लूका 9:3 - जिरेल

³ थोरूमोङ बात खिन थेकी “डोजीन ख्‍योकोनगी लामला गोक्‍यो सिन लाःक्‍तु फेर्का माखेर। झोलाताङ ग्‍या जारा थेमे पैसाङ छ्याःङ माखेर। फेङगाकोङ दोक्‍पोईकामा खेर।

लूका 9:3 Iomraidhean Croise

मर्कूस 6:7

थेमे येशूकी थे खोरोङ चेला च्‍युन्‍ङीला दोन्‍दु काताङसुङ। थेकी थेबाला मेरा ङि ङि खाला मिओनला परमेश्‍वर बात लोप तोङाला ठीक खासुङ। थेकी थेबा गाङेला मिओनला खोबाते ल्‍हन्‍डीक तेन्‍ला तोङच्‍येते अधिकार बिन्‍सुङ।

लूका 12:22

थेरूकी येशूकी चेलातेबाला “बात दोक ईन्‍देकी च्‍यि साच्‍ये थेमे च्‍यि खोन्‍च्‍ये सिन ख्‍योकोन पीर माकेत।

लूका 12:28

थरिङ दोक लेमु खाईन फोङा ओत्‍सीनोङ ङारो दि मेन्‍दोक सोताङराङ ङाला काम्‍ला दाक स्‍येइओ। थोक खित्‍च्‍ये जालानी परमेश्‍वरगी होदोक लेमु थोङच्‍या जोला दुक सासीन च्‍यि ख्‍योकोनला खोन्‍च्‍येते मेतेरोतरो? दाक्‍पोनला गोच्‍येते गाङे परमेश्‍वरगीराङ तेरग्‍यो सिन ख्‍योकोनगी पत्ते खाबाते खोइ?

लूका 22:35

थेमे थेकी चेलातेबाला “परमेश्‍वर बात लोप तोङजीन ङे ख्‍योकोनला पैसे थैली, साच्‍या थुङच्‍या लुबाप सिन झोला थेमे काचापोङ मुखुरा खाला ग्‍युक सिन ताङा ओतान। दोक खाला डोजीन च्‍यि ख्‍योकोनला साप थुङा मादाङगीन खइँदा दुक्‍पा ओङा ओतान?” सिन ठिसुङ। थेमे चेलातेबेकी “ङ्योकोनला छ्याःङगीङ दुक्‍पा ओङा मेतान,” सिन सिदुक।

लूका 3:11

थेकी “ख्‍योकोनगी दोक खि। च्‍यि सासीन सुइँदाताङ फेङगाक ङि ओत्‍सीन दोक्‍पोई ज्‍येन मेत्‍कानला बिन। थोकराङ खाला ओत्‍कान्‍तेबेकी छ्याःङ मेतातेबाताङ गोला सो,” सिन सिदुक।

लूका 5:29

थे तिरी लेवीकी येशूला काताङगीन छ्येज्‍यीक भोज लै खासुङ। थे छोमु थेकी कर लिन्‍कान्‍ते मिओन थेमे ज्‍येनोङ मि काल्‍बेईला निम्‍तो खाबा ओतान। थेबा गाङेराङ साप सेइनराङ ओतान।

लूका 9:4

थेमे खेराङ लेप्‍सादु जुन खाम्‍बे मिकी खेराङला थेबाताङ देत सिन लेमु खिदुक, थेरू देत देतसाक थे खाम्‍बादुराङ देत। खाम्‍बा खाम्‍बा युला स्‍यासा मादेत।

२ तिमोथी 2:4

खोपरोङ छ्येते मिकी साबा साबा ङेन्‍दा छोल्‍कान्‍ते मिल्‍टेरी सुङ लडाइँ खिन खिन ताङला खोपरोङ काम खिताला मोन्‍डोओ।