लूका 6:6 - जिरेल

⁶ थेमे ज्‍येनज्‍यीक सन्‍चारी छोमुङ येशू मिटिङ खित्‍च्‍येते खाम्‍बाज्‍यीक्‍तु गाल्‍गीन मिओनला लोपाला स्‍यूसुङ। थेरू सामे लाक्‍पा काम्‍गीन थे लाक्‍पा चलेराङ खिता मुथुप्‍च्‍या गालाते मिज्‍यीगोङ ओतान।

लूका 6:6 Iomraidhean Croise

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

लूका 13:10

ङीमाई सन्‍चारी छोमु येशू मिटिङ खित्‍च्‍येते खाम्‍बाज्‍यीक्‍तु मिओनला परमेश्‍वर बात लोप्‍कीन ओतान।

लूका 14:3

थे खोरोङला थोक खाईन ताकीनराङ देता ओताते धर्मे गुरूओनताङ फरिसी पाटी मिओनला येशूकी “थरिङ सुइँदा मिला ठाक्‍पा खाला तेरा परमेश्‍वर नियमताङ डिगीताना मिडिक्‍ते?” सिन सिदुक।

लूका 4:16

दोक खिन लोप्‍कीन लोप्‍कीन डोजीन येशू नासरतपा लेप्‍सुङ। थे थेरूराङ हुर्के खाबा ओतान। सधैँ च्‍योकराङ खाईन थे थेरूङ सन्‍चारी छोमु मिटिङ खित्‍च्‍येते खाम्‍बादु गाल्‍सुङ। थेमे थे थेरू जम्‍मा ओङाते मिओन दोन्‍दु परमेश्‍वर बात पढे खिताला लासुङ।

लूका 4:31

थेरूई येशू कफर्नहुम सारनापा गाल्‍सुङ। दि सारोङ गालील अञ्‍चलदुराङ फाप्‍कीन ओतान। थेरूङ थेकी सन्‍चारी छोमु मिटिङ खित्‍च्‍येते खाम्‍बादु गाल्‍गीन मिओनला लोपाला स्‍यूसुङ।

लूका 6:1

ङीमाई येशूताङ थे चेलाओन लामला डुइन ओतान। थे लामगी फारताङ छुरला ठे स्‍यीङ ओतान। थेमे चेलातेबाचेन ठे ङिमा ज्‍युरला मुरला सेइन ख्‍याम्‍सुङ। थे छोमु सन्‍चारी ओतान।

लूका 6:5

थोक साकीन च्‍याकीन थेकी याङराङ थेबाला “परमेश्‍वर ओत्‍सादुई वाबाते मि ङात्ताङचेन सन्‍चारी छोमुङ दि खिता ओङगो, थे खिता मेङगो सिन सिरच्‍येते अधिकार ओत,” सिन सिदुक।

यूहन्‍ना 5:3

थे पाटीदु नाबाते मि थुप्रो गुला देत्‍कीन ओतान। थेबाचेन अन्‍धतेबा, कुज्‍येतेबा थेमे लाक्‍पा काम्‍बा चले मिक्‍किकान्‍तेबा ओतान। थेबा गाङेराङ थे पोखरी छ्यु नाम चले खिका सिन गुलाराङ देत्‍कीन ओतान।

यूहन्‍ना 9:16

थेमे फरिसी पाटी मि नाङ कोई कोईकी “थे मिला परमेश्‍वरगी ताङाते मेन। सन्‍चारी छोमु काम खिता मेङगो सिरच्‍येते परमेश्‍वर नियम थेकी मेङेन्‍दुक,” सिन सिदुक। लोक्‍ला ज्‍येनतेबेकीचेन “थे पापी ईन्‍दा ईन्‍सीन चुक खाला दोक अचम्‍बते कामओन खिता थुप्‍कीते?” सिन सासुङ। थोक खाईन थेबे नाङ बात माडिक्‍सुङ।