लूका 8:44 - जिरेल

⁴⁴ येशू दोन्‍दु ख्‍योल्‍गीन थेकी येशूकी खोन्‍दाते खोलाक छेउला ल्‍हाकनापेई छुस्‍स दोसुङ। थोक खाला द्वापज्‍यीकताङराङ थेते ठाक ऊरच्‍येते बेथा दाक ठाक्‍सुङ।

लूका 8:44 Iomraidhean Croise

मत्ती 20:34

थेबेकी थोक खाबा थोङगीन येशूला ङिङज्‍ये लासुङ। थोगी थेकी थेबे मिगी थोङस्‍यीत सिन लाक्‍पेकी थेबे मिक दोकीन बिन्‍सुङ। थोक खिताईताङ थेबे मिक दाक थोङच्‍या गाल्‍सुङ। थोक ओङनामेई थेबा ङिबोङ येशूताङराङ ख्‍याम्‍सुङ।

मत्ती 8:3

थेकी थोक खाबा थोङगीन येशूकी लाक्‍पेकी थेला दोइनकामा “ङा खोल्‍ला ठाक्‍पा खिओ। लो खो ठाक्‍स्‍यीत,” सिन सिदुक। थोक सिराईताङ थे मिते जे तोरगीन थे दाक ठाक्‍सुङ।

मत्ती 9:20

थेबा डुइनराङ ओतान। थेमे लो च्‍युन्‍ङी गोमामेकी ठाक ऊरच्‍येते बेथेकी नाबाते फेम्‍मे मिज्‍यीगी वाकीन येशूकी खोन्‍दाते खोलाक छेउला ल्‍हाकनापेई छुस्‍स दोसुङ।

मर्कूस 6:56

युलला ईन्‍स्‍यीत, सारला ईन्‍स्‍यीत थे जहाँ जहाँ डुइदुक थे डोसे लामगी छेउ छेउला मिओनगी नाबाते मिओन खुलाला ज्‍य्‌वाकीन ओतान। थेमे थेबेकी “हजूर, खुई खोन्‍दाते खोलाक छेउलाकामा ईन्‍सीनोङ दिबाला द्वाप बिन,” सिन बिन्‍ती खित्‍जीन थेकीङ थोकराङ खित च्‍युत्‍सुङ। थेमे थे खोलाकला दोकान जति गाङेराङ ठाक्‍सुङ।

लूका 13:13

लाक्‍पा ङिकाराङ थे लाक ज्‍याक्‍सुङ। थोक खिताईताङ थे फेम्‍मे मि दाक ठाइन सोझो खाईन लाङा थुप्‍सुङ। थेमे थेकी परमेश्‍वरगी ङाला चुक लेमु खासुङा सिन परमेश्‍वरते जय जय खासुङ।

लूका 7:38

थेमे येशू देत्‍सादु ल्‍हाकनापा लेप्‍कीन थे आउदी खाईन ङ्वाप्‍ला स्‍यूसुङ। थोक खाला ङुजीन मिकच्‍युक फाप्‍कीन म्‍वाबाते येशू काम्‍बा थे मोरोङ टेकीराङ पिकीन बिन्‍सुङ। थेमे छ्ये छ्ये गुरूला खिताच्‍योक खाईन मान खासुङ। थेमे थे स्‍यीम्‍बुते बास्‍ना चले खित्‍च्‍येते मोर्गुङ थे काम्‍बाला कुकीन बिन्‍सुङ।

लूका 8:43

थेबे नाङ लो च्‍युन्‍ङी थोङलामेकी ठाक ऊरच्‍येते बेथेकी नाबाते फेम्‍मे मिज्‍यीगोङ ओतान। ठाक्‍स्‍यीत सिन डाक्‍टरला मेन खित ज्‍युत्‍जीनराङ थेते ओतातेबरी जेसुकै सिन्‍दा ओतान। ईन्‍सीनोङ थातासाक थे बेथा सुङगीङ ठाक्‍पा खिता थुपा मेतान।

लूका 8:45

थेमे येशूकी “ङाला सुई दोबे?” सिन थेरू ओताते मिओनला ठिसुङ। तर गाङेकी “ङेङ मेन, ङेङ मेन,” सासुङ। थेमे पत्रुस थेमे थेत्ताङ ओताते ज्‍येनतेबेकी “गुरू, मि दोक च्‍येपा च्‍येप खाईन ख्‍याम्‍सादुङ खोल्‍ला थोईकी दो, थोईकी मादो, दिकीराङ दोसुङ सिन चुक खाला सिरच्‍ये,” सिन सिदुक।

यूहन्‍ना 5:13

थे बेलासाकला येशू मि हूलगी नाङ स्‍यूकीन सिन्‍दा ओतेकी थे ख्‍याम्‍बा थुप्‍च्‍या गालाते मिकी थे मि दिराङ ईन सिन छ्याःङ सिरा माथुप्‍सुङ।

शक्ति काम 19:12

कोई कोई अचम्‍बते कामनी दोगोङ ओङा ओतान। चुक सासीन मिओनगी पावलगी चले खित्‍च्‍येते रूमालताङ स्‍यिल्‍गीन ख्‍याम्‍बाते खोलाक नाङ खाईन खेरगीन थे खोलाक नाबाते मि लाक ज्‍याक्‍नामेकी जस्‍तो रोग लै खाबाते मिङ दाक ठागीन ओतान। दोस्‍यिककामा मेन, ल्‍हन्‍डीक खोबाते मिओन लाक थे खोलाक ज्‍य्‌वाजीन ल्‍हन्‍डीकतेबाङ थे मिओनदुकी थेन्‍ला डुइन ओतान।

शक्ति काम 5:15

थेमे थे सारगी मिओनगी नाबाते मिओनला दिङच्‍या खोन्‍च्‍याताङराङ खुलाकीन लामगी छेउकी नाङला जहाँसुकै ङ्याल्‍गीन ज्‍य्‌वाबाला स्‍यूसुङ। थेबे नाङ मेन्‍दाई मेन्‍दा ङिलाकामा ईन्‍सीनोङ पत्रुस लामला ख्‍याम्‍जीन थे ठिमाककामा फाप्‍सीनोङ थेबा ठाइओ सिनराङ मिओनगी थोक खाबा ओतान।