लूका 8:41 - जिरेल

⁴¹ थेमे थेरू मिटिङ खित्‍च्‍येते खाम्‍बेते याइरस सिराज्‍यीक छ्येते मिङ लेप्‍सुङ। वाकीन थेकी येशूला काम्‍बाला से खाईन “गुरू, ङात्ताङ ङे खाम्‍बापा डुइ ओर्च्‍ये,” सिन सासुङ।

लूका 8:41 Iomraidhean Croise

लूका 13:14

थे फेम्‍मे मिला ठाक्‍पा खानामेई येशूकी सन्‍चारी छोमु काम खासुङ सिन थे मिटिङ खित्‍च्‍येते खाम्‍बे छ्येते मि थेत्ताङ आउदी खाईन स्‍येदाङ खासुङ। थोगी थेकी थेरू ओताते मिओनला “हप्‍ताला ङीमा ठुक काम खिता ओङगो। थरिङचेन काम खिता मेङगो सिन ख्‍योकोन गाङेला छ्याराङ ओत। थोगी ख्‍योकोन सुइँदा ठाक्‍पा खाला नाङ सिरा फाप्‍च्‍या ओत्‍सीन ज्‍येन दिनला ओङच्‍येते खि, सन्‍चारी छोमु मेन,” सिन सिरजीन

लूका 17:16

थेमे धन्‍यवाद सिनकामा येशू काम्‍बाला से खासुङ। थे मिचेन सामरी ओतान।

लूका 5:8

थेरू थोक ओङा थोङगीन शिमोन पत्रुसकी खोबुकला देत्‍कीन “प्रभु, ओर्च्‍ये खो ङे दोन्‍दु मादेत, दुरूकी ग्‍युक। ङे सेम पापकीकामा खाङा ओत,” सिन सिदुक।

लूका 8:42

च्‍यिला सासीन थेते फुमुते खोक्‍पो खाईन नाकीन खाला बाक देत्‍कीन सिन्‍दा ओतान। थे लो च्‍युन्‍ङीते ओतान। थेते फुज्‍युङ फुमु सिराते थे दोक्‍पोईराङ ओतान। थेमे येशू थेत्ताङ ख्‍याम्‍सुङ। थोक खाला थेपा डोजीन थेत्ताङ ज्‍येनोङ आउदी काल्‍बेई मि च्‍येपा च्‍येप खिन ख्‍याम्‍बा ओतान।

लूका 8:49

थोक खाला येशू बात खिन खिनलाराङ याइरस खाम्‍बापेकी मिज्‍यीक लेप्‍कीन थेला “हजूर, खुईते फुमु स्‍यिसुङ। था गुरूला च्‍यिला दुक्‍पा तेरच्‍ये,” सिन सिदुक।

यूहन्‍ना 11:21

येशूला ठेत्‍कीन थेकी “प्रभु, खो दुरू ओता ईन्‍सीन ङे न्‍वा स्‍यिच्‍या मेतान।

शक्ति काम 13:15

थेमे थेरू मिज्‍यीगी परमेश्‍वर नियमला टिबाते थेमे परमेश्‍वर बात खित्‍कान्‍तेबेकी टिबाते बात गाङेकी थोच्‍या खाईन पढे खासुङ। थे बाततेबा पढे खाईन सिन्‍नामेकी थे मिटिङ खित्‍च्‍येते खाम्‍बे छ्ये छ्ये मिकी आज्‍यो न्‍वावे, ख्‍योकोनला खइँदा लेमु बात सिरा सेम लाबा ओत्‍सीन थे बात दुरू जम्‍मा ओङाते मिओनला खि सिन मिज्‍यीकला पावलताङ बारनाबास देत्‍सादु ताङसुङ।

शक्ति काम 18:17

थेमे थे मि गाङेकी यहूदीओनते मिटिङ खित्‍च्‍येते खाम्‍बे छ्येते मि सोस्‍थेनेस सिरातेला अड्डे खादुराङ जुम्‍गीन दुसुङ। थोक खासीनोङ गल्‍लियोकीचेन छ्याःङ वास्‍ता माक्‍यासुङ।

शक्ति काम 18:8

पावलगी लापाते बात ङेन्‍गीन क्रिस्‍पसताङ थे खाम्‍बे मि गाङेकी प्रभु येशूला विश्‍वास खिताला स्‍यूसुङ। क्रिस्‍पसचेन होथे मिटिङ खित्‍च्‍येते खाम्‍बेते छ्येते मि ओतान। पावलगी लोप्‍कीन ओताते बात ङेन्‍गीन कोरिन्‍थदु ज्‍येनोङ मि काल्‍बेईकी प्रभु येशूला विश्‍वास खाईन बप्‍तिस्‍मा लासुङ।

शक्ति काम 9:38

थेरू येशू चेलातेबेकी पत्रुस लिड्डापा दुक्‍लो सिरा थोकीन थेला होत्ता देपा स्‍योक सि सिन लिन्‍दाला मेन्‍दा ङि मि ताङसुङ। लिड्डाचेन योप्‍पादुकी काल्‍बा थारी मेतान।

छ्या स्‍ये च्‍युताते बात 5:8

थेकी थे किताब लानामेई थे ङेपाक ओताते थरी स्‍यीकारताङ थे मेरा खालज्‍यीकताङ स्‍यीबो छ्ये छ्येतेबा गाङेकी थेला गुर्बु खाईन से खासुङ। थेबा गाङे लाःक्‍तु वीणा सिराते बाजा रेरेताङ धूपकी खाङाते सेरगी कचौरा रेरे ओतान। थे धूपचेन परमेश्‍वर सन्‍तानओनगी परमेश्‍वरला खाबाते प्रार्थना ओतान।