लूका 8:47 - जिरेल

⁴⁷ थेमे थे फेम्‍मे मिकी थे मोरोङगी थेला दोबाते बात येशूकी थाहा ङेत्‍सुङ सिन छ्या स्‍येसुङ। थोगी थेकी ज्‍यीबा खिन दारगीनकामा वाकीन येशू काम्‍बाला से खाईन थेरू मि गाङे ङोन्‍दु “ङा लो च्‍युन्‍ङी थोङलामेई ठाक ऊरच्‍येते बेथेकी नाबा ओतान। थेमे जति मेन खासीनोङ थातासाक सुङगीङ ठाक्‍पा खिता थुपा मेतान। ङेते दि बेथा ठाक्‍स्‍यीत सिन ङे गुरूते खोलाक दोबाप। थोक खाला खोलाक द्वासात्तु ङा दाक ठाक्‍सुङ,” सिन येशूला गाङे बात लाःप्‍सुङ।

लूका 8:47 Iomraidhean Croise

मत्ती 28:8

थेरू थोक ओङनामेई थेबा ङिबो ज्‍यीबा खिन तर येशू सोम्‍बो लोक्‍पाते बात थोजीन गाङ खिनकामा थेरू ओङाते गाङे बात येशू चेलातेबाला लाःपाला थेरूकी छ्योङगीन गाल्‍सुङ।

मर्कूस 5:33

येशू खोलाक दोनामेई थे मोरोङ ठाक्‍पाते बात था बोङा मुथुप्‍च्‍याक्‍वा सिन थे फेम्‍मे मिकी छ्या स्‍येसुङ। थेमे ज्‍यीबा खिन दारगीनकामा वाकीन थेकी येशू काम्‍बाला से खाईन थे मोरोङ चुकस्‍यिक बेथेकी नाबा ओताने थेमे चुक खाईन ठाक्‍सुङा सिन थेला गाङे बात लाःप्‍सुङ।

लूका 8:46

थोक सिरजीनोङ थेकीचेन “ङाला मिज्‍यीगी दोच्‍ये सेम खाईन दोसुङ। च्‍यिला सासीन ङात्ताङ ओताते ठाक्‍पा खित्‍च्‍येते शक्ति थेन्‍गीन गालाते ङे छ्या स्‍येसुङ,” सिन सिदुक।

लूका 8:48

थेमे येशूकी थेला “फुमो, खुई ङाला विश्‍वास खाबेकी खित्‍सादु खो ठाक्‍पाते ईन। लो था खोले खोले ग्‍युक। थेमे लेमु खाला देत,” सिन सिदुक।

शक्ति काम 16:29

थेकी थोक सिरजीन थे हाकिमगी बत्ती खोरच्‍योक साकीन ज्‍यीबेकी दारगीनकामा पावलताङ सिलास ओत्‍सादु छ्य्‌वाकीन गाल्‍गीन थेबे काम्‍बा तेगीन से खासुङ।

१ कोरिन्‍थी 2:3

थेजीन ङा चुक खाला थे बातओन लेमु खाला लोपा थुप्‍कीका सिन थेतेकामा सुर्ता खिन ज्‍यीबा खिन देताप।

२ कोरिन्‍थी 7:15

था दिकी च्‍यि खिताना, चुक सिताना सिन ज्‍यीबा खिन ख्‍योकोनगी थेला डोम्‍बोला च्‍योक खाईन लेमु खाबाते थेमे थेकी साबाते ख्‍योकोन गाङेकी ङेन्‍दाते बाततेबा सम्‍झे खित्‍जीन थेला ख्‍योकोनते झन झन ङिङज्‍ये लाङगीदुक्‍लो।

फिलिप्‍पी 2:12

ङिङज्‍येते आज्‍यो न्‍वावे, थातासाक ख्‍योकोनगी ङे लाःपा कोता च्‍योकराङ खिन वाबा ओत। ङा ङ्योम्‍बु ओत्‍जीन खाबा च्‍योकराङ खाला ङ्योम्‍बु मेदेत्‍जीनोङ ङे लाःपा कोताते झन लेमु खाला ङेन्‍गीन देत। चुक सासीन खेराङ पापदुकी टालाते मि ईन सिराला ख्‍योकोनगी काम बात जे खासीनोङ परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खाला लेमुते कामताङ बातकामा खिन देत।

हिब्रू 12:28

थोगी ङुरूङ नोमुङ तोरला मोन्‍डोच्‍येते परमेश्‍वर राज्‍यदु देता ङेत्‍च्‍या ओङा ओतेकी ङुरूङगी परमेश्‍वरला धन्‍यवाद सिरा फाप्‍क्‍यो। दोक खिन थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेकी साबा च्‍योकराङ खाला थेला माने खिता फाप्‍क्‍यो।