लूका 7:12 - जिरेल

¹² येशू थे सारदु लेपा लेपा खालाराङ च्‍यि ओङसुङा सासीन थे सारदुकी मलामीओनगी रोज्‍यीक खुरगीन तेन्‍सुङ। थेचेन ख्‍योबो स्‍याप्‍ते फेम्‍मे मि फुज्‍युङ रो ओतान। थेते फुज्‍युङ सिराते थेज्‍यीककामा ओतान। थे फेम्‍मे मि थेमे सारगी मि काल्‍बेई थे रोई तिरी तिरी ख्‍याम्‍बा ओतान।

लूका 7:12 Iomraidhean Croise

लूका 7:11

टिक्‍पी तिरी येशू नाइन सिराते सारनापा गाल्‍सुङ। थेजीन थेत्ताङ थे खोरोङ चेलाओन थेमे ज्‍येनोङ मि काल्‍बेई ख्‍याम्‍बा ओतान।

लूका 7:13

थे फेम्‍मे मिला थोङगीन प्रभु येशूला आउदी ङिङज्‍ये लासुङ। थेमे थेकी थेला “ए आज्‍यी, दोक खाला माङु, ङ्वा माफाबो,” साकीन

लूका 8:42

च्‍यिला सासीन थेते फुमुते खोक्‍पो खाईन नाकीन खाला बाक देत्‍कीन सिन्‍दा ओतान। थे लो च्‍युन्‍ङीते ओतान। थेते फुज्‍युङ फुमु सिराते थे दोक्‍पोईराङ ओतान। थेमे येशू थेत्ताङ ख्‍याम्‍सुङ। थोक खाला थेपा डोजीन थेत्ताङ ज्‍येनोङ आउदी काल्‍बेई मि च्‍येपा च्‍येप खिन ख्‍याम्‍बा ओतान।

लूका 8:52

थे खाम्‍बे नाङ ओताते मि गाङेराङ थे फुमु फिजा स्‍यिसुङ सिन आउदी खाला दुङाल खिन ओतान। येशूकी थेबाला “ख्‍योकोन दोक खाला दुङाल माकेत। दि फिजा स्‍या मेत, दिनी ङिक गालातेकामा ईन,” सिन सिदुक।

यूहन्‍ना 11:19

थेमे मार्थाताङ मरियमला न्‍वाते स्‍याप्‍तेला पीर माकेत, माङु सिन सम्‍झे खाला तेराला थेरू ज्‍येन यहूदीओन काल्‍बेई ख्‍योला ओतान।

शक्ति काम 9:39

थेमे पत्रुस थे मिओनताङ योप्‍पापा लिच्‍युङ। थेरू लेपासात्तु मिओनगी थेला तबीते रो ज्‍याक्‍पाते खाम्‍बे ताले लाकने खेरसुङ। थे कोठादु ख्‍योबो स्‍याप्‍ते फेम्‍मे मितेबा काल्‍बेई ओतान। तबीतेकी खोपरोङला बिन्‍दाते खोलाकओन पत्रुसला तेन्‍गीनकामा “दि खोलाकओन दिकीराङ चेम्‍गीन बिन्‍दाते ईन,” सिन थेबाबरी पत्रुस फेरो खाङ लाकीन देत्‍कीन ङ्वाप्‍ला स्‍यूसुङ।

शक्ति काम 9:41

थेमे पत्रुसकी लाक्‍पाला जुम्‍गीन थेला थेरूकी लाङसुङ। थोक ओङनामेकी थेकी थेरू ओताते ख्‍योबो स्‍याप्‍ते फेम्‍मे मिओन थेमे परमेश्‍वर सन्‍तान ज्‍येन गाङेला नाङने काताङगीन च्‍याकीन तबीताला ठेता खाईन बिन्‍सुङ।

याकूब 1:27

आबा परमेश्‍वरगी खि साबाच्‍योक खित्‍च्‍या सिरातेनी सुङ मेत्‍कीन दुक्‍पा ङेता ओताते ट्वारा टिङग्रेताङ ख्‍योबो स्‍याप्‍ते फेम्‍मे मिओन दुक्‍पा थोङला थेबाला लेमु खित्‍च्‍येते थेमे परमेश्‍वरला छ्या मेस्‍येकान्‍ते दि सा लुङबे मिओनगी खिताच्‍योक मेलेबा काम मिक्‍किच्‍येते ईन।