लूका 9:42 - जिरेल

⁴² थोक सानामेकी थे ल्‍हन्‍डीक खोबाते ख्‍योओ फिजा येशू खादु ओङगीन ओतान। थेमे थे बेलालाराङ ल्‍हन्‍डीककी थेला जा लाङगीन स्‍याङे जोसुङ। थेमे येशूकी थे ल्‍हन्‍डीकला “थे फिजादुकी थेन्‍ला ग्‍युक,” सिन कोत्‍सुङ। थेमे थे ल्‍हन्‍डीक थेन्‍गीन गाल्‍सुङ। थोक खाईन थेकी थे फिजा ठाक्‍पा खाईन च्‍याकीन आबातेला बिन्‍सुङ।

लूका 9:42 Iomraidhean Croise

मर्कूस 9:20

थेमे थेबेकी थे फिजाला येशू दोन्‍दु क्‍याल्‍सुङ। थे ल्‍हन्‍डीककी येशूला थोङाईताङ थे फिजाला जा लाङसुङ। थेमे थे फिजा साला ज्‍याङे रिल्‍गीन छ्या ठेकीन क्‍युराते च्‍योक बेटेक बेटेक खासुङ। थेकी खानामा बावाङ तेन्‍सुङ।

लूका 7:15

थेकी थोक सिराईताङ थे स्‍याप्‍ते मि दाक सोम्‍बो लोगीन लासुङ। थेमे बादोङ खिताला स्‍यूसुङ। थेमे येशूकी थे फेम्‍मे मिला “लो था खोरोङ फुज्‍युङला खेर,” सिन सिदुक।

लूका 9:39

दिला बेला बेलाला ल्‍हन्‍डीकज्‍यीक खोकीदुक। थे खोनामेई दि कस्‍स्‍ये खाला छेरा खिदुक। थेमे थेकी दिला जा लाङला खानामा बावाङ देन्‍गीदुक। दोक खाला दुक्‍पा बिन्‍ला थेकी दिला सेताराङ खिदुक। थेमे बल्‍ल बल्‍लकामा तोङगीदुक।

लूका 9:41

थोक सिरजीन येशूकी “ख्‍योकोन था समय मि परमेश्‍वरला विश्‍वास खितराङ मिक्‍किकान थेमे थे बात ङेनराङ मेङेन्‍कान्‍ते ईन। परमेश्‍वरताङ छ्येज्‍यीक शक्ति ओत सिरच्‍येते बात था ख्‍योकोनगी नामचेन खोच्‍ये? थेमे था थोईसाक ङा दोक्‍ते काम खिन ख्‍योकोनताङराङ देत्‍च्‍ये,” सिन साकीन च्‍याकीन थे मिला “खुई फुज्‍युङला दुरू खोरच्‍योक,” सिन सिदुक।

लूका 9:43

परमेश्‍वरते थोक छ्येज्‍यीक शक्ति थोङगीन मि गाङे छक्‍क परे खासुङ। मि गाङेराङ येशूकी खाबाते दोक्‍ते अचम्‍ब अचम्‍बे काम थोङगीन छक्‍क परे खाबा ओतान। थेमे थेजीनराङ थेकी चेलातेबाला

यूहन्‍ना 6:19

थे बेलासाकला थेबेकी डुङ्गा चले खाईन कोस ङिचो थारी क्‍याल्‍गीन सिन्‍दा ओतान। थेमे थेजीनराङ येशू छ्युई लाकताङ लाक ख्‍याम्‍गीन थेबा खोपरोङ डुङ्गे खानापा ओङगीन ओताते थेबेकी थोङसुङ। दोक थोङजीन थेबा आउदी खाईन ज्‍यीबा खासुङ।

शक्ति काम 9:41

थेमे पत्रुसकी लाक्‍पाला जुम्‍गीन थेला थेरूकी लाङसुङ। थोक ओङनामेकी थेकी थेरू ओताते ख्‍योबो स्‍याप्‍ते फेम्‍मे मिओन थेमे परमेश्‍वर सन्‍तान ज्‍येन गाङेला नाङने काताङगीन च्‍याकीन तबीताला ठेता खाईन बिन्‍सुङ।

छ्या स्‍ये च्‍युताते बात 12:12

थोगी था स्‍वर्गदु ओतातेबरी गाङेराङ आउदी खाला गा खि। तर सा लुङबाताङ समुन्‍द्रदु ओताते जति गाङेलाचेन ज्‍यीबा लाङच्‍ये बात ईन। च्‍यिला सासीन थे खोरोङगी जेसुकै खिता ङेत्‍च्‍येते समय था टिक्‍पीस्‍यिककामा ओत सिन छ्या स्‍येकीन शैतान आउदी खोक्‍पो खाईन स्‍येदाङ खाईन ख्‍योकोन ओत्‍सामा गाला ओत,” सिन ओतान।