लूका 9:16 - जिरेल

¹⁶ थेमे येशूकी थे स्‍योबेन ङाताङ ङ्या ङि लाःक्‍तु लाकीन नामने ताकीन थे सापकी लाईदु परमेश्‍वरला धन्‍यवाद बिन्‍सुङ। थेमे थेकी थे स्‍योबेन च्‍यागीन च्‍याकीन थेमे ङ्याङ टुक्रा टुक्रा जोकीन गाङेला गोला बिन सिन चेलातेबाला बिन्‍नामेई थेबेकीङ साबा च्‍योकराङ खाईन गोकीन बिन्‍सुङ।

लूका 9:16 Iomraidhean Croise

मत्ती 14:19

थेमे थे मिओनला साला पाङगी सो लाई नाङला देत च्‍युत्‍कीन थेकी थे स्‍योबेन ङाताङ ङ्या ङि लाःक्‍तु लाकीन नामने ताकीन थे सापकी लाईदु परमेश्‍वरला धन्‍यवाद बिन्‍सुङ। थेमे थेकी थे स्‍योबेन च्‍य्‌वाकीन गाङेला गोला बिन सिन चेलातेबाला तेरगीन खानामेई थेबेकीङ साबा च्‍योकराङ खाईन गोकीन बिन्‍सुङ।

मत्ती 15:36

थेरूई थेकी थे स्‍योबेन दुईनताङ ङ्यातेबा लाःक्‍तु लाकीन परमेश्‍वरला धन्‍यवाद बिन्‍गीन सिन्‍नामेकी स्‍योबेनतेबा च्‍य्‌वाकीन थेमे ङ्यातेबा टुक्रा जोइन मिओनला गोला बिन सिन चेलातेबाला तेरगीन खासुङ। चेलातेबेकीङ मि गाङेला गोकीन बिन्‍सुङ।

मर्कूस 7:34

थेमे नामने ताकीन हुईरा खाईन “इफ्‍फाता,” सिन सिदुक। इफ्‍फाता साबाते फेत्‍स्‍यीत साबाते ईन।

लूका 22:19

थोकराङ खाईन थेकी स्‍योबेनज्‍यीक लाःक्‍तु लासुङ। थेमे थे स्‍योबेन लाईदु परमेश्‍वरला धन्‍यवाद बिन्‍गीन सिन्‍नामेई थे च्‍याक्‍ला थेबाला तेरगीनकामा “दि ङे जीउ ईन। ङा ख्‍योकोन लाईदु ङाराङ ज्‍यानराङ बिन्‍ला स्‍यिइओ। ङा ख्‍योकोन लाईदु स्‍याप्‍ते बात सम्‍झे खिताला ख्‍योकोनगीङ बेला बेलाला दोक खाला स्‍योबेन च्‍याक्‍ला साच्‍येते खि,” सिन सिदुक।

लूका 24:30

थेमे साप सा बेलाला स्‍योबेनज्‍यीक लाःक्‍तु लाकीन थेकी परमेश्‍वरला सापकी लाईदु धन्‍यवाद बिन्‍सुङ। थेमे थे स्‍योबेन च्‍यागीन थेबाला गोकीन बिन्‍सुङ।

लूका 9:15

थेबेकीङ साबा च्‍योकराङ खाईन मिओनला देत च्‍युत्‍सुङ।

लूका 9:17

थेमे मि गाङेकी डाडासाक सोसुङ। थेबेकी सोकीनोङ चेलातेबेकी थेरू लूबाते स्‍योबेनताङ ङ्ये टुक्राटुक्रीकी तोलुम च्‍युन्‍ङी काङसुङ।

यूहन्‍ना 6:11

थेमे येशूकी थे स्‍योबेन ङा लाःक्‍तु लाकीन परमेश्‍वरला धन्‍यवाद बिन्‍नामेई मिओनला थेबेकी सा थुपथुप गोकीन बिन्‍सुङ। ङ्याङ थोकराङ खाईन सा बिन्‍सुङ।

यूहन्‍ना 6:23

थेजीनराङ तिबेरियास नाङपेकी वाबाते डुङ्गा काल्‍बेई थे समुन्‍द्रे छेउकी नाङला ख्‍योल्‍सुङ। थे समुन्‍द्रे छेउकी खादुराङ गोमे छोमु प्रभु येशूकी स्‍योबेनताङ ङ्ये लाईदु परमेश्‍वरला धन्‍यवाद बिन्‍नामेई मिओनला सा बिन्‍दा ओतान।

शक्ति काम 27:35

थोक सानामेकी थेकी लाःक्‍तु स्‍योबेन लाकीन थेबा गाङे ङोन्‍दु परमेश्‍वरला धन्‍यवाद बिन्‍गीन स्‍योबेन च्‍यागीन साप्‍ला स्‍यूसुङ।

रोमी 14:6

प्रभु येशू ख्रीष्‍टला लेमु खाला माने खिताप सिनराङ कोईकी कोई दिनला ज्‍येन भन्‍दा खुदुक दिन ईन सिन माने खिओ। लोक्‍ला येशू ख्रीष्‍टला लेमु खाला माने खिताप सिनराङ कोईकी स्‍या सेइओ, कोईकी साराङ मास्‍साओ। स्‍या साकानगीङ परमेश्‍वरला धन्‍यवाद बिन्‍ला सेइओ, मास्‍साकान्‍तेबेकीङ खोपरोङगी जे सेइदुक थे लाईदु परमेश्‍वरला धन्‍यवाद बिन्‍ला सेइओ।

१ कोरिन्‍थी 10:30

थेमे ल्‍हाला पूजा खाबाते थे स्‍ये लाईदु ङे परमेश्‍वरला धन्‍यवाद बिन्‍गीन सोसीन ङाराङगी परमेश्‍वरला धन्‍यवाद बिन्‍दाते थे स्‍या सोबाते पाप खाबाते ईन सिन ज्‍येनगी च्‍यिला सिरच्‍ये?

१ कोरिन्‍थी 11:24

थेमे थे स्‍योबेन लाईदु परमेश्‍वरला धन्‍यवाद बिन्‍गीन सिन्‍नामेकी थे च्‍याक्‍ला चेलातेबाला तेरगीनकामा “दि ङे जीउ ईन। ङा ख्‍योकोन लाईदु ङाराङ ज्‍यानराङ बिन्‍ला स्‍यिइओ। ङा ख्‍योकोन लाईदु स्‍याप्‍ते बात सम्‍झे खिताला ख्‍योकोनगीङ बेला बेलाला दोकराङ खाला स्‍योबेन च्‍याक्‍ला साच्‍येते खि,” सिन साबा ओतान।