मत्ती 2:2 - जिरेल

² थेमे थेबेकी थेरू मिओनला “ङ्योकोनचेन ख्‍योकोन यहूदीओन गेल्‍बो ओङाला केबाते फिजाला छोलाला वाबाप। च्‍यिला सासीन थे केसुङ सिन छ्या स्‍ये ज्‍युत्‍च्‍येते कार्मा थेन्‍दाते ङ्योकोनगी ङेराङ लुङबापेकी थोङसुङ। थोगी थेला ठेत्‍ला मान खिताप सिन ङ्योकोन दुरू वाबाते ईन। थे फिजा खापा दुका सिन ङ्योकोनला लाःप्‍ला नाङ,” सिन सासुङ।

मत्ती 2:2 Iomraidhean Croise

मत्ती 2:3

थे खोरोङ राज्‍यदु गेल्‍बो ओङाला फिजाज्‍यीक केबा ओत सिन थोनामेई हेरोद गेल्‍बो सेमला ठङगे स्‍यूसुङ। थेमे थेत्ताङ यरूशलेम मि गाङेराङ ज्‍यीबेकी थरावरी गाल्‍सुङ।

मत्ती 21:5

“सियोन सारगी मिओनला दि बात सि। चुक सासीन ख्‍योकोन गेल्‍बोचेन गेल्‍बो च्‍योक छ्ये मिक्‍किता खाला गधे लाक्‍तु जेला थेपा ओङगीन ओत। थे गधे कीउकी लाक्‍तुङ जेला ख्‍याम्‍ग्‍यो,” सिन साबा ओतान।

मत्ती 27:11

थेमे येशूला थे खोरोङ दोन्‍दु क्‍याल्‍नामेकी रोमी गेल्‍बो हाकिम पिलातसकी थेला “च्‍यि खो यहूदीओन गेल्‍बो ईन?” सिन ठिसुङ। ठिजीन थेकी “ङा यहूदीओन गेल्‍बो ईन सिन खुईराङ सासुङ,” सिन सिदुक।

लूका 19:38

थेबा गाङेराङ “प्रभु परमेश्‍वरगी देमा ताङाते गेल्‍बो काल्‍बेईसाक सोन्‍स्‍यीत। थेते जय जय ओङस्‍यीत। स्‍वर्गदु देत्‍ला लेमु खित्‍कान्‍ते परमेश्‍वरते जय जय ओङस्‍यीत,” सिन छेरा खिताला स्‍यूसुङ।

लूका 2:11

च्‍यि सासीन ख्‍योकोनला पापताङ दुक्‍पादुकी डेल्‍कान्‍तेचेन थाङबो दाऊद गेल्‍बो केबाते बेथलेहेमदु थरिङ ग्‍वाका केबा ओत। परमेश्‍वरगी तोङगो साबाते ख्रीष्‍ट थेराङ ईन, छ्येतेङ थेराङ ईन।

लूका 23:3

थेबेकी थोक सानामेई पिलातसकी येशूला “यहूदीओन गेल्‍बो खोराङ ईनना?” सिन ठिसुङ। थोक सिरजीन येशूकी “ङा थेराङ ईन सिन खुईराङ सासुङ” सिन सिदुक।

लूका 23:38

स्‍यिङगी पाटीज्‍यीकला “दि यहूदीओन गेल्‍बो ईन” सिन टिकीन थे गोःकी तेङने ठोके खाईन ज्‍याक्‍पा ओतान।

यूहन्‍ना 1:49

थेमे नथानेलगी “गुरू, खोनी परमेश्‍वर फुज्‍युङराङ ईन, खो इस्राएलीओनला राज्‍य खिताला ओङगो साबाते गेल्‍बो ईन,” सिन सिदुक।

यूहन्‍ना 12:13

थेमे थेबा खजूर दोङबो हाँगा खुरगीन च्‍याकीन येशूला ठेता खित गाल्‍सुङ। थेला ठेत्‍कीन थेबेकी छेरा खिनकामा “होसन्‍ना, प्रभु परमेश्‍वरगी देमा ताङाते इस्राएलीओन गेल्‍बो काल्‍बासाक सोन्‍स्‍यीत। थेते जय जय ओङस्‍यीत,” सिन येशूते जय जय खासुङ।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 19:19

पिलातसकी पाटीज्‍यीकला “दि नासरतपे येशू यहूदीओन गेल्‍बो ईन” सिन टिक च्‍युता ओतान। थेमे थे पाटी थेला टाँए खाबाते स्‍यिङगी थामला ठोके खाईन ज्‍याक्‍पा ओतान।

यूहन्‍ना 20:28

थेमे थोमेकी “प्रभु, खोराङ ङे मालिक ईन, खो ङे परमेश्‍वर ईन,” सिन सिदुक।

यूहन्‍ना 5:23

आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

यूहन्‍ना 9:38

थेमे थेकी “प्रभु, ङा खोल्‍ला विश्‍वास खिओ,” सिन थेला से खासुङ।

हिब्रू 1:6

थे खोरोङ छ्येते फुज्‍युङतेला दि सा लुङबामा तोङजीन याङराङ परमेश्‍वरगी “ङे दूत गाङेकी थेते जय जय खित्‍स्‍यीत,” सिन साला दुक।

छ्या स्‍ये च्‍युताते बात 22:16

“थाल्‍लासाक तेन्‍गीन बिन्‍दाते बाततेबा ठाउँ ठाउँला जम्‍मा ओङकान्‍ते ङे मिओनला छ्या स्‍ये ज्‍युताला ङा येशूकीराङ ङाराङ दूतला खो ओत्‍सादु ताङाते ईन। ङा दाऊद गेल्‍बो थरगीते थे सन्‍तानराङ ईन। ङोमु पाखाला स्‍यारच्‍येते आउदी खाला टल्‍के खित्‍च्‍येते कार्मा ङाराङ ईन,” सिन सिदुक।