लूका 9:41 - जिरेल

⁴¹ थोक सिरजीन येशूकी “ख्‍योकोन था समय मि परमेश्‍वरला विश्‍वास खितराङ मिक्‍किकान थेमे थे बात ङेनराङ मेङेन्‍कान्‍ते ईन। परमेश्‍वरताङ छ्येज्‍यीक शक्ति ओत सिरच्‍येते बात था ख्‍योकोनगी नामचेन खोच्‍ये? थेमे था थोईसाक ङा दोक्‍ते काम खिन ख्‍योकोनताङराङ देत्‍च्‍ये,” सिन साकीन च्‍याकीन थे मिला “खुई फुज्‍युङला दुरू खोरच्‍योक,” सिन सिदुक।

लूका 9:41 Iomraidhean Croise

मत्ती 11:28

पीरताङ दुक्‍पेकी खित्‍सादु स्‍याप खाबाते मिवे, ख्‍योकोन ङा ओत्‍सादु स्‍योक। ङा ख्‍योकोनला ढुक्‍क खाला देत ज्‍युत्‍क्‍यो।

मत्ती 12:39

थोक सिरजीन थेकी “ख्‍योकोन था समय मिओननी परमेश्‍वरला माने खिता ताङगीन मेलेबा मेलेबा काम खित्‍कान ईन। ङा ख्‍योकोनगी साबाच्‍योक खितराङ मिक्‍किओ। था ख्‍योकोनगी परमेश्‍वर बात खित्‍कान्‍ते योनाला ओङाते च्‍योक्‍ते कामज्‍यीककामा थोङा ङेत्‍क्‍यो।

मत्ती 12:45

थोक थोङनामेई था याङराङ देता ङेत्‍च्‍याक्‍वा सिन थे ग्‍युरला गाल्‍ला थे खोरोङ भन्‍दाङ मेलेबातेन्‍दे ल्‍हन्‍डीक दुईनटीकला टीला खुलाङगो। थेमे थेबाबरी थे मिलाराङ खोक्‍यो। थोक ओङनामेकी थे मि ल्‍हन्‍डीकज्‍यीककामा खोबा ओत्‍जीन भन्‍दाङ झन मेलेबा डुइओ। थेमे मेलेबा मेलेबा काम खित्‍कान ख्‍योकोन था समय मिओनलाङ होथोकराङ मेलेबा ओङगो,” सिन सिदुक।

मत्ती 16:4

ख्‍योकोन था समय मिओननी परमेश्‍वरला माने खिता ताङगीन मेलेबा मेलेबा काम खित्‍कान ईन्‍देकी ङाला खालि खइँदा अचम्‍बते काम खाला तेन खिदुक। ङा ख्‍योकोनगी साबाच्‍योक खितराङ मिक्‍किओ। था ख्‍योकोनगी परमेश्‍वर बात खित्‍कान्‍ते योनाला ओङाते च्‍योक्‍ते कामज्‍यीककामा थोङा ङेत्‍क्‍यो,” सिन सिदुक। थोक साकीन च्‍याकीन थे थेरूई दाक ख्‍याम्‍सुङ।

मत्ती 17:17

थोक सिरजीन थेकी “था समय मि ख्‍योकोन परमेश्‍वरला विश्‍वास खितराङ मिक्‍किकान थेमे थे बात ङेनराङ मेङेन्‍कान्‍ते ईन। परमेश्‍वरताङ छ्येज्‍यीक शक्ति ओत सिरच्‍येते बात था ख्‍योकोनगी नामचेन खोच्‍ये? थेमे था थोईसाक ङा दोक्‍ते काम खिन ख्‍योकोनताङराङ देत्‍च्‍ये?” सिन साकीन च्‍याकीन “खुई फुज्‍युङला दुरू ङा ओत्‍सादु खोरच्‍योक,” सिन सिदुक।

मत्ती 23:36

दि बात छ्या स्‍येबा खि। च्‍यि सासीन थेबेकी खाबातेताङ खेराङगी खित्‍च्‍येते होथोक्‍ते कामगी सजाय परमेश्‍वरगी ख्‍योकोन सन्‍तानला मेन्‍देकी ख्‍योकोनलाराङ तेरग्‍यो।

मत्ती 3:7

फरिसी पाटीताङ सदुकी पाटी मिङ काल्‍बेई थे ओत्‍सादु वाबा ओतान। थेबेकीङ खोपरोङला छ्युला लुक्‍ला बप्‍तिस्‍मा नाङ सिरजीन यूहन्‍नेकी थेबाला “छ्यि ख्‍योकोन ङोचा क्‍ये मेतातेबा, छ्युला स्‍यूला बप्‍तिस्‍मा लालाकामा परमेश्‍वरगी था तिरी स्‍येदाङगी चूर गाल्‍ला तेरच्‍येते सजायदुकी थारग्‍यो सिन खेल्‍ला सुई सिका? थोक सजिलो खाला थे सजायदुकी माथारो।

मर्कूस 10:14

चेलातेबेकी थोक खाबाते येशूला लेमु मालाकीन स्‍येदाङ लासुङ। थेमे थेकी थेबाला “फिजाओनला दुरू खुला माङ सिन माङार। थेबाला ङा ओत्‍सादु ओङ छ्युत। दि फिजाओन थेमे होदिबा च्‍योकराङ ङा ङाराङ ईन सिराच्‍योक मिक्‍किकान्‍ते मिओनराङ परमेश्‍वर राज्‍यने स्‍यूक्‍पा ङेत्‍क्‍यो।

मर्कूस 10:49

थेकी छेरा खाबाते थोकीन येशू रकस्‍यिक थेरूराङ गुकीन थे खोरोङ दोन्‍दु ओताते मिओनला “थे मिला देपा स्‍योक सि,” सिन लिन ताङसुङ। थेमे थे मिओनगी गाल्‍गीन बारतिमैला “लो था गा खि, ल्‍वा। खोल्‍ला स्‍योक्‍लो,” सिन सिरजीन

मर्कूस 9:19

थोक सिरजीन येशूकी थेला “ख्‍योकोन था समय मिओन परमेश्‍वरला विश्‍वास खितराङ मिक्‍किकान्‍ते ईन। परमेश्‍वरताङ छ्येज्‍यीक शक्ति ओत सिरच्‍येते बात था ख्‍योकोनगी नामचेन खोच्‍ये? थेमे था थोईसाक ङा दोक्‍ते काम खिन ख्‍योकोनताङ देत्‍च्‍ये? थे फिजाला दुरू खोरच्‍योक,” सिन सिदुक।

लूका 8:25

थेमे थेकी चेलातेबाला “ङे ख्‍योकोनला जोए खिता थुप्‍क्‍यो सिन ख्‍योकोनगी ङाला विश्‍वास खाबाते खोइ?” सिन सिदुक। येशूकी थोक खाबा थोङगीन अचम्‍ब लाकीन आते खिन चेलातेबेकी “आबिई, दि मि चुक अचम्‍बज्‍यीक ईन्‍दाका। दिकी कोतातेनी ल्‍हाबाताङ समुन्‍द्रे छालगी समेदोङ ङेन्‍गीदुक,” सिन सासुङ।

लूका 9:40

ङे थे ल्‍हन्‍डीक तेन्‍ला नाङ सिन खुई चेलाओनला साबाप। तर थेबेकी थोक खिता माथुप्‍सुङ,” सिन सासुङ।

लूका 9:42

थोक सानामेकी थे ल्‍हन्‍डीक खोबाते ख्‍योओ फिजा येशू खादु ओङगीन ओतान। थेमे थे बेलालाराङ ल्‍हन्‍डीककी थेला जा लाङगीन स्‍याङे जोसुङ। थेमे येशूकी थे ल्‍हन्‍डीकला “थे फिजादुकी थेन्‍ला ग्‍युक,” सिन कोत्‍सुङ। थेमे थे ल्‍हन्‍डीक थेन्‍गीन गाल्‍सुङ। थोक खाईन थेकी थे फिजा ठाक्‍पा खाईन च्‍याकीन आबातेला बिन्‍सुङ।

यूहन्‍ना 14:9

थेरूई येशूकी “ङा ख्‍योकोनताङ दोक काल्‍बासाक ङ्योम्‍बु देत्‍सीनोङ च्‍यि खुई ङाला छ्या स्‍येबा मेतरो फिलिप? ङाला थोङकान्‍ते मिकी आबालाङ थोङाते ईन। थेमे चुक खाला खो ‘आबा चुकस्‍यिक ओते सिन तेन्‍ला नाङ,’ सिते?

यूहन्‍ना 20:27

थेमे थोमाला “लो ङे लाक्‍पाला काँटी ग्‍याप्‍कीन थोताते मे डाम खो खोरोङ लाक्‍पे जुकीराङ छामे खाला तो। थोकराङ खाला कोखादु बार्सा रोपे खासादुङ खो छामे खाला तो। थेमे शंका खिता ताङला बरू ङा सोम्‍बो लोक्‍पाते पक्‍काराङ दुका सिन पत्ते खि,” सिन सिदुक।

शक्ति काम 13:18

थेरूकी तेन्‍नामेकी लो खाल ङिसाक ठाःकताङ बालुवा बाई छ्याःङ मेत्‍से नाङला देत्‍जीन थेबेकी परमेश्‍वरगी खि साबाच्‍योक माक्‍यासीनोङ थेकी थेबाला लेमु खाला तेइनराङ देत्‍सुङ।

शक्ति काम 2:40

बात खिन खिन पत्रुसकी थेबाला लोईन “पाप खाबेकी खित्‍सादु दि लुङबे मिओन गोःनामा परमेश्‍वर सजाय फाप्‍कीन सिन्‍दा ओत। थे सजायला माफाप्‍स्‍यीत सिन ओर्च्‍ये ङे बात ङेन्‍ला था ख्‍योकोनगीचेन ज्‍येन च्‍योकराङ खिन मादेत, पाप खिता थोङ,” सिन सासुङ।

रोमी 2:4

ख्‍योकोनलाचेन खेराङ लेमु मि ईन्‍गीनका परमेश्‍वरगी आउदी दया खाला लेमु खिन ओताते ईन सिराच्‍योक लाङगीतासीन। तर बात दोक मेन। ख्‍योकोनगी खेराङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनका परमेश्‍वरगी थरिङसाक छ्याःङ मिक्‍किता खाईन देताते ईन सिन ख्‍योकोनगी छ्या स्‍येबा खि।

हिब्रू 3:19

परमेश्‍वर बातला नामज्‍योक मासेतेकी थेमे परमेश्‍वरगी खोपरोङला तेरग्‍यो साबाते लुङबा ङेत्‍क्‍यो सिन पत्ते माक्‍याबेकीराङ थेबा थे लुङबादु स्‍यूक्‍पा ङेता मेतान सिन ङुरूङगी लेमु खाला छ्या स्‍येबा थुप्‍कीदुक।

हिब्रू 4:11

ङुरूङ पुर्खेकी परमेश्‍वर बातला नामज्‍योक मासेतेकी परमेश्‍वरगी देत ज्‍युता चालाच्‍योक खाईन ढुक्‍क खाईन देता ङेता मेतान। थोगी थेबाला च्‍योक मेङस्‍यीत सिन ङुरूङगीचेन परमेश्‍वरगी साबा च्‍योकराङ खाला दाक्‍पोनला ढुक्‍क खाला देत ज्‍युत्‍स्‍यीत सिन थे बात ङेन्‍च्‍ये छ्य्‌वापाकामा स्‍येत खिता फाप्‍क्‍यो।

हिब्रू 4:2

मोशे पालो मिओनला च्‍योकराङ ङुरूङलाङ गा लाङच्‍येते बात लापा ओत। थे बात थोसीनोङ थेबाला थे नोमुङ माथोबा छेतराङ ओङसुङ। च्‍यिला सासीन थेबेकी परमेश्‍वरगी जमान खाबा च्‍योकराङ खाला खोपरोङला ढुक्‍क खाला देत ज्‍युत्‍क्‍यो सिन पत्ते माक्‍यासुङ।

हिब्रू 7:25

थोक ईन्‍देकीराङ खोपरोङला परमेश्‍वर दोन्‍दु खेरकान्‍ते थेराङ ईन सिन थे छ्य्‌वापा लै खित्‍कान्‍तेबाला थेकी पूरो खाला पापदुकी टाल्‍ला स्‍वर्गने देत ज्‍युत्‍क्‍यो। च्‍यिला सासीन थे सधैँभरि परमेश्‍वर दोन्‍दुराङ देत्‍ला थेबे लाईदु थेत्ताङ बात खिनराङ देत्‍क्‍यो।