लूका 9:18 - जिरेल

¹⁸ ङीमाई येशू थे खोरोङकामा प्रार्थना खिन ओतान। चेलातेबाङ थेत्ताङराङ ओतान। थेमे थेकी थेबाला “ङाला मिओनगी सु दुका खिका?” सिन ठिसुङ।

लूका 9:18 Iomraidhean Croise

मत्ती 14:23

थोक खाईन गाङेला ताङनामेकी थे खोरोङचेन च्‍यिकराङ परमेश्‍वरताङ प्रार्थना खिताला बोमज्‍यीकने गाल्‍सुङ। नाम स्‍योला सिन्‍जीनोङ येशू बोमनेराङ ओतान।

मत्ती 26:36

थेमे येशू चेलातेबाताङराङ जैतुन बोमदु गेतसमनी सिरसादु लेप्‍सुङ। थेरू लेप्‍नामेकी थेकी थेबाला “लो ख्‍योकोन दुरूराङ देत, ङाचेन फजेकपा गाल्‍ला परमेश्‍वरला प्रार्थना खितामीन,” सिन सिदुक।

लूका 11:1

ङीमाई येशू ठाउँज्‍यीक्‍तु देत्‍ला प्रार्थना खिन ओतान। प्रार्थना खाईन सिन्‍नामेकी चेलातेबे नाङ दोक्‍पोईकी “प्रभु, यूहन्‍नेकी परमेश्‍वरताङ चुक खाला प्रार्थना खित्‍च्‍ये सिन चेलातेबाला लाप्‍कीन बिन्‍दा ओतान। प्रार्थना खित्‍जीन चुक सिरच्‍ये सिन खुई ङ्योकोनलाङ लाप्‍ला नाङना,” सिन सिदुक।

लूका 3:21

थे खोरोङला जेलला लुबा भन्‍दा गोमा बप्‍तिस्‍मा नाङ सिन ओङकान्‍ते मि गाङेला यूहन्‍नेकी छ्युला लुगीन बप्‍तिस्‍मा बिन्‍सुङ। थेमे येशूङ बप्‍तिस्‍मा लिन्‍दाला वानामेई थेकी थेलाङ बप्‍तिस्‍मा बिन्‍सुङ।

लूका 6:12

थेजीनराङ बाजिई येशू परमेश्‍वरला प्रार्थना खिताला बोमज्‍यीकने गाल्‍सुङ। थेमे नुप खाङ थेनेराङ प्रार्थना खिन देत्‍सुङ।

लूका 9:19

थोक सिरजीन चेलातेबेकी “गुरू खोल्‍ला लालेकी बप्‍तिस्‍मा तेरकान्‍ते यूहन्‍ना सोम्‍बो लोगीन वाबाते दुका खिदुक। कोईकी थाङबो परमेश्‍वर बात खित्‍कान्‍ते एलिया दुका खिदुक। थेमे कोईकीचेन परमेश्‍वर बात खित्‍कान्‍तेबे नाङ दोक्‍पोई लोक्‍ला वाबाते ईन सिन बात खिदुक,” सिन सिदुक।

लूका 9:28

दि बात सानामेई हप्‍ताईजो तिरी पत्रुस, यूहन्‍ना थेमे याकूबला टीकीन येशू बोमज्‍यीकने प्रार्थना खिताला गाल्‍सुङ।

लूका 9:29

येशू थेरू प्रार्थना खिन खिनला च्‍यि ओङसुङा सासीन थे छ्येत आउदी टल्‍के खित्‍च्‍या गाल्‍सुङ। थेकी खोन्‍दाते खोलाकोङ मिगी ताराङ मुथुप्‍च्‍या आउदी कार्मु गाल्‍सुङ।