लूका 7:13 - जिरेल

¹³ थे फेम्‍मे मिला थोङगीन प्रभु येशूला आउदी ङिङज्‍ये लासुङ। थेमे थेकी थेला “ए आज्‍यी, दोक खाला माङु, ङ्वा माफाबो,” साकीन

लूका 7:13 Iomraidhean Croise

मर्कूस 8:2

“दि मिओन दोक खाईन देताते थोङजीन ङाला आउदी ङिङज्‍ये लासुङ। दिबा दुरू ङात्ताङराङ देताते ङीमा सुम गाल्‍गीन सिन्‍सुङ। दिबाताङ साच्‍येतेङ छ्याःङ मिन्‍दुक।

लूका 10:1

दि तिरी प्रभु येशूकी परमेश्‍वर राज्‍य बात लोपाला ज्‍येन मेरा खाल सुमताङ च्‍युताम्‍बा मि छाने खासुङ। थेमे थेबाला था थे खोरोङ डोच्‍येते गाङे सारताङ युल युलला मेरा ङि ङि खाला गोमा गोमा तोङच्‍या खासुङ।

लूका 11:1

ङीमाई येशू ठाउँज्‍यीक्‍तु देत्‍ला प्रार्थना खिन ओतान। प्रार्थना खाईन सिन्‍नामेकी चेलातेबे नाङ दोक्‍पोईकी “प्रभु, यूहन्‍नेकी परमेश्‍वरताङ चुक खाला प्रार्थना खित्‍च्‍ये सिन चेलातेबाला लाप्‍कीन बिन्‍दा ओतान। प्रार्थना खित्‍जीन चुक सिरच्‍ये सिन खुई ङ्योकोनलाङ लाप्‍ला नाङना,” सिन सिदुक।

लूका 11:39

थे छक्‍क परे खाबा थोङगीन प्रभु येशूकी थेला “ख्‍योकोन फरिसी पाटी मिओन खेराङ कचौराताङ देर्मातेबाचेन चोके खिता फाप्‍क्‍यो सिन माझे खाला टल्‍के खित्‍च्‍या जोइदुक। तर थे नाङ लुक्‍ला साच्‍येते सापचेन ख्‍योकोनगी खेराङगीकामा सा थुङा ङेत्‍सीन ओङच्‍या ओतान सिराच्‍योक खाईन ज्‍येनगीते ठ्वाकीन, ज्‍येनला ठगे खाईन खुलाबाते ईन।

लूका 12:42

थेमे प्रभु येशूकी “मालिकतेकी कोत्‍कीन ज्‍याक्‍पाते ङेन्‍ला लेमु खाला काम खित्‍कान्‍ते मिलाचेन मालिकतेकी थे खोरोङ खइँसापा डोजीन थे खाम्‍बादुराङ काम खित्‍कान्‍ते ज्‍येनतेबाला लेमु खाला साप थुङा बिना सिन खाम्‍बे कामओन जिम्‍मा बिन्‍ला डुइओ।

लूका 13:15

प्रभु येशूकी “ख्‍योकोन चुक्‍तेन्‍दे ईन्‍दाका, सन्‍चारी छोमु काम खिता मेङगो सिन साबा ओत्‍सीनोङ थे छोमु ख्‍योकोन नाङ सुईचेन खेराङ लाङ कि गधाला ताङला छ्यु तेर मेखेरते?

लूका 17:5

थेमे येशू ख्रीष्‍टकी खटे खाबाते चेलाओनगी “प्रभु, ङ्योकोनला खुई शक्ति छ्य्‌वापेई जस्‍तो कामोङ ओङा थुप्‍क्‍यो सिन झन लेमु खाला परमेश्‍वरला विश्‍वास खित्‍कान्‍ते मि जो,” सिन सासुङ।

लूका 17:6

थोक सिरजीन थेकी “ख्‍योकोनगी परमेश्‍वरला खित्‍च्‍येते विश्‍वास ताप्‍कीन केनामेकी दोङबो छेतराङ डोच्‍येते तोरी गेडा च्‍योकस्‍यिककामा ओत्‍सीनोङ उदि सोलास्‍यिङ दोङबोला ‘चाप्रेनताङराङ खोर लोक्‍ला समुन्‍द्रमा गाल्‍ला चाप्रेन क्‍याङला देत,’ सिन सासीन थोकराङ ओङगो।

लूका 18:6

दोक साकीन प्रभु येशूकी चेलातेबाला “थे खोरोङला छोउ छोउ जोनामेईकामा थे घूस साकान्‍ते न्‍यायाधीशकी दि फेम्‍मे मि न्‍याय खाला तेराराङ फाप्‍सुङ सिन न्‍याय खाईन बिन्‍सुङ।

लूका 19:8

थेमे प्रभु येशूताङ बात खिन खिनला लाकीन जखायसकी “लो प्रभु, था ङा ङाराङते ओताते जति सम्‍पत्ति बो ङि जोला बोज्‍यीकचेन दुक्‍पा ङेताते मिओनला गोला तेरग्‍यो। थेमे ङे ठगे खाबाते मिओनला ङाराङगी ठगे खाबाते लाक्‍तु दोबोर सुम थपे खाला तेरामीन,” सिन सिदुक।

लूका 22:61

थेमे प्रभु येशूकी खइँदा बात सिरा फाप्‍च्‍येते च्‍योक खाईन नाङनेकी पत्रुसला तासुङ। थेमे ईन्‍सीनका “थरिङ ग्‍वाका था ङोमु पाखे छ्योबो फोत फोतसाकला पालो सुम ज्‍येन मि दोन्‍दु खुई ङाला ङोराङ मेस्‍येओ सिन सिओ,” सिन गोमाका प्रभु येशूकी साबाते बात थेला ठेम्‍बा लासुङ।

लूका 24:3

थेमे थेबाबरी फुगी नाङदुराङ स्‍यूला ताजीन थेरू प्रभु येशू रोङ मेतान।

लूका 24:34

थेबा ङिबो थेरू लेपासात्तुराङ थेबाबरीकी “प्रभु येशू सोम्‍बो लोक्‍पाते बात पक्‍काराङ दुका। शिमोन खोरोङताङराङ थेकी ठेता खादुक,” सिन सासुङ।

लूका 7:12

येशू थे सारदु लेपा लेपा खालाराङ च्‍यि ओङसुङा सासीन थे सारदुकी मलामीओनगी रोज्‍यीक खुरगीन तेन्‍सुङ। थेचेन ख्‍योबो स्‍याप्‍ते फेम्‍मे मि फुज्‍युङ रो ओतान। थेते फुज्‍युङ सिराते थेज्‍यीककामा ओतान। थे फेम्‍मे मि थेमे सारगी मि काल्‍बेई थे रोई तिरी तिरी ख्‍याम्‍बा ओतान।

लूका 7:14

गाल्‍गीन च्‍याकीन थे मि रो ठाकीन खुराते स्‍यिङला जुम्‍सुङ। थोक खानामेई रो खुरकान्‍ते मिओन थेरूराङ देत्‍सुङ। थेमे येशूकी थे मि रोला “ए फुज्‍यो, लो ल्‍वा,” सिन सासुङ।

लूका 7:19

थेमे थेकी थे खोरोङ चेलातेबा मेन्‍दा ङिला काताङगीन “लो ख्‍योकोन येशू ओत्‍सादु ग्‍युक। थेमे थेला परमेश्‍वरगी तोङगो साबाते ख्रीष्‍ट हजूर खोराङ ईन्‍दाना था ज्‍येनज्‍यीक ओङगीते सिन ठिला स्‍योक,” सिन प्रभु येशू ओत्‍सादु ताङसुङ।

लूका 8:52

थे खाम्‍बे नाङ ओताते मि गाङेराङ थे फुमु फिजा स्‍यिसुङ सिन आउदी खाला दुङाल खिन ओतान। येशूकी थेबाला “ख्‍योकोन दोक खाला दुङाल माकेत। दि फिजा स्‍या मेत, दिनी ङिक गालातेकामा ईन,” सिन सिदुक।

यूहन्‍ना 11:2

बाजिई प्रभु येशू काम्‍बाला बास्‍ना चले खित्‍च्‍येते मोर्गु कुला थे मोरोङ टेकी पिला तेरकान्‍ते मरियम दिराङ ओतान। थेमे होदिते न्‍वाते नाबा ओतान।

यूहन्‍ना 11:3

लाजरस थोक खाईन नाबेकी आज्‍यीतेबा ङिबोकी “प्रभु, खुई ङिङज्‍ये खित्‍च्‍येते खोरोङ र्‍वा आउदी खाईन नाबा ओत,” सिन येशूला लोन ताङसुङ।

यूहन्‍ना 20:13

थेमे थेबेकी थेला “खो च्‍यिला ङुइते?” सिन ठिजीन मरियमगी “थेबेकी प्रभु येशू रो दुरूकी थेन्‍गीन खेरदुक। थेला खापा ज्‍याक खापा, ङे छ्याःङ छ्या मास्‍येसुङ,” सिन सिदुक।

यूहन्‍ना 20:15

थेमे येशूकी थेला “खो च्‍यिला ङुइते? खुई सुला चाले?” सिन ठिसुङ। मरियमगीचेन थेला बगैंचादु काम खित्‍कान्‍ते मिका ईन्‍दा च्‍यिन्‍दा सिन “हजूर, ना खुईका थेला खेरे? खेरा ओत्‍सीन खापा ज्‍याक्‍पा ओते ङाला लोःपना। ङा लाला खुलाङामीन,” सिन सिदुक।

यूहन्‍ना 4:1

येशूकी यूहन्‍नेकी भन्‍दाङ काल्‍बेई चेला जोइन दुक्‍लो थेमे मिओनला बप्‍तिस्‍मा तेरगीदुक्‍लो सिन फरिसी पाटी मिओनगी थोदुक्‍लो सिन प्रभु येशूकी छ्या स्‍येसुङ।

यूहन्‍ना 6:23

थेजीनराङ तिबेरियास नाङपेकी वाबाते डुङ्गा काल्‍बेई थे समुन्‍द्रे छेउकी नाङला ख्‍योल्‍सुङ। थे समुन्‍द्रे छेउकी खादुराङ गोमे छोमु प्रभु येशूकी स्‍योबेनताङ ङ्ये लाईदु परमेश्‍वरला धन्‍यवाद बिन्‍नामेई मिओनला सा बिन्‍दा ओतान।

१ कोरिन्‍थी 7:30

थोकराङ खाला पीर खिन ङुइनकामा देत्‍कान्‍ते मिओनचेन गा खि, पीर खिन मादेत। थेमे गा खिन देत्‍कान्‍ते मिओनगीङ गा लाबा मेताते मि च्‍योक ओङला देत। दाक्‍पोनला गोक्‍यो सिन सामान ङ्योला खुलाङकान्‍ते मिओनगीङ थे सामानतेबा चले खिता ङेत्‍कीता मेङेत्‍ता सिराच्‍योक खाला देत।

१ थिस्‍सलोनिकी 4:13

थेमे आज्‍यो न्‍वावे, ज्‍येन बात च्‍यि सासीन ख्‍योकोन नाङ स्‍यिइन सिन्‍दाते मिओनला था तिरी च्‍यि ओङगीते सिन ख्‍योकोनगी लेमु खाला छ्या स्‍येस्‍यीत सिन ङ्योकोन दि बात खिन ओत। थेबाला चुक ओङगीते सिन छ्या स्‍येनामेकी ख्‍योकोनगीचेन स्‍वर्गने ड्वा ङेत्‍कीता मेङेत्‍ता सिन छ्याःङ आश मेताते मिओनगी खोपरोङते स्‍यिइन सिन्‍दाते मिओन लाईदु पीर खाबाच्‍योक खाला पीर खिता माफाबो।

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।

हिब्रू 4:15

ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।