लूका 7:17 - जिरेल

¹⁷ येशूकी खाबाते दि कामगी बात यहूदिये लुङबा खाङकामा मेन, थे फेरो नाङपा गाङेपा फैले खासुङ।

लूका 7:17 Iomraidhean Croise

मत्ती 2:1

येशू यहूदिये अञ्‍चलते बेथलेहेम सिरसादु केबा ओतान। थेजीन थे अञ्‍चलदु हेरोद गेल्‍बो राज्‍य खिन ओतान। येशू केनामेकी टिक्‍पी तिरी च्‍यि ओङसुङा सासीन पूर्वे छ्य्‌वापे लुङबे नाङपेई कोई कोई ज्‍योतिषी यहूदिये अञ्‍चल यरूशलेम सारदु लेप्‍सुङ।

मत्ती 4:24

थेकी खाबाते दि कामगी बाततेबा सिरिये लुङबा खाङोङ फैले खासुङ। थेमे मिओनगी थरी थरी रोग लै खाईन नाबाते मिओन, ल्‍हन्‍डीक खोबातेबा, जा लाङकान्‍तेबा, कुज्‍येतेबा गाङेला ठाक्‍पा खाला तेरस्‍यीत सिन थे ओत्‍सादु क्‍याल्‍सुङ। थेमे थेकी थे मि गाङेला ठाक्‍पा खाईन बिन्‍सुङ।

मत्ती 9:26

दोक खाईन थे फिजा सोन्‍दाते बात थेङला गाङेपा फैले खासुङ।

मत्ती 9:31

तर चुक ओङसुङा सासीन थेबा ङिबोकीचेन थेरूई गाल्‍गीन येशूकी खोपरोङला खाबाते कामगी बात थेङला गाङेपा फैले खासुङ।

मर्कूस 1:28

थेकी खाबाते दि अचम्‍बते कामगी बात गालील अञ्‍चल खाङ गाङेपा फैले खासुङ।

मर्कूस 6:14

थेमे गेल्‍बो हेरोदकीङ येशूकी खाबाते अचम्‍बते कामगी बात गाङे थोसुङ। च्‍यिला सासीन गाङेपे मिकी येशू बातकामा खिन ओतान। थेबे नाङ कोईकी “थे येशू सिरातेनी बप्‍तिस्‍मा तेरकान्‍ते यूहन्‍नाराङ सोम्‍बो लोगीन वाबाते दुका। थेमेका थेकी थोक अचम्‍बते कामओन खित्‍च्‍येते ईन्‍दासीन,” सिन बात खिन ओतान।

लूका 4:14

थेमे येशू गालील अञ्‍चलपा ग्‍युरगीन गाल्‍सुङ। परमेश्‍वर आत्‍मे शक्ति थेत्ताङ ओतान। येशूताङ छ्येज्‍यीक शक्ति ओताते बात मिओनगी थाहा ङेत्‍कीन फार छुर गाङेपा थे बातकामा खिन ओतान।

लूका 7:14

गाल्‍गीन च्‍याकीन थे मि रो ठाकीन खुराते स्‍यिङला जुम्‍सुङ। थोक खानामेई रो खुरकान्‍ते मिओन थेरूराङ देत्‍सुङ। थेमे येशूकी थे मि रोला “ए फुज्‍यो, लो ल्‍वा,” सिन सासुङ।