मत्ती 10:3 - जिरेल

³ फिलिप, बारथोलोमाइ, थोमा, कर लिन्‍कान्‍ते मत्ती, अल्‍फयस फुज्‍युङ याकूब, थेदियस,

मत्ती 10:3 Iomraidhean Croise

मत्ती 18:17

थोक खाला मेरा ङि सुम डिक्‍ला बात खित्‍जीनोङ थेकी ङेनराङ माङेन्‍सुङ सासीन ज्‍येन आज्‍यो न्‍वाओनलाङ गाङेला रूला थेला थोरूमोङ सम्‍झे खि। गाङे दोन्‍दु थोक खित्‍जीनोङ थेकी ङे थोक खाबाते ईनराङ मेन सासीनचेन खेराङ आज्‍यो न्‍वा सिरा ताङला ख्‍योकोनगी थेला कर लिन्‍कान्‍तेताङ परमेश्‍वरला छ्या मेस्‍येकान्‍ते मि च्‍योकराङ ठाने खि।

मत्ती 27:56

थेबे नाङ मरियम मग्‍दलिनी, याकूबताङ योसे आमा मरियम थेमे जब्‍दी फुज्‍युङबा ङिबो आमाङ ओतान।

मत्ती 9:9

थेमे येशू थेरूई ख्‍याम्‍सुङ। डुइन ओत्‍जीनराङ थेकी कर लिन्‍कान्‍ते मत्ती सिराते मिला थे खोरोङ अफिसदु देता ओताते थोङसुङ। थेमे थेकी थेला ठेत्‍कीन “लो खो ङे चेला ओङला ङात्ताङ ख्‍योम,” सिन सिदुक। थोक सानामेई मत्ती खोक लाकीन येशूताङ ख्‍याम्‍सुङ।

मर्कूस 15:40

थेरू फेम्‍मे मिओनोङ येशूला च्‍यि च्‍यि ओङच्‍या ईन्‍दाका सिन आदो थारीलाराङ देत्‍ला तेइन ओतान। थेबे नाङ मरियम मग्‍दलिनी, कान्‍छाते याकूबताङ योसे आमा मरियम थेमे सलोमी ओतान।

मर्कूस 2:14

थेरूकी ख्‍याम्‍नामेकी डुइन डुइन थेकी कर लिन्‍कान्‍ते मिज्‍यीक अफिसदु देता ओता थोङसुङ। थेचेन अल्‍फयस फुज्‍युङ लेवी सिराते ओतान। येशूकी थेला ठेत्‍कीन “लो खो ङे चेला ओङला ङात्ताङ ख्‍योम,” सिन सिदुक। थोक सानामेई लेवी खोक लाकीन थेत्ताङ ख्‍याम्‍सुङ।

मर्कूस 3:18

थेमे ज्‍येनतेबाचेन अन्‍द्रियास, फिलिप, बारथोलोमाइ, मत्ती, थोमा, अल्‍फयस फुज्‍युङ याकूब, थेदियस, देशभक्त सिराते पाटी मि शिमोन

लूका 18:10

थेकी थेबाला “पालोई मेन्‍दा ङि मि प्रार्थना खिताला परमेश्‍वर मन्‍दिरने गाल्‍दुक्‍लो। थेबे नाङ दोक्‍पोई फरिसी पाटी मि थेमे ज्‍येनतेचेन कर लिन्‍कान्‍ते मि ओतानलो।

लूका 18:11

थेमे थे फरिसी पाटी मिकीचेन मन्‍दिर नाङ स्‍यूकीन लाकीन देत्‍कीन ‘ए परमेश्‍वर, ङा खोल्‍ला धन्‍यवाद तेरग्‍यो। च्‍यिला सासीन ज्‍येन मि च्‍योक खाला पापताङ लोभ खाला ङा पैसा मोजोओ, ज्‍येनला मेलेबाङ मिक्‍किओ। ङा मि फेम्‍मेताङ माङ्यालो। ङा उथे कर लिन्‍कान्‍ते मि च्‍योक्‍ते पापीङ मेन।

लूका 18:13

कर लिन्‍कान्‍ते मिकीचेन मन्‍दिर नाङ कुनाज्‍यीक्‍तु गाल्‍गीन ङा दोक पापी मिङ चुक खाला परमेश्‍वरला प्रार्थना खित्‍च्‍ये सिराच्‍योक खाईन खुङ खुगीन ‘ए परमेश्‍वर, ङा पापी ईन सिन ङाला छ्या ओत। ङाला दया खाला पापदुकी टाल्‍ला नाङ,’ सिन प्रार्थना खादुक्‍लो।

लूका 19:2

थे सारदु जखायस सिराज्‍यीक मि ओतान। थेचेन कर लिन्‍कान्‍ते मिओनते छ्येते मि ओतान। थे आउदी छ्युक्‍पु ओतान।

लूका 5:27

दि तिरी येशू थेरूई ज्‍येननापा गाल्‍सुङ। डोजीन थेकी कर लिन्‍कान्‍ते लेवी सिराते मिला थे खोरोङ अफिसदु देता ओताते थोङसुङ। थेमे थेकी थेला ठेत्‍कीन “लो खो ङे चेला ओङला ङात्ताङ ख्‍योम,” सिन सिदुक।

यूहन्‍ना 1:48

थेकी थोक साबा थोकीन नथानेलगी “ङा चुक्‍ते मि ईन्‍दाका सिन खुई चुक खाईन छ्या स्‍येसुङा?” सिन ठिसुङ। थेमे येशूकी “फिलिपकी देपा टीला खुलाङा भन्‍दा गोमा खो नेभारे दोङबो चावादु ओते बेलालाराङ ङे खोल्‍ला थोङाप,” सिन सिदुक।

यूहन्‍ना 11:16

थेरूई थे दिदिमस सिराते थोमेकीचेन ज्‍येन चेलातेबाला “लो थोक ईन्‍सीन ङुरूङोङ गाङेराङ डुइ, स्‍या फाप्‍सीनोङ गुरूताङराङ स्‍यिइ,” सिन सिदुक।

यूहन्‍ना 14:22

थेरू यहूदा इस्‍करियोत मेनगी ज्‍येनज्‍यीगोङ यहूदा सिराज्‍यीक चेला ओतान। थेकी “प्रभु, खोरोङ चुक छ्ये ईन्‍दे सिन खो च्‍यिला दि सा लुङबे मिओनला मेन, ङ्योकोनलाकामा छ्या स्‍ये ज्‍युत्‍कीते?” सिन सासुङ।

यूहन्‍ना 14:5

थेमे थोमेकी “प्रभु, खो खापा डुइते सिन ङ्योकोनला छ्या मेत। थोगी खो डोसादु लेप्‍च्‍येते लाम ङ्योकोनगी चुक खाला छ्या स्‍येकीते?” सिन सिदुक।

यूहन्‍ना 14:9

थेरूई येशूकी “ङा ख्‍योकोनताङ दोक काल्‍बासाक ङ्योम्‍बु देत्‍सीनोङ च्‍यि खुई ङाला छ्या स्‍येबा मेतरो फिलिप? ङाला थोङकान्‍ते मिकी आबालाङ थोङाते ईन। थेमे चुक खाला खो ‘आबा चुकस्‍यिक ओते सिन तेन्‍ला नाङ,’ सिते?

यूहन्‍ना 21:2

थे छोमु थेरू शिमोन पत्रुस, दिदिमस सिराते थोमा, गालील अञ्‍चल कानापे नथानेल, जब्‍दी फुज्‍युङबा ङिबो थेमे ज्‍येन मेन्‍दा ङि येशू चेलाओन ङ्योम्‍बुराङ ओतान।

शक्ति काम 1:13

थेपा ख्‍योल्‍नामेकी थेबा खोपरोङ देत्‍च्‍येते खाम्‍बादु स्‍यूकीन ताले लाकने गाल्‍सुङ। थेबाचेन पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयस फुज्‍युङ याकूब, देशभक्त सिराते पाटी मि शिमोन थेमे याकूब सिराते मि फुज्‍युङ यहूदा ओतान।

शक्ति काम 12:17

पत्रुसकी थेबाला थोक खाला छेरा माकेत सिन लाक्‍पेकी चाल खासुङ। थेमे प्रभु येशूकी थे खोरोङला चुक खाईन जेलदुकी तेन्‍गीन खुला लिच्‍युङा सिन गाङे बात लाःप्‍सुङ। थेमे थेकी थेबाला “दि बात याकूबला थेमे ज्‍येन ज्‍येन आज्‍यो न्‍वालाङ गाङेला लोबा,” सिन थे खोरोङचेन थेरूकी ज्‍येननापा गाल्‍सुङ।

शक्ति काम 15:13

थेबेकी बात खाईन सिन्‍नामेकी याकूबकी गाङेला “आज्‍यो न्‍वावे, दि बात लेमु खाला ङेन।

शक्ति काम 21:18

थेमे थेरू ङारो च्‍योक्‍ते पावलताङराङ ङ्योकोन गाङेराङ याकूबला ठेताला गालाप। थेरू येशू ख्रीष्‍ट मिओनला ताकान्‍तेबाङ गाङेराङ वाबा ओतान।

गलाती 1:19

थेरू देत्‍जीन प्रभु येशू न्‍वा याकूबला बाई येशू ख्रीष्‍टकी खटे खाबाते मिओन ज्‍येनलाचेन ङे सुङलाङ माठेत।

गलाती 2:9

परमेश्‍वरगी ङाला दया खाईन दि काम खित्‍च्‍येते जिम्‍मा बिन्‍दाते दुका सिन छ्या स्‍येनामेकी होथे छ्येते मिओन नाङ गाङे भन्‍दा छ्येतेबा ईन सिन साबाते याकूब, पत्रुस थेमे यूहन्‍नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्‍ला काम खिइ सिन सिदुक। दोक खित्‍जीनराङ बारनाबासताङ ङा ज्‍येन ज्‍येन जातकी मिला थेमे थेबाचेन यहूदीओनला गा लाङच्‍येते बात लोप्‍की सिरच्‍येते बातला थेबा डिक्‍सुङ।

याकूब 1:1

दि चिट्ठी टिक्‍कान्‍ते ङा याकूब ईन। ङा परमेश्‍वरताङ प्रभु येशू ख्रीष्‍ट काम खित्‍कान्‍ते मि ईन। ङा दि चिट्ठी लुङबा लुङबाला देता ओताते थर च्‍युन्‍ङी इस्राएलीओनला टिगीन ओत। ख्‍योकोनला ङेते नमस्‍ते ओत।

यहूदा 1:1

दि चिट्ठी टिक्‍कान्‍ते ङा यहूदा ईन। ङा याकूब न्‍वा ईन। ङा येशू ख्रीष्‍ट काम खित्‍कान्‍ते मि ईन। ङा दि चिट्ठी आबा परमेश्‍वरगी थे खोरोङ दोन्‍दु स्‍योक सिन काताङाते, थेकी ङिङज्‍ये खिन ओताते थेमे येशू ख्रीष्‍टकी ताकोरा खिन ओताते मि ख्‍योकोनला टिगीन ओत।