लूका 8:18 - जिरेल

¹⁸ थोगी ङे लोप्‍च्‍येते बात लेमु खाला ङेन। दि बात ङेन्‍ला लेमु खाला खोबा छोल्‍कानला दोक्‍ते बात झन काल्‍बेई छ्या स्‍येस्‍यीत सिन लाप्‍ला तेरग्‍यो। दि बात थोलाङ खोबा मोछोल्‍कान्‍ते मिओनलाचेन खोपरोङला छ्या ओत सिराच्‍योक लाबाते बादोङ टोक ज्‍येत ज्‍युत्‍क्‍यो,” सिन सिदुक।

लूका 8:18 Iomraidhean Croise

मत्ती 13:12

च्‍यि सासीन स्‍वर्गे राज्‍य बात ङेन्‍ला लेमु खाला खोबा छोल्‍कानला दोक्‍ते बात झन काल्‍बेई छ्या स्‍येस्‍यीत सिन लाप्‍ला तेरग्‍यो। थे बात थोलाङ खोबा मोछोल्‍कान्‍ते मिलाचेन टिक्‍पी टिक्‍पी छ्या स्‍येबा ओताते बादोङ टोक ज्‍येत ज्‍युत्‍क्‍यो।

मत्ती 25:29

च्‍यिला सासीन खित्‍कान्‍तेला थे लाक्‍तुङ थपे खाला तेरग्‍यो, मिक्‍किकान्‍ते लाःक्‍तुकीचेन थेत्ताङ ओतातेङ ठ्वाला खेरग्‍यो।

मर्कूस 13:14

थेमे परमेश्‍वर बातला ‘था परमेश्‍वर विरोध खिताला ङीमा लेनज्‍यीक आउदी किक्‍टो लाङच्‍याज्‍यीक खइँदा ज्‍य्‌वाबा मेङच्‍येते ठाउँला ज्‍याक्‍पा थोङगो,’ सिन साबा ओत। दि बात पढे खित्‍कान गाङेकी च्‍यि साबाते ईन्‍ताका सिन खोबा खि। परमेश्‍वर बातला साबा च्‍योकराङ होथोक ओङा थोङनामेई यहूदिये अञ्‍चलदु देत्‍कान्‍ते मि गाङेराङ दाक्‍पोन ज्‍यान जोए खिताला बोम बोमला छ्योङा फाप्‍क्‍यो।

लूका 19:26

थे गेल्‍बोकी ‘खित्‍कान्‍तेला थे लाक्‍तुङ थपे खाला तेरग्‍यो, मिक्‍किकान्‍ते लाःक्‍तुकीचेन थेत्ताङ ओतातेङ ठ्वाला खेरग्‍यो।

लूका 9:44

“ङा ख्‍योकोनला दि बातज्‍यीक सिओ। दि बात लेमु खाला नामज्‍योक सेत्‍ला ङेन। च्‍यि सासीन था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खित्‍च्‍येते बेला लेपा खाबा ओत,” सिन सिदुक।

यूहन्‍ना 15:2

थेकी अंगूर मोगोन्‍च्‍येते हाँगा गाङे ठेला क्‍युरग्‍यो। थेमे लेमु खाला गोन्‍च्‍येते हाँगातेबाचेन झन लेमु खाला गोन्‍स्‍यीत सिन कलमी खाला तेरग्‍यो।

शक्ति काम 10:33

थोगी ङे छ्याःङ अलमल मिक्‍किता खाईन हजूर खोल्‍ला लिन ताङाते ईन। हजूर खो दिस्‍साक दुक्‍पा खाईन वाबा थोङजीन ङ्योकोनला गा लासुङ। दुरू ङ्योकोन गाङेराङ प्रभु परमेश्‍वर दोन्‍दु जम्‍मा ओङा ओत। प्रभु परमेश्‍वरगी हजूर खोल्‍ला च्‍यि बात खि साबा ओते था थे बात ङ्योकोनला लेमु खाला लाप्‍ला नाङ। खुई बात ङेन्‍दाला ङ्योकोन गाङेराङ जम्‍मा ओङाते ईन,” सिन सिदुक।

शक्ति काम 17:11

थेरू यहूदीओनगीचेन थिस्‍सलोनिकादु ओतातेबेकी च्‍योक मेलेबा मिक्‍किता खाईन पावलगी लापाते येशू बात लेमु खाईन ङेन्‍सुङ। थेमे थेकी लापाते बात परमेश्‍वर बातला टिबाते बातताङ डिइकाना मिडिक्‍का सिन थेबेकी ङीमे ठाङमा परमेश्‍वर बात आउदी खाईन पढे खाईन तासुङ।

रोमी 12:3

परमेश्‍वरगी ङाला दया खाईन थे खोरोङ काम खि साबा ओतेकी ङा ख्‍योकोन गाङेला दि बातओनोङ सिओ। च्‍यि सासीन खेराङगी च्‍यि खिता थुप्‍कीते सिन लेमु खाला विचार मिक्‍किता खाला ख्‍योकोन सुङगीङ ङा जेङ खिता थुप्‍क्‍यो सिराच्‍योक खाला छ्ये माकेत। परमेश्‍वरगी खेराङला च्‍यि खित्‍च्‍येते सीप कि शक्ति बिन्‍ला दुका ङाला परमेश्‍वरगी दोस्‍यिकराङ खि साबाते ईन सिन विश्‍वास खाला ख्‍योकोनगी थेकी खि साबा भन्‍दाङ ल्‍हाक्‍पा खिता थुप्‍क्‍यो सिराच्‍योक माकेत।

१ कोरिन्‍थी 14:37

सुइँदेकी ङा परमेश्‍वरगी सिर च्‍युताते बात खित्‍कान्‍ते मि ईन कि परमेश्‍वर आत्‍मेकी ङाला थोक खित्‍च्‍येते शक्ति बिन्‍दा ओत खिदुक सासीन थोक्‍ते मिला ङा दि बात सिओ। च्‍यि सासीन थेकी ङे टिबाते दि बातओन प्रभु येशूकीराङ खि सिन कोताते ईन सिन छ्या स्‍येबा फाप्‍क्‍यो।

१ कोरिन्‍थी 3:18

ख्‍योकोन सुङगीङ दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम माकेत। च्‍यि सासीन दि सा लुङबे मिकी कोईला आउदी बुद्धि ओताते मि ईन सिओ। ख्‍योकोन नाङ सुइँदाला खेराङ होथेबेकी साबा च्‍योक्‍ते मि ईन सिराच्‍योक लाङगीदुक सासीन बरू ख्‍योकोनगी ङानी छ्याःङ मेस्‍येकान्‍ते मि ईन सिराच्‍योक खि। दोक खाला छ्ये मिक्‍किकान्‍ते मिराङ बुद्धि ओताते मि ईन।

१ कोरिन्‍थी 8:2

जे बादोङ छ्या स्‍येबा ओत सिन सिरकान्‍ते मिकीचेन छ्या स्‍येबा फाप्‍च्‍येते बात थोरूमोङ लेमु खाईन छ्या स्‍येबा मेङगो।

फिलिप्‍पी 3:4

सुइँदेकी ङा जीउला खतकी चिनु जोबाते मि ईन थेमे ङे ज्‍येनोङ धर्म कर्म खाबा ओतेकी परमेश्‍वरगी ङाला दोषी मेन सिओ सिन छ्ये खिदुक सासीन ङा झन छ्ये खिता थुप्‍क्‍यो। थोकराङ बात खिइ सासीन

हिब्रू 2:1

बात दोक दोक ईन्‍देकी ङुरूङगी दाक्‍पोनगी थोबाते बातओन लेमु खाला ङेन्‍गीन देता फाप्‍क्‍यो। दोक खिन मादेत्‍सीन ङुरूङ दाक्‍पोनगी थोबाते बातला खि साबा च्‍योकराङ खिन देता मुथुबो।