च्यिला सासीन यूहन्ना परमेश्वरगी खि साबा साबा च्योकराङ खित्कान्ते लेमु मि ईन सिन हेरोदला छ्या ओतान। थोगी थेला मेलेबा खिता मेङगो सिन ज्यीबेकी यूहन्नाला सुङगीङ छ्याःङ मेलेबा खिता मुथुप्स्यीत सिन लेमु खाईन ज्याक्पा ओतान। बेला बेलाला यूहन्ने बात ङेन्जीन हेरोदला लेमु लाबा ओतान। थे खोरोङगी खाबाते मेलेबाते काम सम्झे खित्जीन यूहन्ने बात ङेन्नामेकी जहिलेङ थेला सेमला चुक ईन चुक ईन लाङगीन ओतान।
लूका 8:13 - जिरेल13 थेमे कोई कोईकी परमेश्वर बात थोबासात्तु आउदी गा खिन ङेन्ग्यो। ईन्सीनोङ थे बात लेमु खाला सेमगी नाङ मोज्योओ। थोगी परमेश्वर बात ङेन्देकी खित्सादु तिरी खइँदा दुक्पा ङेत्जीन थेबेकी थे बात ङेन्दा दाक तोङगो। टिक्पी टिक्पीकामा सबी थेमे दो काल्बेई ओत्साला फापाते सोन साबातेचेन होथोक्ते मिओनला साबाते ईन। Faic an caibideil |
लूका 8:13
37 Iomraidhean Croise
लामला फाप्कीन छ्योज्युङमेकी तुकीन सोबाते सोन साबातेचेन परमेश्वर बात थोकान्तेबे नाङ थरीज्यीक मिला साबाते ईन। थोक्ते मितेचेन परमेश्वर बात ङेन्च्येते सेमराङ मेतेकी थे बात थोसीनोङ थे बात पत्ते मिक्किस्यीत थेमे परमेश्वरगी थेबाला पापदुकी मेडेल्स्यीत सिन शैतानगी थेबेकी थोबाते बात होत्ता टोक ज्येत ज्युत्क्यो।
लोक्ला कोई कोईकी परमेश्वर बातनी ङेन्ग्यो। ईन्सीनोङ साच्या थुङच्याताङ खोन्च्ये पीर, सम्पत्ति लोभ थेमे सुबा दुला दुला सेइन किम्मु खाला देता चालेकी खित्सादु थेबेकी थोबाते परमेश्वर बात दाक टोक ज्येत्ला छ्याःङ काम लै मिक्किओ। चाङगी बुटे नाङ फाप्कीन केबाते छ्याःङ मागोन्दाते सोन साबातेचेन होथोक्ते मिओनला साबाते ईन।
ङेचेन परमेश्वरगी सिर च्युताते बात खित्च्येते शक्ति ङेता ओत्सीनोङ, परमेश्वरगी गोमा सुङलाङ छ्या स्ये च्युता मेताते बाततेबा गाङे छ्या स्येकान्ते ईन्सीनोङ थेमे परमेश्वरगी चुक खाला काम खिते सिरच्येते बात गाङे छ्या स्येबा ओत्सीनोङ ङे ज्येनला ङिङज्ये माक्यासीन दि बाततेबा छ्या स्येला छ्याःङ काम लै मिक्किओ, ङा छ्याःङ मेन। थेमे परमेश्वरगी जेङ खिता थुप्क्यो सिन थेला विश्वास खाला बोमज्यीकला सरे खाला ग्युक साला थे बोमला समेत सरे खित ज्युता थुप्सीनोङ ङा छ्याःङ मेन।
थोगी था ख्योकोनगी येशूला विश्वास खाईन ङेन्दाते बात ङेन्दा नोमुङ तोङा मेङगो, थे बातला खि साबा च्योकराङ खिन देता फाप्क्यो थेमे होथे गा लाङच्येते बात थोनामेई तिरी खेराङगी परमेश्वरगी तेरग्यो साबाते जति ङेत्क्यो सिन आश खाईन गुकीन देताते बातला ज्येनगी जे सासीनोङ छ्याःङ शंका मिक्किता खाला देत। होथे बात ख्योकोनलाकामा मेन, सा लुङबा खाङगी मिला लाप्कीन बिन्दा ओत। थेमे ङा पावललाचेन मिओनला होथे बात लोप्च्येते जिम्मा बिन्दा ओत।
च्यि सासीन येशू ख्रीष्ट सु ईन्दे, चुक्ते ईन्दे सिन खेराङगी छ्या स्येबाते बात ङेन्दा नोमुङ मातोङ, झन झन लेमु खाला थे बातला खि साबा च्योकराङ खिन येशू ख्रीष्टला विश्वास खिन देत, ज्येनगी जे सासीनोङ खेराङला लाप्कीन बिन्दाते येशू ख्रीष्ट बातला छ्याःङ शंका माकेत थेमे परमेश्वरगी खेराङला चुक लेमु खासुङा सिन थेला धन्यवाद सिरा नोमुङ मातोङ।
थोक थोक दुक्पा ओङ च्युत्कीन मिला पाप खित ज्युता छोल्कान्ते शैतानगी ना ख्योकोनला प्रभु येशू छ्य्वापेकी टाला ईन्दा सिन ङाला आउदी ज्यीबा लाबा ओतान। शैतानगी थोक खाबा ईन्सीन ङ्योकोनगी ख्योकोन नाङ खाबाते काम थाराङ खेरोला डोच्या ओतान। थोगी ख्योकोन थोरूमोङ प्रभु येशूला विश्वास खिनराङ दुकाना मिन्दुका सिन ताप्ला तिमोथीला ख्योकोन ओत्सापा ताङाते ईन।
ङुरूङला पापदुकी डेल्कान्ते प्रभु येशू ख्रीष्ट सु ईन्दे, चुक्ते ईन्दे सिन छ्या स्येकीन दि सा लुङबे मिओनगी खित्च्येते जेसुकै मेलेबाते काम खिता ताङगीन सिन्दाते मिओनगी लोक्ला गोमा खाबा च्योक्ते कामराङ खिताला स्यूला थोक खित्च्ये छ्य्वापेई ठालाराङ मुथुप्तुक सासीन थेबा गोमा भन्दाङ झन ज्यीबा लाङच्या मेलेबा डुइओ।
ख्योकोन संगति खिन भोज सा बेलाला छ्याःङ ङोचा मिक्किता खाला वाला थेबेकी ख्योकोनताङराङ देत्ला सेइओ। ज्येनला ता फाप्कान्ते मि ईन्सीनोङ थेबेकी सुङगीतेङ छ्याःङ वास्ता मिक्किता खाला भक्कुचूर सोला खोपरोङ सुबा गेङच्ये कामकामा खिओ। थेबानी छ्यार्बे थोपोज्यीगोङ मेताते ल्हाबेकी पुरगीन खेराते मुक्पा च्योक्ते ईन। थेमे फलफूल चिमाईओङ मागोन्दाते चाप्रेनराङ खोर लोगीन क्युरगीन स्याप्ते गुनगी बेले दोङबो च्योकराङ ईन।
Sanasan