लूका 6:7 - जिरेल

⁷ थेमे थेरू वाबा ओताते धर्मे गुरूओनताङ फरिसी पाटी मिओनचेन येशूते खइँदा दोष तेन्‍दा थुप्‍कीता सिन थेकी चुक खिका, च्‍यि खिका सिन च्‍याङबो खाला तेइनराङ ओतान। थेबाचेन सन्‍चारी छोमु छ्याःङ काम खिता मेङच्‍येते दिन ईन सिन परमेश्‍वर नियमला टिबाते बात दिला छ्याराङ ओत। था दिकी थे लाक्‍पा काम्‍बाते मिला ठाक्‍पा खासीन थेकी नियम ङ्ये च्‍युत्‍सुङ सिन गल्‍ती तेन्‍दाप सिन विचार खाईन देता ओतान।

लूका 6:7 Iomraidhean Croise

मत्ती 5:39

ङाचेन ख्‍योकोनला च्‍यि सिते सासीन सुइँदेकी खेराङला मेलेबा खासीन ख्‍योकोनगी थेबाला स्‍येदाङ मासेत। बरू सुइँदेकी खेराङला सामे डाम्‍पापा डाम्‍स्‍याकज्‍यीक ग्‍याप्‍सीन ख्‍योकोनगी थेला ज्‍येनते डाम्‍पाङ सेत्‍ला बिन।

मर्कूस 3:2

थेरू वाबाते कोई कोई मिचेन येशूकी चुक खिका, च्‍यि खिका सिन च्‍याङबो खाला तेइनराङ ओतान। थेबाचेन सन्‍चारी छोमु छ्याःङ काम खिता मेङच्‍येते दिन ईन सिन परमेश्‍वर नियमला टिबाते बात दिला छ्याराङ ओत, था दिकी थे लाक्‍पा काम्‍बाते मिला ठाक्‍पा खासीन थेकी नियम ङ्ये च्‍युत्‍सुङ सिन थे गल्‍ती तेन्‍दाप सिन विचार खाईन देता ओतान।

लूका 13:14

थे फेम्‍मे मिला ठाक्‍पा खानामेई येशूकी सन्‍चारी छोमु काम खासुङ सिन थे मिटिङ खित्‍च्‍येते खाम्‍बे छ्येते मि थेत्ताङ आउदी खाईन स्‍येदाङ खासुङ। थोगी थेकी थेरू ओताते मिओनला “हप्‍ताला ङीमा ठुक काम खिता ओङगो। थरिङचेन काम खिता मेङगो सिन ख्‍योकोन गाङेला छ्याराङ ओत। थोगी ख्‍योकोन सुइँदा ठाक्‍पा खाला नाङ सिरा फाप्‍च्‍या ओत्‍सीन ज्‍येन दिनला ओङच्‍येते खि, सन्‍चारी छोमु मेन,” सिन सिरजीन

लूका 20:20

थेमे थे बेलामेईराङ धर्मे गुरूओनताङ छ्ये छ्ये पूजारीकी येशूकी खइँदा गल्‍ती बात खिता सिन मौका तेइनराङ देत्‍सुङ। थेकी थोक्‍ते खइँदा बात सासीन रोमी गेल्‍बो हाकिम ओत्‍सादु खेरला सजाय तेर ज्‍युत्‍च्‍ये सेम ओतान। थोगी थेबेकी कोई कोई मिला येशू ओत्‍सादु ताङसुङ। गाल्‍गीन थेबेकीचेन खोपरोङ आउदी खाला परमेश्‍वर नियम ङेन्‍कान्‍ते मि ईन्‍दाच्‍योक खाईन बात खिताला स्‍यूसुङ।

यूहन्‍ना 9:16

थेमे फरिसी पाटी मि नाङ कोई कोईकी “थे मिला परमेश्‍वरगी ताङाते मेन। सन्‍चारी छोमु काम खिता मेङगो सिरच्‍येते परमेश्‍वर नियम थेकी मेङेन्‍दुक,” सिन सिदुक। लोक्‍ला ज्‍येनतेबेकीचेन “थे पापी ईन्‍दा ईन्‍सीन चुक खाला दोक अचम्‍बते कामओन खिता थुप्‍कीते?” सिन सासुङ। थोक खाईन थेबे नाङ बात माडिक्‍सुङ।