लूका 9:6 - जिरेल

⁶ थेमे थे चेलाओनगी गाङेपा युगीन युल युलला गा लाङच्‍येते बात लाप्‍सुङ, नाबाते मिओनलाङ ठाक्‍पा खासुङ।

लूका 9:6 Iomraidhean Croise

मर्कूस 16:20

थोक खाईन थे स्‍वर्गने गाल्‍नामेकी चेलातेबेकी गाङेपा गाल्‍गीन गा लाङच्‍येते बात मिओनला लोपाला स्‍यूसुङ। थोक खित्‍जीन प्रभु येशूकी थेबाला स्‍येतताङ बुद्धि बिन्‍सुङ। थेमे थेबेकी लापाते बात सत्‍यते ईन सिन मिओनगी छ्या स्‍येस्‍यीत सिन थेकी थेबाला अचम्‍बते कामओन खित च्‍युत्‍सुङ। आमेन।

लूका 8:1

दोक ओङाते टिक्‍पी तिरी येशू युलगी नाङला सारगी नाङला गाङेपा युगीन परमेश्‍वर राज्‍य गा लाङच्‍येते बात मिओनला लोप्‍कीन ख्‍याम्‍सुङ। थे खोरोङ चेला च्‍युन्‍ङीङ थेत्ताङ ङ्योम्‍बुराङ ओतान।

शक्ति काम 4:30

थेमे प्रभु परमेश्‍वर, ङ्योकोनगी सेमला पाप सिराते छ्याःङ मेताते खालि खुई कामकामा खित्‍कान्‍ते येशू मिन लाला नाबाते मिओन ठाक्‍पा खिता छोल्‍जीन खुई थेबाला ठाक छ्युत, छ्ये छ्येताङ अचम्‍बतेन्‍दे काम खित छ्युत,” सिन प्रार्थना खासुङ।

शक्ति काम 5:15

थेमे थे सारगी मिओनगी नाबाते मिओनला दिङच्‍या खोन्‍च्‍याताङराङ खुलाकीन लामगी छेउकी नाङला जहाँसुकै ङ्याल्‍गीन ज्‍य्‌वाबाला स्‍यूसुङ। थेबे नाङ मेन्‍दाई मेन्‍दा ङिलाकामा ईन्‍सीनोङ पत्रुस लामला ख्‍याम्‍जीन थे ठिमाककामा फाप्‍सीनोङ थेबा ठाइओ सिनराङ मिओनगी थोक खाबा ओतान।