लूका 7:5 - जिरेल

⁵ च्‍यिला सासीन थे क्‍याप्‍टेनगी ङुरूङ यहूदीओनला आउदी लेमु खिदुक। थेमे ङ्योकोनते मिटिङ खित्‍च्‍येते खाम्‍बाङ थेकीराङ जोकीन बिन्‍दाते ईन,” सिन सिदुक।

लूका 7:5 Iomraidhean Croise

लूका 7:4

थेमे थे यहूदीओन छ्ये छ्ये मिकीङ येशू ओत्‍सादु ख्‍योल्‍गीन थे क्‍याप्‍टेनगी सि साबाते बात लाःप्‍नामेई “हजूर, ओर्च्‍ये गाल्‍ला थे मि योक्‍पोला ठाक्‍पा खाला बिन।

लूका 7:6

थेबेकी थोक सानामेई येशू थेबाताङ गाल्‍सुङ। येशू थे क्‍याप्‍टेन खाम्‍बापा ख्‍योला ख्‍योला खाबा ओतान। थे थेपा ओङगीन ओताते बात छ्या स्‍येकीन थेकी र्‍वातेबा कोई कोईला “लो ख्‍योकोन फिपाराङ येशूला ठेता खित ग्‍युक। थेमे थेला ङे दोक सिदुक सिन सि। चुक सासीन ‘प्रभु खो दोक दुक्‍पा खाला देपाराङ ओङा माफाबो। प्रभु खो च्‍योक्‍ते छ्ये मि ङा च्‍योक्‍ते मि खाम्‍बादु ओङा सोई मिक्‍किओ।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

१ यूहन्‍ना 3:14

ङुरूङगी स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओत सिन ङुरूङला छ्या ओत। च्‍यिला सासीन ङुरूङ दाक्‍पोन आज्‍यो न्‍वाला ङिङज्‍ये खिओ। ज्‍येनला ङिङज्‍ये मिक्‍किकान्‍ते मिचेन स्‍यिला सजाय ङेत्‍सादुकी थोरूमोङ थारा मेङगो।