लूका 9:43 - जिरेल

⁴³ परमेश्‍वरते थोक छ्येज्‍यीक शक्ति थोङगीन मि गाङे छक्‍क परे खासुङ। मि गाङेराङ येशूकी खाबाते दोक्‍ते अचम्‍ब अचम्‍बे काम थोङगीन छक्‍क परे खाबा ओतान। थेमे थेजीनराङ थेकी चेलातेबाला

लूका 9:43 Iomraidhean Croise

मत्ती 17:22

थेमे चेलातेबाताङ गालील अञ्‍चलदु ओते बेलाला येशूकी “था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खिओ।

मर्कूस 6:51

थेमे थेङ थे डुङ्गाला जेसुङ। थे जेनामेकी ल्‍हाबा चले खिता ताङसुङ। थोक ओङनामेई चेलातेबा झन छकदाङ परे खासुङ।

लूका 18:43

येशूकी थोक सिराईताङ थे मिक दाक थोङच्‍या गाल्‍सुङ। थोक ओङनामेई थे परमेश्‍वरते जय जय खिन येशूताङराङ ख्‍याम्‍सुङ। थोक अचम्‍बते काम ओङा थोङगीन थेरू ओताते मि गाङेकीङ परमेश्‍वरते जय जय खासुङ।

लूका 4:36

थेकी कोताते ल्‍हन्‍डीककीङ थोक खाईन ङेन्‍दा थोङगीन मि गाङेराङ छक्‍क परे खिन “आबिई, दिकी चुक अचम्‍ब खाला बात खिका। दित्ताङ ल्‍हन्‍डीक स्‍यिन्‍डीपला ग्‍याल्‍च्‍येते शक्ति ओतेकी थेबाला थेन्‍ला ग्‍युक सिराईताङ थेबा होत थेन्‍ला डुइदुक,” सिन खोपरोङ नाङ बात खिताला स्‍यूसुङ।

लूका 5:26

थोक ओङा थोङनामेई थेकी चुक अचम्‍बज्‍यीक काम खासुङा सिन छक्‍क परे खिन मि गाङेकी परमेश्‍वरते जय जय खासुङ। थेमे थेबा आते खिनकामा “आबिई ङुरूङगी थरिङ चुक अचम्‍बज्‍यीक काम थोङसुङा,” सिन सिराला स्‍यूसुङ।

लूका 5:9

च्‍यिला सासीन खोपरोङगी नुप खाङ जाल देक्‍जीन ङ्याज्‍यीगोङ माथेपाते समुन्‍द्रदुराङ थाल्‍ला थोक काल्‍बेई ङ्या थेप्‍जीन शिमोन पत्रुसताङ थे र्‍वाओन आते खिन छक्‍क परे खाबा ओतान।

लूका 8:25

थेमे थेकी चेलातेबाला “ङे ख्‍योकोनला जोए खिता थुप्‍क्‍यो सिन ख्‍योकोनगी ङाला विश्‍वास खाबाते खोइ?” सिन सिदुक। येशूकी थोक खाबा थोङगीन अचम्‍ब लाकीन आते खिन चेलातेबेकी “आबिई, दि मि चुक अचम्‍बज्‍यीक ईन्‍दाका। दिकी कोतातेनी ल्‍हाबाताङ समुन्‍द्रे छालगी समेदोङ ङेन्‍गीदुक,” सिन सासुङ।

लूका 9:42

थोक सानामेकी थे ल्‍हन्‍डीक खोबाते ख्‍योओ फिजा येशू खादु ओङगीन ओतान। थेमे थे बेलालाराङ ल्‍हन्‍डीककी थेला जा लाङगीन स्‍याङे जोसुङ। थेमे येशूकी थे ल्‍हन्‍डीकला “थे फिजादुकी थेन्‍ला ग्‍युक,” सिन कोत्‍सुङ। थेमे थे ल्‍हन्‍डीक थेन्‍गीन गाल्‍सुङ। थोक खाईन थेकी थे फिजा ठाक्‍पा खाईन च्‍याकीन आबातेला बिन्‍सुङ।

२ पत्रुस 1:16

ङुरूङ प्रभु येशू ख्रीष्‍ट चुक छ्येज्‍यीक शक्ति ङेत्‍ला दुरू ग्‍युरला ओङगीते सिन ख्‍योकोनला लोप्‍जीन ङ्योकोनगी थाराङ ङेराङगी जोबाते बात लापाते मेन। थे चुक छ्ये ईन्‍दे सिननी ङ्योकोनगी ङेराङ मिगीराङ थोङाते ईन।