लूका 9:44 - जिरेल

⁴⁴ “ङा ख्‍योकोनला दि बातज्‍यीक सिओ। दि बात लेमु खाला नामज्‍योक सेत्‍ला ङेन। च्‍यि सासीन था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खित्‍च्‍येते बेला लेपा खाबा ओत,” सिन सिदुक।

लूका 9:44 Iomraidhean Croise

मत्ती 16:21

थेमे दि तिरीमेकीचेन येशूकी चेलातेबाला “था ङा यरूशलेमपा ड्वा फाप्‍क्‍यो। थेपा गाल्‍नामेकी यहूदी छ्ये छ्ये मि, छ्ये छ्ये पूजारीताङ धर्मे गुरूओनगी ङाला आउदी दुक्‍पा तेरग्‍यो। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन थे खोरोङला च्‍यि ओङगीते, चुक ओङगीते सिन लाःपाला स्‍यूसुङ।

मत्ती 26:2

“था ङीमा ङि तिरी निस्‍तार चाड ओङगो सिन ख्‍योकोनला छ्याराङ ओत। थे चाडगी बेलालाराङ परमेश्‍वर ओत्‍सादुई वाबाते मि ङाला स्‍यिङगी थामला टाँए खाला सेताला मिओन लाःक्‍तु सोम्‍पे खिओ,” सिन सिदुक।

मर्कूस 8:31

थेमे दि तिरीमेकीचेन येशूकी चेलातेबाला “था परमेश्‍वर ओत्‍सादुई वाबाते मि ङे आउदी दुक्‍पा भोगे खिता फाप्‍क्‍यो। यहूदी छ्ये छ्ये मि, छ्ये छ्ये पूजारी थेमे धर्मे गुरूओनगी ङाला परमेश्‍वरगी ताङाते ईनराङ मेन सिन सिओ। थेमे सेदोङ ज्‍युत्‍क्‍यो। तर ङीमा सुम तिरी ङा सोम्‍बो लोइओ,” सिन थे खोरोङला ओङच्‍येते बाततेबा लाःपाला स्‍यूसुङ।

मर्कूस 9:31

च्‍यिला सासीन थेकी चेलातेबाला थोरूमोङ बात लोपा फाप्‍च्‍या ओतान। दोक खाला डुइन डुइन थेकी चेलातेबाला “था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खिओ। थेमे थेबेकी ङाला सेत्‍क्‍यो। तर ङीमा सुम तिरी ङा सोम्‍बो लोइओ,” सिन सिदुक।

लूका 1:66

दि बात थोकान गाङेकी दि बात च्‍यि ईन्‍ताका थेमे थे फिजा चुकस्‍यिक ओङगीताका सिन खोपरोङ खोपरोङ सेमदु गुने खासुङ। च्‍यिला सासीन प्रभु परमेश्‍वर साँच्‍चीराङ थे फिजाताङ ओत सिन गाङेकी छ्या स्‍येबा ओतान।

लूका 18:31

थेमे येशूकी थे खोरोङ चेला च्‍युन्‍ङीला मि नाङदुकी टिक्‍पी फजेकपा खेरगीन “लो दि बात ङेन। ङुरूङ यरूशलेमने डुइन ओत। थेने लेप्‍नामेकी परमेश्‍वर बात खित्‍कान्‍तेबेकी परमेश्‍वर ओत्‍सादुई वाबाते मि ङाला चुक चुक ओङगीते सिन टिबाते गाङे बात साबा च्‍योकराङ ओङगो।

लूका 2:19

मरियमगीचेन थेबेकी साबाते बातबरी गाङे सेमगी नाङ ज्‍यागीन गुने खिन देत्‍सुङ।

लूका 2:51

ईन्‍सीनोङ आमातेकीचेन दि बाततेबा सेमगी नाङराङ ज्‍याक्‍सुङ। थेरूई येशू थे खोरोङ आबा आमाताङ नासरतपाराङ ग्‍युरगीन गाल्‍गीन देत्‍सुङ। थेकी थेबेकी लाःपा कोताते लेमु खाला ङेन्‍गीन ओतान।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

लूका 9:22

थोरूमोङ बात खिन येशूकी थेबाला “परमेश्‍वर ओत्‍सादुई वाबाते मि ङे आउदी दुक्‍पा भोगे खिता फाप्‍क्‍यो। यहूदी छ्ये छ्ये मि, छ्ये छ्ये पूजारी थेमे धर्मे गुरूओनगी ङाला परमेश्‍वरगी ताङाते ईनराङ मेन सिन सिओ। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन सिदुक।

यूहन्‍ना 16:31

थेबेकी थोक सानामेई थेकी “था ईन्‍सीन ख्‍योकोनगी ङाला विश्‍वास खासुङ।

यूहन्‍ना 16:4

तिरी ख्‍योकोनला थोक ओङजीन ङे दोक दोक ओङगो सिन साबा ओतान सिन ख्‍योकोनगी ठेम्‍बा खित्‍स्‍यीत सिनराङ ङे दि बाततेबा साबाते ईन। ङा थोङला ख्‍योकोनताङ ङ्योम्‍बुराङ ओतेकी थेजीन ङे दि बाततेबा साबा मेतान।

यूहन्‍ना 19:11

थोक सिरजीन येशूकी “स्‍वर्गने ओताते परमेश्‍वरगी ङाला दोक खि सिन खोल्‍ला अधिकार बिन्‍देकी खित्‍सादुकामा खुई ङे न्‍याय खिता ङेताते ईन। ङाला खुई लाःक्‍तु सोम्‍पे खित्‍कान्‍ते मिकी झन आउदी पाप खाबाते ईन,” सिन सिदुक।

शक्ति काम 2:23

थोक ईन्‍सीनोङ ख्‍योकोनगीचेन थेला पापीओन लाःक्‍तु सोम्‍पे खाईन लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन सेत च्‍युत्‍सुङ। ईन्‍दानी थेकी थोक खाला स्‍या फाप्‍क्‍यो सिन परमेश्‍वरगी गोमाका साबा ओतान।

हिब्रू 2:1

बात दोक दोक ईन्‍देकी ङुरूङगी दाक्‍पोनगी थोबाते बातओन लेमु खाला ङेन्‍गीन देता फाप्‍क्‍यो। दोक खिन मादेत्‍सीन ङुरूङ दाक्‍पोनगी थोबाते बातला खि साबा च्‍योकराङ खिन देता मुथुबो।