लूका 9:11 - जिरेल

¹¹ थे थेपा गालाते बात छ्या स्‍येकीन मि आउदी काल्‍बेई थे तिङ ङ्योगीन थेपाराङ गाल्‍सुङ। थेबा थोक खाईन वाबा थोङगीन येशूकी थेबा गाङेला लेमु खासुङ। थेबाला परमेश्‍वर राज्‍य बात लाप्‍कीन बिन्‍सुङ, थेबे नाङ नाबा ओतातेबालाङ ठाक्‍पा खासुङ।

लूका 9:11 Iomraidhean Croise

मत्ती 12:15

थोक खाईन थे खोरोङला सेताला ठो खाबाते बात छ्या स्‍येकीन येशू थेरूई ज्‍येननापा ड्वाप्‍ला ख्‍याम्‍सुङ। थेमे आउदी काल्‍बेई मि थे तिङ ङ्याकीन ख्‍याम्‍सुङ। थेकी थेबे नाङ नाबा ओताते गाङेला ठाक्‍पा खासुङ।

मत्ती 14:14

थे खोरोङ थेपा लेप्‍ला डुङ्गादुकी फाप्‍जीन थेकी गोमाका थेपा लेपाते होथे ङोला ङ्वा मुथुप्‍च्‍ये मि थोङसुङ। थेबाला थोङजीन थेला आउदी ङिङज्‍ये लासुङ। थेमे थेकी थेबे नाङ नाबा ओतातेबाला ठाक्‍पा खाईन बिन्‍सुङ।

मत्ती 21:31

लो था ख्‍योकोन सिते, थेबा ङिबो नाङ खाङगी आबातेकी कोताते ङेन्‍सुङा?” सिन सिरजीन थेबेकी “छ्येतेकीराङ ङेन्‍सुङ,” सिन सिदुक। थेमे थेकी थेबाला “दि बात ङेन। च्‍यि सासीन कर लिन्‍कान्‍ते मिओन थेमे रन्‍डीओन ख्‍योकोन भन्‍दाङ गोमा परमेश्‍वर राज्‍यने स्‍यूक्‍पा ङेत्‍क्‍यो।

मत्ती 21:43

बात दोक दोक ईन्‍देकी ङा ख्‍योकोनला च्‍यि सिते सासीन था परमेश्‍वरगी थे खोरोङ राज्‍य ख्‍योकोन लाःक्‍तुकी ठ्वाला च्‍याला थे राज्‍यदु खिता फाप्‍च्‍येते च्‍योकराङ खित्‍कान्‍ते ज्‍येन जातज्‍यीगी मिओनला तेरग्‍यो।

लूका 1:53

त्‍वाबेई स्‍याप खाबाते मिओनला थेकी वालछ्येल ओङच्‍या खाईन साप थुङा बिन्‍सुङ। थेमे छ्युक्‍पुतेबालाचेन लाक्‍पा तोङबाराङ जोकीन ताङसुङ।

लूका 5:31

थेबेकी थोक सिरजीन येशूकी थेबाला “नाबाते मिओनलाका डाक्‍टर गोक्‍यो, सन्‍चाराङ ओत्‍कानलाका च्‍यि डाक्‍टर गोकीतेरो?

लूका 8:1

दोक ओङाते टिक्‍पी तिरी येशू युलगी नाङला सारगी नाङला गाङेपा युगीन परमेश्‍वर राज्‍य गा लाङच्‍येते बात मिओनला लोप्‍कीन ख्‍याम्‍सुङ। थे खोरोङ चेला च्‍युन्‍ङीङ थेत्ताङ ङ्योम्‍बुराङ ओतान।

लूका 8:10

थोक सिन ठिजीन थेकी “परमेश्‍वर राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। तर ज्‍येनला परमेश्‍वर राज्‍य बात लोप्‍जीनचेन ङा कथालाकामा लोप्‍क्‍यो। थेबेकी परमेश्‍वरगी खिन ओताते काम थोङसीनोङ च्‍यि खिता चालाते ईन्‍ताका सिन छ्याःङ छ्या मेस्‍येस्‍यीत थेमे परमेश्‍वर बात थोसीनोङ च्‍यि साबाते ईन्‍दे सिन छ्याःङ मोखोस्‍यीत सिनराङ ङा थेबाला कथालाकामा परमेश्‍वर बात लोप्‍क्‍यो, कथे अर्थचेन मालाःबो।

लूका 9:10

येशू ख्रीष्‍टकी खटे खाबाते चेलाओन युल युललेकी ग्‍युरगीन वाकीन खोपरोङगी खाबाते कामताङ बात गाङे थेला लाःप्‍सुङ। थेमे थेबाताङकामा देताप सिन येशू थेबाला टीकीन थेरूई बेथसेदा सिराते सारनापा गाल्‍सुङ।

लूका 9:12

थोक थोक खित्‍केलाराङ नामोङ स्‍योबा खाबा ओतान। थेमे थे खोरोङ चेला च्‍युन्‍ङीतेबा वाकीन येशूला “गुरू, दि छ्याःङ मेङेत्‍च्‍येते ठाउँ ईन। थोगी दि मिओनला साप थुङा ङ्योला साप्‍ला थेमे स्‍यासा देताला दुरूकी खइँसाला युल युलला ग्‍युक सिन थोङ,” सिन सिदुक।

लूका 9:2

थेमे थेकी थेबाला “ठाउँ ठाउँला गाल्‍ला परमेश्‍वर राज्‍य सिराते च्‍यिन्‍दे, थेकी चुक खाला राज्‍य खिते सिन लोप थेमे नाबाते मिओनला ठाक्‍पा खि,” सिन सिदुक।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

यूहन्‍ना 6:37

आबेकी ङे जिम्‍माला तेरच्‍येते मि जति गाङे ङे छ्य्‌वापा लै खिओ। थोक खित्‍कान्‍ते सुङलाङ ङा ङे छ्य्‌वापा माङ सिन नोमुङ मिसिरो।

शक्ति काम 28:31

थेमे थेकी ज्‍यीबाराङ मिक्‍किता खाला परमेश्‍वर राज्‍य बात च्‍यि ईन्‍दे सिन प्रभु येशू ख्रीष्‍ट बात लोप्‍कीन ओतान। थोक माकेत सिन सुङगीङ थेला छ्याःङ सिन मेतान।

रोमी 10:14

थोक ईन्‍सीनोङ प्रभु येशू ख्रीष्‍टला विश्‍वासराङ माक्‍याबाला सुङगीङ थे छ्य्‌वापा लै खाला थेत्ताङ मद्धत नाङ सिरा मुथुबो। थोकराङ खाला थे सु ईन्‍दे, चुक्‍ते ईन्‍दे सिन थे बात थोराङ माथोबाला सुङगीङ थेला विश्‍वास खिताराङ मुथुबो। थोगी थे बात थोबाला सुइँदा लाप्‍ला तेरकान्‍ते मि गोसुङ मेन?

रोमी 10:17

बात चुक ईन्‍दे सासीन सुइँदेकी ख्रीष्‍टकी बात लाप्‍कीन बिन्‍नामेई थे थोला मिओनगी येशू ख्रीष्‍टला विश्‍वास खित्‍च्‍येते ईन।

रोमी 15:3

येशू ख्रीष्‍टकीङ नोमुङ थे खोरोङ फाइदा ताकीन काम खाबा मेतान। थेकी दोक खिओ सिन परमेश्‍वर बातला गोमाका “परमेश्‍वर, मिओनगी खोल्‍ला ईन्‍दा मेन्‍दा साबाते थेमे मोताते ङालाराङ खाबाच्‍योक ओङसुङ,” सिन टिबा ओतान।

२ तिमोथी 4:2

खुई चुक खिता फाप्‍कीते सासीन मिओनला परमेश्‍वर बात लोप्‍कीनराङ देत, मिओनगी ङेन्‍सीनोङ माङेन्‍सीनोङ जुन बेलालाङ थे बात लोपा मातोङ थेमे गल्‍ती खित्‍कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्‍दे सिन गाङेला लाप्‍ला बिन। थानी दिबाला थोई लोप्‍च्‍ये सिराच्‍योक माकेत, सुङताङ स्‍येदाङ मिक्‍किता खाला खा छ्येत लेमु खिन दोक खाला लोप्‍कीनराङ देत।

हिब्रू 4:16

थोगी शैतानगी दुक्‍पा तेरा छोल्‍जीन ङुरूङ छ्याःङ ज्‍यीबा मिक्‍किता खाला मद्धत नाङ सिन परमेश्‍वर दोन्‍दु ड्वा फाप्‍क्‍यो। परमेश्‍वर ङुरूङला दया खित्‍कान्‍ते ईन्‍देकी जहिलेङ थेकी ङुरूङला ङिङज्‍ये खाला मद्धत तेरग्‍यो।