लूका 7:2 - जिरेल

² थे सारदु मिल्‍टेरी क्‍याप्‍टेनज्‍यीक ओतान। थे मि यहूदी मेतान। थेते आउदी मन परे खाबाते योक्‍पोज्‍यीक ओतान। थे ज्‍यीबा लाङच्‍या खाईन नाकीन स्‍याप खाबा ओतान।

लूका 7:2 Iomraidhean Croise

मत्ती 27:54

येशू स्‍यिजीनसाक थेला स्‍युङाला देत्‍कान्‍ते मिल्‍टेरी क्‍याप्‍टेनताङ मिल्‍टेरीओनगी सेदेर्मु गालाते थेमे थेरू ओङाते ज्‍येन ज्‍येनोङ बात थोङगीन आते खिन “दिनी साँच्‍चीराङ परमेश्‍वर फुज्‍युङराङ दुका,” सिन सिदुक।

लूका 23:47

थे स्‍यिजीन थेरू चुक चुक ओङसुङा सिन थे मिल्‍टेरी क्‍याप्‍टेनगीङ थोङसुङ। थेमे थेकी “दि मि साँच्‍चीराङ मेलेबा मि मेन्‍दाक्‍वा,” सिन परमेश्‍वरला छ्ये जोसुङ।

लूका 7:1

थे खोरोङ बात ङेन्‍दाला जम्‍मा ओङाते मिओनला दि गाङे बात लाप्‍कीन सिन्‍नामेकी येशू कफर्नहुमपा गाल्‍सुङ।

लूका 7:3

थे मिल्‍टेरी क्‍याप्‍टेनगी येशू थेरू वाबाते बात थोसुङ। थेमे थेकी थे सारगी यहूदीओन छ्ये छ्ये मि कोई कोईला “ख्‍योकोनगी येशू ओत्‍सादु गाल्‍ला देपा वाला ङे योक्‍पो ठाक्‍पा खाला नाङ सिन बात खि,” सिन थे ओत्‍सापा ताङसुङ।

लूका 8:42

च्‍यिला सासीन थेते फुमुते खोक्‍पो खाईन नाकीन खाला बाक देत्‍कीन सिन्‍दा ओतान। थे लो च्‍युन्‍ङीते ओतान। थेते फुज्‍युङ फुमु सिराते थे दोक्‍पोईराङ ओतान। थेमे येशू थेत्ताङ ख्‍याम्‍सुङ। थोक खाला थेपा डोजीन थेत्ताङ ज्‍येनोङ आउदी काल्‍बेई मि च्‍येपा च्‍येप खिन ख्‍याम्‍बा ओतान।

शक्ति काम 10:1

सिजरियादु कर्नेलियस सिराज्‍यीक मि ओतान। थे इटाली सिराते पल्‍टनते क्‍याप्‍टेन ओतान।

शक्ति काम 10:7

परमेश्‍वर दूतचेन थेरूकी तोरसुङ। थोक ओङगीन सिन्‍नामेकी कर्नेलियसकी थे खोरोङ खाम्‍बादु काम खित्‍कान्‍ते मेरा ङि मित्ताङ काल्‍बा च्‍योक थे खोरोङताङराङ देत्‍कान्‍ते मिल्‍टेरीज्‍यीकला काताङसुङ। थे मिल्‍टेरीङ परमेश्‍वरला माने खित्‍कान ओतान।

शक्ति काम 22:26

थे क्‍याप्‍टेनगी थे मिल्‍टेरी छ्येते मि ओत्‍सापा गाल्‍गीन “हजूर, थेनी रोमी नागरिकका ईनलो। हजूर खुई दोक च्‍यि खि साबे?” सिन सिदुक।

शक्ति काम 23:17

थे बात थोनामेकी थेकी मिल्‍टेरी क्‍याप्‍टेनज्‍यीकला काताङगीन च्‍याकीन “दिला ख्‍योकोनते छ्येते मि ओत्‍सादु क्‍याल्‍ला बिन। दिते थेत्ताङ बात खिता फाप्‍च्‍या ओत्‍लो,” सिन सिदुक।

शक्ति काम 27:1

थेरूई ङ्योकोनला इटाली लुङबापा तोङच्‍ये टुङ्गो ओङसुङ। थोक ओङनामेई थेपा खेराला पावल थेमे ज्‍येनोङ कोई कोई कैदीला मिल्‍टेरी क्‍याप्‍टेन युलियस सिराते जिम्‍मा लै खासुङ। थे क्‍याप्‍टेनचेन अगस्‍टस सिराते पल्‍टन मि ओतान।

शक्ति काम 27:3

थेरूई पानीजहाज चले खानामेई ङारो च्‍योक्‍ते ङ्योकोन सीदोन सिरसादु लेप्‍सुङ। थेमे थे क्‍याप्‍टेनगी थेरू पावल र्‍वातेबेकी थेला गोच्‍येतेबा तेरा ङेत्‍स्‍यीत सिन थेबाला ठेता खित ताङगीन लेमु खासुङ।

शक्ति काम 27:43

तर मिल्‍टेरी क्‍याप्‍टेनगी पावलला सेता मेङगो सिन कैदीज्‍यीकलाङ सेत माच्‍युत्‍सुङ। बरू थेकी गाङेला “लो पौडे खिता थुप्‍कान्‍तेबा पौडे खाला पाङनापा थेन।

कलस्‍सी 3:22

थेमे योक्‍पो योङमुतेबा ख्‍योकोनला ङा दोक सिओ। च्‍यि सासीन ख्‍योकोनगी जहिलेङ दाक्‍पोन मालिककी लाःपा कोताते ङेन। थेबेकी खेराङला आउदी लेमु खाला काम खित्‍कान्‍ते दुका सिरस्‍यीत सिन थेबे मिगी दोन्‍दुकामा स्‍याप स्‍याप खाला काम खित्‍जुम माकेत। प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन खेराङ मालिक दोन्‍दु मेत्‍सीनोङ थेबेकी कोताते लेमु खाला सेम लै खाला खि।