लूका 9:22 - जिरेल

²² थोरूमोङ बात खिन येशूकी थेबाला “परमेश्‍वर ओत्‍सादुई वाबाते मि ङे आउदी दुक्‍पा भोगे खिता फाप्‍क्‍यो। यहूदी छ्ये छ्ये मि, छ्ये छ्ये पूजारी थेमे धर्मे गुरूओनगी ङाला परमेश्‍वरगी ताङाते ईनराङ मेन सिन सिओ। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन सिदुक।

लूका 9:22 Iomraidhean Croise

मत्ती 17:12

तर ङा ख्‍योकोनला च्‍यि सिते सासीन एलियानी वाकीन सिन्‍दा ओत। ईन्‍सीनोङ मिओनगी थेला थेराङ ईन सिन छ्या मास्‍येकीन खोपरोङला सिरा सेम लाबाताङ खिता सेम लाबा लाबा खासुङ। थोकराङ खाला था थेबेकी परमेश्‍वर ओत्‍सादुई वाबाते मि ङालाङ दुक्‍पा तेरग्‍यो,” सिन सिदुक।

मत्ती 17:22

थेमे चेलातेबाताङ गालील अञ्‍चलदु ओते बेलाला येशूकी “था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खिओ।

मत्ती 27:63

“हजूर, बातज्‍यीक च्‍यि सासीन थे खोरोङ ख्रीष्‍ट ईन सिन मिओनला ढाँर खित्‍कान्‍तेकी थे सोम्‍बो ओत्‍जीनराङ ‘स्‍याप्‍ते ङीमा सुमगी छोमु ङा लोक्‍ला सोम्‍बो लोइओ,’ सिन साबाते बात ङ्योकोनला ठेम्‍बा लासुङ।

मर्कूस 8:31

थेमे दि तिरीमेकीचेन येशूकी चेलातेबाला “था परमेश्‍वर ओत्‍सादुई वाबाते मि ङे आउदी दुक्‍पा भोगे खिता फाप्‍क्‍यो। यहूदी छ्ये छ्ये मि, छ्ये छ्ये पूजारी थेमे धर्मे गुरूओनगी ङाला परमेश्‍वरगी ताङाते ईनराङ मेन सिन सिओ। थेमे सेदोङ ज्‍युत्‍क्‍यो। तर ङीमा सुम तिरी ङा सोम्‍बो लोइओ,” सिन थे खोरोङला ओङच्‍येते बाततेबा लाःपाला स्‍यूसुङ।

मर्कूस 9:31

च्‍यिला सासीन थेकी चेलातेबाला थोरूमोङ बात लोपा फाप्‍च्‍या ओतान। दोक खाला डुइन डुइन थेकी चेलातेबाला “था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खिओ। थेमे थेबेकी ङाला सेत्‍क्‍यो। तर ङीमा सुम तिरी ङा सोम्‍बो लोइओ,” सिन सिदुक।

लूका 17:25

तर दि भन्‍दा गोमाचेन ङे आउदी दुक्‍पा भोगे खिता फाप्‍क्‍यो। था मिओनगी दिला परमेश्‍वरगी ताङाते ईनराङ मेन साला ङाला आउदी मेलेबा खिओ।

लूका 24:26

थेबेकीचेन परमेश्‍वरगी तोङगो साबाते ख्रीष्‍टकी दुरू वाला आउदी दुक्‍पा भोगे खाला स्‍या फाप्‍क्‍यो। थेमेकामा सोम्‍बो लोक्‍ला स्‍वर्गने परमेश्‍वर दोन्‍दु देता ङेत्‍क्‍यो सिन साबा ओत मेन?” सिन सिदुक।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

लूका 24:7

थेकी थेजीन ‘परमेश्‍वर ओत्‍सादुई वाबाते मि ङाला पापीओन लाःक्‍तु सोम्‍पे खिओ। थेमे थेबेकी ङाला स्‍यिङगी थामला टाँए खाला सेत्‍क्‍यो। तर स्‍याप्‍ते ङीमा सुमगी छोमु ङा सोम्‍बो लोइओ,’ सिन साबा ओतान, मेन?” सिन सिदुक।

लूका 9:44

“ङा ख्‍योकोनला दि बातज्‍यीक सिओ। दि बात लेमु खाला नामज्‍योक सेत्‍ला ङेन। च्‍यि सासीन था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खित्‍च्‍येते बेला लेपा खाबा ओत,” सिन सिदुक।

१ कोरिन्‍थी 15:4

स्‍यिनामेकी थेला दिबाङ ओतान थेमे ङीमा सुमगी छोमु परमेश्‍वरगी थेला सोम्‍बो लोक्‍पा ओतान। थोक ओङगो सिनोङ परमेश्‍वर बातला गोमाका टिबा ओतान।

१ पत्रुस 1:11

थेबे सेमगी नाङ ओताते ख्रीष्‍टकी आत्‍मेकी ख्रीष्‍टकी देमा वाला दुक्‍पा भोगे खाला स्‍या फाप्‍च्‍येते थेमे थे दुक्‍पा भोगे खाईन सिन्‍नामेई परमेश्‍वरगी थेला छ्येज्‍यीक मान तेरच्‍येते बात थेबाला छ्या स्‍ये च्‍युत्‍नामेई था च्‍यि बेलाला चुक चुक ओङजीन परमेश्‍वरगी थोक खिताका सिन थेबेकी छ्या स्‍येबा चाला ओतान।