लूका 8:14 - जिरेल

¹⁴ लोक्‍ला कोई कोईकी परमेश्‍वर बातनी ङेन्‍ग्‍यो। ईन्‍सीनोङ साच्‍या थुङच्‍याताङ खोन्‍च्‍ये पीर, सम्‍पत्ति लोभ थेमे सुबा दुला दुला सेइन किम्‍मु खाला देता चालेकी खित्‍सादु थेबेकी थोबाते परमेश्‍वर बात दाक टोक ज्‍येत्‍ला छ्याःङ काम लै मिक्‍किओ। चाङगी बुटे नाङ फाप्‍कीन केबाते छ्याःङ मागोन्‍दाते सोन साबातेचेन होथोक्‍ते मिओनला साबाते ईन।

लूका 8:14 Iomraidhean Croise

मत्ती 13:22

लोक्‍ला चाङगी बुटे नाङला फाप्‍कीन केकीनोङ चाङगी बुटेकीराङ सोबाते सोन साबातेचेन थोरूमोङ ज्‍येन थरीज्‍यीक मिला साबाते ईन। थोक्‍ते मिओनगी स्‍वर्गे राज्‍य बातनी ङेन्‍ग्‍यो। ईन्‍सीनोङ साच्‍या थुङच्‍याताङ खोन्‍च्‍ये पीर थेमे सम्‍पत्ति लोभकी खित्‍सादु थेबेकी थोबाते बात दाक टोक ज्‍येत्‍ला छ्याःङ काम लै मिक्‍किओ।

मर्कूस 4:19

ईन्‍सीनोङ साच्‍या थुङच्‍याताङ खोन्‍च्‍ये पीर, सम्‍पत्ति लोभ थेमे दाक्‍पोन खुशी खिता चालेकी खित्‍सादु थेबेकी थोबाते बात दाक टोक ज्‍येत्‍ला छ्याःङ काम लै मिक्‍किओ।

लूका 16:13

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो,” सिन सिदुक।

लूका 21:34

थोगी ख्‍योकोनगी परमेश्‍वर ओत्‍सादुई वाबाते मि ङा ग्‍युरला ओङे छोमुसाक चुक खाला देता फाप्‍च्‍या ईन्‍दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्‍या थुङच्‍याताङ खोन्‍च्‍ये पीर माकेत। दोक खिन देत्‍सीन खरेउ तोर्बाकला थेप्‍लु खाला थे दिन लेपे छोमुकामा ख्‍योकोनगी छ्या स्‍येक्‍यो।

लूका 8:13

थेमे कोई कोईकी परमेश्‍वर बात थोबासात्तु आउदी गा खिन ङेन्‍ग्‍यो। ईन्‍सीनोङ थे बात लेमु खाला सेमगी नाङ मोज्‍योओ। थोगी परमेश्‍वर बात ङेन्‍देकी खित्‍सादु तिरी खइँदा दुक्‍पा ङेत्‍जीन थेबेकी थे बात ङेन्‍दा दाक तोङगो। टिक्‍पी टिक्‍पीकामा सबी थेमे दो काल्‍बेई ओत्‍साला फापाते सोन साबातेचेन होथोक्‍ते मिओनला साबाते ईन।

लूका 8:15

कोई कोईकीचेन परमेश्‍वर बात थोनामेई आउदी लेमु खाला ङेन्‍ग्‍यो। थेबेकी खोपरोङला जे ओङसीनोङ थे बात ङेन्‍दा मोतोङा खाला लेमु काम खिन देत्‍क्‍यो। सबी लेमु ओत्‍साला फापाते सोन साबातेचेन होथोक्‍ते मिओनला साबाते ईन।

लूका 8:7

थोकराङ खाईन कोई सोनचेन चाङगी बुटे नाङला फाप्‍तुक्‍लो। थेमे केनामेकी चाङगी बुटेकीराङ सोदुक्‍लो।

यूहन्‍ना 15:6

ङात्ताङ डिक्‍लाराङ मेदेत्‍कान्‍ते मिचेन दोङबोदुकी लाछे खाईन क्‍युराते हाँगा च्‍योक्‍ते ईन। लाछे खाईन क्‍युराते थोक्‍ते हाँगा काम्‍ग्‍यो। थेमे रूला मे नाङमा क्‍युरग्‍यो। थेमे थे थेरूराङ छिइओ।

१ तिमोथी 6:17

थेमे थरिङोला छ्युक्‍पु ओताते मिओनला दोक सिन कोत। थेबाला छ्ये माकेत सि, सम्‍पत्ति ओत्‍कीन ओत सिन ढुक्‍क खाला मादेत सि। थोक्‍ते सम्‍पत्तिनी नामसाक दाक्‍पोन लाःक्‍तु देत्‍कीते सिन छ्याःङ छ्या मेङगो। बरू थेबाला परमेश्‍वरला भर परे खिता लोप सिन सि। थेकीराङ ङुरूङला गोच्‍येतेबरी दाङच्‍या ख्‍योप्‍च्‍या खाला बिन्‍ला गा खिन देत ज्‍युत्‍क्‍यो।

२ तिमोथी 4:10

डेमासकीचेन दि जुनी बातकामा विचार खाईन ङाला ताङगीन थिस्‍सलोनिकापा गाल्‍सुङ। ज्‍येन ङात्ताङ ओतातेबे नाङ क्रेसेन्‍सचेन गलातिये अञ्‍चलपा थेमे तीतसचेन दलमातियापा गाला ओत।

हिब्रू 6:1

बात दोक ईन्‍देकी था ङुरूङगी ख्रीष्‍ट सु ईन्‍दे, थेकी च्‍यि खासुङा सिन शुरू शुरूला लोपा फाप्‍च्‍येते बातओनकामा लोप्‍कीन मेदेता खाला होदोक्‍ते बात लेमु खाला खोबा थुप्‍कान्‍ते पाकोते मि च्‍योक ओङा फाप्‍क्‍यो। च्‍यि सासीन थाचेन ङुरूङगी नरककुण्‍डमा स्‍यूक्‍च्‍येते काम खिता ताङला परमेश्‍वर छ्य्‌वापा लै खाला थेला विश्‍वास खित्‍च्‍येते,