लूका 8:21 - जिरेल

²¹ थेकी थोक सिरजीन येशूकी थेरू ओताते मि गाङेला “परमेश्‍वर बात ङेन्‍ला थेरू खि साबा साबाच्‍योक खित्‍कान्‍ते मिओनराङ ङेते आमाताङ न्‍वाओन ईन,” सिन सिदुक।

लूका 8:21 Iomraidhean Croise

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

मत्ती 25:40

थोक सिरजीन थे गेल्‍बोकी थेबाला ‘ङा ख्‍योकोनला च्‍यि सिते सासीन ज्‍येनगी दिङ सु ईन्‍देरो सिराच्‍योक ठाने खाबाते मिओनला ख्‍योकोनगी लेमु खाबाते ङालाराङ लेमु खाबाते ईन। होथोक्‍तेबा दोक्‍पोईलाकामा ईन्‍सीनोङ ख्‍योकोनगी लेमु खाबाते ङे लाईदुराङ खाबा ओतान,’ सिन सिओ।

मत्ती 25:45

थेमे थेकी थेबाला ‘ङा ख्‍योकोनला च्‍यि सिते सासीन ज्‍येनगी दिङ सु ईन्‍देरो सिराच्‍योक ठाने खाबाते मिओनला ख्‍योकोनगी लेमु माक्‍याबाते ङालाराङ लेमु माक्‍याबाते ईन। होथोक्‍ते मि दोक्‍पोईलाकामा ईन्‍सीनोङ ख्‍योकोनगी लेमु माक्‍याबातेङ ङालाराङ लेमु माक्‍याबाते ईन,’ सिन सिओ।

मत्ती 28:10

थेरूई थेकी “ख्‍योकोन ज्‍यीबा माकेत। लो ग्‍युक, ङात्ताङ ख्‍याम्‍कान्‍ते न्‍वाओनला गालीलपा ग्‍युक्‍लो सिन सि। थेबेकी ङाला थेपाराङ ठेत्‍क्‍यो,” सिन थेबाला थेरूकीङ ताङसुङ।

लूका 8:15

कोई कोईकीचेन परमेश्‍वर बात थोनामेई आउदी लेमु खाला ङेन्‍ग्‍यो। थेबेकी खोपरोङला जे ओङसीनोङ थे बात ङेन्‍दा मोतोङा खाला लेमु काम खिन देत्‍क्‍यो। सबी लेमु ओत्‍साला फापाते सोन साबातेचेन होथोक्‍ते मिओनला साबाते ईन।

लूका 8:20

थेमे मिज्‍यीगी थेला “ए गुरू, खुईते आमाताङ न्‍वाओन खोल्‍ला ठेता खित्‍च्‍या सिन फिनामा गुकीन देत्‍ला दुक,” सिन सिदुक।

यूहन्‍ना 13:17

दि बात ख्‍योकोनगी छ्या स्‍येबा ओत। खेराङगी छ्या स्‍येबा ओताच्‍योक खाईन कामोङ खासीन परमेश्‍वरगी ख्‍योकोनला आशी तेरग्‍यो।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

२ कोरिन्‍थी 5:16

दोक ईन्‍देकी था ङ्योकोन ज्‍येन मिकी च्‍योक खाला दाक्‍पोनला सु मि चुक्‍ते ईन सिराच्‍योक लाङगीका थे थोक्‍तेराङ ईन सिराच्‍योक खाला बात मिक्‍किओ। गोमा गोमाबा ङेङ ख्रीष्‍टला थेनी दोक्‍तेताङ थोक्‍तेका ईन सिन साबा ओतान। थाचेन ङा नोमुङ थोक मिक्‍किओ।

२ कोरिन्‍थी 6:18

दोक खाला ङा ख्‍योकोन आबा ओङगो। थेमे ख्‍योकोनला ङाराङ फुज्‍युङ फुमु ईन सिन सिओ। दि बात गाङे भन्‍दा छ्येज्‍यीक शक्ति ओताते प्रभु परमेश्‍वरगी साबाते ईन,” सिन साबा ओत।

याकूब 1:22

परमेश्‍वर बात ङेन्‍ला थेरू साबा च्‍योकराङ खि। थोक मिक्‍किकान्‍ते मिकीचेन दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबातेकामा ईन।

१ यूहन्‍ना 2:29

थेकी मेलेबा कामताङ बात सिराते नोमुङ छ्याःङ खाबा मेत सिन ख्‍योकोनला छ्याराङ ओत। थोगी लेमुते कामताङ बात खित्‍कान्‍ते मिचेन गाङे परमेश्‍वर फुज्‍युङ फुमु ओङाते मि ईन सिनोङ ख्‍योकोनला छ्याराङ ओत।

३ यूहन्‍ना 1:11

ङिङज्‍येते र्‍वा खुईचेन ज्‍येनगी मेलेबा बानी मालोप, लेमुते बानीकामा लोप। लेमुते कामताङ बात खित्‍कान्‍ते मिचेन परमेश्‍वरताङ डिक्‍कान्‍ते ईन। मेलेबा काम खित्‍कान्‍ते मिकीनी परमेश्‍वरला थोङाराङ मेत।