लूका 7:47 - जिरेल

⁴⁷ थोगी खोल्‍ला ङा दि बात सिओ। च्‍यि सासीन दिकी काल्‍बेई पाप खाबा ओत्‍सीनोङ थे गाङे माफ ओङा ओत। थे गुन थोङगीनराङ दिकी ङाला दोक आउदी खाईन मान खाबाते ईन। पाप काल्‍बा माक्‍याबाते मिला थे पाप माफ बिन्‍सीन माफ तेरकान्‍तेला थेकी थोक काल्‍बा मान मिक्‍किओ,” सिन सिदुक।

लूका 7:47 Iomraidhean Croise

मत्ती 10:37

थेमे ङाला भन्‍दाङ काल्‍बा आबा आमाला ङिङज्‍ये खित्‍कान्‍ते मिचेन ङे चेला ओङा मुथुबो। थोकराङ खाला दाक्‍पोन फुज्‍युङ फुमुलाका काल्‍बा ङिङज्‍ये खित्‍कान्‍ते मिलाङ ङे चेला ईन सिरा सोई मिक्‍किओ।

लूका 7:39

थे फेम्‍मे मिकी थोक थोक खित्‍जीनोङ येशूकी छ्याःङ मिसिरजीन थेला निम्‍तो खित्‍कान्‍ते फरिसी पाटी मिकी दि परमेश्‍वर बात खित्‍कान्‍ते मि मेन्‍दा च्‍यिन्‍दा। थोक्‍ते मि ईन्‍दा ईन्‍सीन दि रन्‍डी ईन सिन छ्या स्‍येच्‍या ओतान। थेमे दिकी थे खोरोङला दोर ज्‍युत्‍च्‍या मेतान सिन विचार खासुङ।

लूका 7:46

थोस्‍यिककामा मेन, खुईचेन ङाला गोःला समेदोङ मोर्गु कुकीन माबिन्‍सुङ। दिकीचेन आउदी महँगोते स्‍यीम्‍बुई बास्‍ना चले खित्‍च्‍येते मोर्गुङ ङे काम्‍बालाका कुकीन बिन्‍सुङ।

लूका 7:48

थेमे येशूकी थे फेम्‍मे मिला “खुई खाबाते पाप गाङे ङे माफ खाबा ओत,” सिन सिदुक।

शक्ति काम 5:31

थेमे थेकी थेला गाङेला राज्‍य खित्‍कान्‍ते गेल्‍बो जोबा ओत। मिओनला पापदुकी डेल्‍कान्‍तेङ थेराङ ईन सिन छ्येज्‍यीक मान बिन्‍गीन थेला थे खोरोङ सामे छ्य्‌वापा ज्‍याक्‍पा ओत। ङुरूङ इस्राएलीओन दाक्‍पोन पापी दुका सिन छ्या स्‍येला परमेश्‍वर छ्य्‌वापा लै खित्‍स्‍यीत थेमे ङुरूङगी खाबाते पाप माफ ओङस्‍यीत सिनराङ परमेश्‍वरगी येशूला थोक थोक खाबाते ईन।

रोमी 5:20

थोक ईन्‍सीन परमेश्‍वरगी मिओनला च्‍यिला थे खोरोङ नियम बिन्‍सुङा सिनोङ बात थेन्‍ग्‍यो मेन? नियम ओत्‍सीनोङ थेरू खिता मेङगो साबा साबाराङ खाला झन झन पाप खित्‍च्‍याक्‍वा सिन मिओनगी छ्या स्‍येस्‍यीत सिनराङ परमेश्‍वरगी थे नियम बिन्‍दा ओतान। दोक खाईन मिओन झन पाप खित्‍कान गाल्‍सीनोङ थेबे पाप माफ तेराला परमेश्‍वरगी थेबाला झन आउदी दया खाबाते ईन।

२ कोरिन्‍थी 5:14

ङ्योकोनगी थरिङोला जे खिदुक थे खालि ख्रीष्‍टकी ङेराङला ङिङज्‍ये खाबेकी खित्‍सादु ईन। मि गाङेकी खाबाते पापकी सजाय भोगे खाईन गाङे लाईदु ख्रीष्‍ट स्‍याप्‍ते ईन्‍देकी मि गाङे थेत्ताङराङ स्‍याप्‍ते च्‍योक ओङा ओत सिन ङ्योकोनगी लेमु खाईन छ्या स्‍येबा ओत।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

एफिसी 6:24

ङुरूङ प्रभु येशू ख्रीष्‍टला ङिङज्‍ये खिन देत्‍कान गाङेला परमेश्‍वरगी दया खिनराङ देत्‍स्‍यीत।

फिलिप्‍पी 1:9

ङा ख्‍योकोन लाईदु दोक सिन प्रार्थना खिओ। चुक सासीन ख्‍योकोनगी खेराङ नाङ झन लेमु खाला ङिङज्‍ये खिताला थोरूम चुक खिता फाप्‍कीते, च्‍यि खिता लेमु ईन्‍दे सिन परमेश्‍वरगी ख्‍योकोनला लेमु खाला छ्या स्‍ये ज्‍युत्‍स्‍यीत।

१ तिमोथी 1:14

थोक खाईन थेकी ङाला आउदी दया खाईन खितासम्‍म लेमु खासुङ। थेत्ताङ जीउज्‍यीकराङ ओङगीन ङे थेला विश्‍वास खिता थुप्‍सुङ थेमे ज्‍येनला ङिङज्‍ये खिता थुप्‍सुङ।

१ यूहन्‍ना 1:7

परमेश्‍वर नाम्‍दाकला देता ओता च्‍योकराङ खाला ङुरूङोङ थे नाम्‍दाकला देत्‍कीन लेमु काम खासीन ङुरूङ दाक्‍पोन नाङ ङ्योम्‍बुराङ डिक्‍ला देता थुप्‍क्‍यो। थेमे परमेश्‍वर फुज्‍युङ येशू थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ङुरूङ पाप गाङे माफ ओङगो।

१ यूहन्‍ना 3:18

बात दोक ईन्‍देकी फिजावे, ङुरूङगी ज्‍येनला ङिङज्‍ये खिओ सिन खेकीकामा मेन, सत्‍यते परमेश्‍वरगी खि साबाच्‍योक खाला कामगीराङ खाला तेन्‍दा फाप्‍क्‍यो।

१ यूहन्‍ना 4:19

गोमा परमेश्‍वरगी ङुरूङला ङिङज्‍ये खासुङ। थोगी ङुरूङ दोक्‍पोईकी ज्‍येनज्‍यीकला ङिङज्‍ये खिओ।

१ यूहन्‍ना 5:3

परमेश्‍वरला ङिङज्‍ये खित्‍च्‍या सिरातेचेन थेकी खि सिन कोताते खित्‍च्‍येते ईन। थेकी खि सिन कोताते खिताला दुक्‍पाङ मेत।