्‍दा छ्येते पूजारी ओतान। थेमे थे बेलालाराङ परमेश्‍वरगी थे खोरोङ बात लोप सिन जकरिये फुज्‍युङ यूहन्‍नाला थे कामगी जिम्‍मा बिन्‍सुङ। थेजीनसाक यूहन्‍नाचेन रीलाराङ देता ओतान।

यूहन्‍ना 11:57

छ्ये छ्ये पूजारीताङ फरिसी पाटी मिओनगी सुइँदेकी येशूला खइँसाला ओता थोङसीन वाला थेबाला लोबा सिन कोता ओतान। थेबा खोपरोङगी थेला जिन्‍दा थुप्‍स्‍यीत सिन थेबेकी मिओनला थोक साबा ओतान।

यूहन्‍ना 18:24

थेरूई हन्‍नासकी थेला ठाबाते ठाबालाराङ गाङे भन्‍दा छ्येते पूजारी कैयाफा ओत्‍सादु ताङसुङ।

यूहन्‍ना 18:28

थेमे थेबेकी येशूला कैयाफे खाम्‍बादुकी रोमी गेल्‍बो हाकिम खाम्‍बापा खेरसुङ। थेजीन नाम लाङा लाङा खाबा ओतान। निस्‍तार चाड लेपा ओतेकी थे भोज साप्‍ला खोपरोङ बिटुले मिक्‍किस्‍यीत सिन थे खाम्‍बे नाङने मुस्‍यूक्‍पा खाईन यहूदीओन स्‍याङकामाराङ देत्‍सुङ।