लूका 7:26 - जिरेल

²⁶ थोगी थेपा ख्‍योकोन ज्‍येनतोक छ्याःङ ताप्‍ला मेन्‍देकी परमेश्‍वर बात खित्‍कान्‍ते मिज्‍यीकलाका तार गाला ओतान मेन? थोक खाईन ख्‍योकोन ठेता खित गालाते यूहन्‍नानी परमेश्‍वर बात खित्‍कान्‍ते मिकामा मेन, थे भन्‍दाङ छ्येते ईन।

लूका 7:26 Iomraidhean Croise

लूका 1:76

थेमे दि ङे फुज्‍युङलाचेन गाङे भन्‍दा छ्येते परमेश्‍वरगी थे खोरोङ बात खित्‍कान्‍ते मि ईन सिन सिओ। च्‍यिला सासीन था दिकीराङ प्रभु परमेश्‍वर ओङगो सिन मिओनला लाप्‍ला बिन्‍ला थे ओङाला जेसुकै ठीक खिओ।

लूका 16:16

ज्‍येन बात च्‍यि सासीन गोमाचेन मोशेकी टिबाते परमेश्‍वर नियम थेमे परमेश्‍वर बात खित्‍कान्‍तेबेकी साबाते बातकामा ओतान। बप्‍तिस्‍मा तेरकान्‍ते यूहन्‍ने पालोसाकराङ दि बातओनकामा मिओनला लोप्‍कीन ओतान। यूहन्‍ने पालोमेईचेन परमेश्‍वर राज्‍य गा लाङच्‍येते बात मिओनला लोपाला स्‍यूबाते ईन। थेमे थे राज्‍यदु लेमु ओङगो सिन गाङेराङ जबरजस्‍ती थेने स्‍यूक्‍पा छोल्‍गीदुक।

लूका 20:6

मेन मिकीका ताङाते ईन सिइ सासीन मिओनगी ङुरूङला दोई ग्‍याप्‍ला सेत्‍क्‍यो। च्‍यिला सासीन यूहन्‍ना परमेश्‍वर बात खित्‍कान्‍ते मि ओतान सिन मि गाङेकी मान खिओ सिन ङुरूङला छ्या ओत,” सिन बात खासुङ।

लूका 7:25

ना आउदी लेमुते खोलाक खोन्‍ला किम्‍मु खाला देत्‍कान्‍ते मि तार गाले? थोक्‍ते मिनी गेल्‍बो दरवार नाङलाका देत्‍क्‍यो सिन ख्‍योकोनला छ्याराङ ओत।

लूका 7:27

च्‍यिला सासीन ख्रीष्‍टला देमा तोङच्‍येते बात खिन परमेश्‍वरगी परमेश्‍वर बातला ‘खोल्‍ला तोङा भन्‍दा गोमा ङा मिज्‍यीकला तोङगो। थेकीराङ खुई लाईदु जेसुकै ठीक खिओ,’ सिन साबा ओतान। परमेश्‍वरगी ख्रीष्‍टला तोङा भन्‍दा गोमा तोङगो साबाते मिचेन यूहन्‍नाराङ ईन।

यूहन्‍ना 5:35

यूहन्‍नाचेन आउदी लेमु खाईन बाराते बत्ती नाम्‍दाक च्‍योक ओतान। थेमे टिक्‍पी दिनकामा ख्‍योकोनला थेकी लापाते बातओन लेमु लासुङ।