लूका 6:23 - जिरेल

²³ थेबेकी थोक खित्‍जीन ख्‍योकोन गा खिन बाक चे। च्‍यिला सासीन स्‍वर्गने ख्‍योकोनगी छ्येज्‍यीक इनाम ङेत्‍क्‍यो। ख्‍योकोनला दुक्‍पा तेरकान्‍तेबे ज्‍युज्‍यु पुर्खेकीङ परमेश्‍वर बात खित्‍कान्‍ते मिओनला गोमाबा होदोकराङ खाईन दुक्‍पा बिन्‍दा ओतान।

लूका 6:23 Iomraidhean Croise

मत्ती 5:12

थेबेकी थोक खित्‍जीन ख्‍योकोन आउदी खाला गा खि। च्‍यिला सासीन स्‍वर्गने ख्‍योकोनगी छ्येज्‍यीक इनाम ङेत्‍क्‍यो। थाङबोबा परमेश्‍वर बात खित्‍कान्‍ते मिओनलाङ थे बेले मिओनगी खेदापानीराङ खाबा ओतान।

लूका 1:41

थोक खाला से खित्‍जीन एलीशिबे सुबाला ओताते फिजा बुटुक बुटुक खाईन चले खासुङ। थेमे एलीशिबेकी परमेश्‍वर आत्‍मे छ्य्‌वापेई दोक सिन मरियमताङ बात खिताला स्‍यूसुङ।

लूका 1:44

ङाला से खिते बेलाला खुई ङोरो थोकीन ङे सुबाला ओताते फिजाङ गाकी बुटुक बुटुक खिन फिरसुङ।

लूका 6:35

ख्‍योकोनगीचेन खेराङ शत्रुओनलाङ ङिङज्‍ये खि, थेबाला लेमु खि। सुइँदाला खइँदा किन्‍जीन किम्‍बाराङ लिन्‍दाप सिन मातेर। ङे खि साबा च्‍योकराङ खासीन गाङे भन्‍दा छ्येते परमेश्‍वरगी ख्‍योकोनला तिरी छ्येज्‍यीक मान तेरग्‍यो। थेमे ख्‍योकोनला थे फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी बैगुनीताङ मेलेबा काम खित्‍कान्‍ते मिओनलाङ ङिङज्‍ये खिओ।

शक्ति काम 14:10

थेमे थेकी गाङेकी थोच्‍या खाईन “लो खो काम्‍बा चुला खोक ल्‍वा,” सिन सिदुक। थोक सिराईताङ थे मि खोक लाकीन ख्‍याम्‍बाला स्‍यूसुङ।

शक्ति काम 3:8

थे खोक लाकीन ख्‍याम्‍बालाङ स्‍यूसुङ। थेमे गा खिनकामा फिरगीन परमेश्‍वर चुक छ्ये ईन्‍दाका सिनकामा थेङ थेबा ङिबोताङराङ मन्‍दिर नाङने स्‍यूसुङ।

शक्ति काम 5:41

ताङनामेई थेबाचेन “ङुरूङ चुक भाग्‍यमानी ईन्‍दे। च्‍यिला सासीन परमेश्‍वरगी ङुरूङला प्रभु येशू लाईदु दुक्‍पा भोगे खित्‍च्‍ये मौका बिन्‍सुङ,” सिन गा खिनकामा बात खिन गाल्‍सुङ।

रोमी 5:3

दोस्‍यिककामा मेन, ङुरूङनी पीरताङ दुक्‍पे बेलालाङ गा खिओ। च्‍यिला सासीन दुक्‍पा ङेत्‍लाराङ ङुरूङ दुक्‍पा खपे खिता थुप्‍च्‍या डुइओ।

२ कोरिन्‍थी 12:10

थोगी ङाराङगी छ्याःङ खिता मुथुप्‍जीन ईन्‍स्‍यीत, ज्‍येनगी ङाराङला इज्‍जत बेइज्‍जत खित्‍जीन ईन्‍स्‍यीत, दुक्‍पा ङेत्‍जीन ईन्‍स्‍यीत, मिओनगी ङाराङला खेदापानी खित्‍जीन ईन्‍स्‍यीत थेमे आपत् विपत्‌ला फाप्‍जीन ईन्‍स्‍यीत ख्रीष्‍टकी मि ईन्‍देकी ङानी सधैँ गा खिन देता थुप्‍क्‍यो। दोक खाला ङाराङगी छ्याःङ खिता मुथुपे बेलालाराङ ख्रीष्‍टकी शक्ति ङेता ओतेकी ङे जेङ खिता थुप्‍कीदुक।

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

हिब्रू 11:26

मिश्रे लुङबे सम्‍पत्ति धनी ओङनामेई ङेत्‍च्‍येते मान भन्‍दा ख्रीष्‍टला विश्‍वास खानामेई ज्‍येनगी मिगी थोङसार्मु खित्‍च्‍येते बातराङ थेला लेमु लासुङ। च्‍यिला सासीन ज्‍येनतोक्‍ते मेन्‍देकी थेकी परमेश्‍वरगी तिरी थे खोरोङला तेरच्‍येते मानगी विचारकामा खाबा ओतान।

हिब्रू 11:6

परमेश्‍वरला छ्या स्‍येबा छोल्‍कान्‍ते मिकी परमेश्‍वर पक्‍काराङ ओत थेमे थे सु ईन्‍दे, चुक खिते सिन पक्‍काराङ खाला छ्या स्‍येबा छोल्‍कानला थेकी लेमु खिओ सिन थेला विश्‍वास खिताराङ फाप्‍क्‍यो। होदोकराङ खाला थेला विश्‍वास खित्‍कान्‍ते मि थेला मन परे खिओ। होदोक खाला थेला विश्‍वास मिक्‍किकान्‍ते मिचेन थेला मन परे मिक्‍किओ।

याकूब 1:2

आज्‍यो न्‍वावे, ख्‍योकोनला थरी थरी दुक्‍पा ओङजीन थोकनी लेमु ओङालाका ओङाते ईन सिन गा खि।

१ पत्रुस 4:13

दोक्‍ते दुक्‍पा भोगे खिता फाप्‍जीन ख्‍योकोन गाका खि। च्‍यिला सासीन दोक ओङजीन ख्‍योकोनगी ख्रीष्‍टकी चुक दुक्‍पा भोगे खाबा ओता ईन्‍दाका सिन टिक्‍पी टिक्‍पी छ्या स्‍येक्‍यो। थेमे ख्रीष्‍ट था छ्येज्‍यीक शक्ति ङेत्‍ला दुरू ग्‍युरला ओङे छोमु ख्‍योकोनोङ आउदी खाला गा खिता ङेत्‍क्‍यो।

छ्या स्‍ये च्‍युताते बात 2:17

ङेन्‍दा सेम ओत्‍कान्‍ते मिकी ठाउँ ठाउँला जम्‍मा ओङकान्‍ते येशू ख्रीष्‍ट मिओनला परमेश्‍वर आत्‍मेकी च्‍यि सिन दुका सिन लेमु खाला ङेन। शैतान शक्तिला ग्‍याल्‍कान्‍ते मिला ङा परमेश्‍वरताङ ओताते ब्‍वाकीन ज्‍याक्‍पाते मन्‍न सा तेरग्‍यो। थेमे ङा थेला दो कार्मुज्‍यीक तेरग्‍यो। थे दोला साम्‍बाज्‍यीक मिन टिबा ओङगो। थे दो ङेत्‍कान्‍ते मिकीकामा थेरू टिबाते मिनगी अर्थ खोक्‍यो।

छ्या स्‍ये च्‍युताते बात 2:26

तिरीसाक ङे साबाच्‍योक खिन देत्‍ला शैतान शक्तिला ग्‍याल्‍कान्‍ते मिला ङा लुङबा लुङबे मिला राज्‍य खित्‍च्‍येते अधिकार तेरग्‍यो। ङे आबेकी ङाला राज्‍य खित्‍च्‍येते अधिकार बिन्‍दा च्‍योकराङ खाला ङाङ थेला दोक खाला राज्‍य खित्‍च्‍येते अधिकार तेरग्‍यो। थेमे थेकी च्‍याकी डन्‍डीकी सबी गरी पुरा च्‍योकराङ खाला लुङबा लुङबे मिला आउदी कडा खाला राज्‍य खिओ।

छ्या स्‍ये च्‍युताते बात 2:7

ङेन्‍दा सेम ओत्‍कान्‍ते मिकी ठाउँ ठाउँला जम्‍मा ओङकान्‍ते येशू ख्रीष्‍ट मिओनला परमेश्‍वर आत्‍मेकी च्‍यि सिन दुका सिन लेमु खाला ङेन। शैतान शक्तिला ग्‍याल्‍कान्‍ते मिलाचेन ङा स्‍वर्गने ओताते दोङबो फलफूल सार ज्‍युत्‍क्‍यो। थे दोङबो फलफूल साकान्‍ते मिकी नोमुङ मिसिन्‍च्‍येते जुनी ङेत्‍क्‍यो।

छ्या स्‍ये च्‍युताते बात 21:7

शैतान शक्तिला ग्‍याल्‍कान्‍ते मिकी ङे तेरच्‍येते होदिबा गाङे ङेत्‍क्‍यो। ङा थे मि परमेश्‍वर ओङगो थेमे थेचेन ङे फुज्‍युङ ओङगो।

छ्या स्‍ये च्‍युताते बात 3:12

शैतान शक्तिला ग्‍याल्‍कान्‍ते मिला ङा ङे परमेश्‍वर मन्‍दिरदु थाम जोला ज्‍य्‌वाक्‍यो। थेमे थे सधैँ थेरूराङ देत्‍क्‍यो। थे मि लाक्‍तु ङा ङे परमेश्‍वर मिन टिइओ। थोकराङ खाला ङा स्‍वर्गनेकी ङे परमेश्‍वर छ्य्‌वापेई ओङच्‍येते परमेश्‍वर सार साम्‍बाते यरूशलेम मिनताङ ङाराङ साम्‍बाते मिनोङ थे मि लाक्‍तु टिइओ।

छ्या स्‍ये च्‍युताते बात 3:5

शैतान शक्तिला ग्‍याल्‍कान्‍ते मिला ङा होदोक खाला कार्मुते खोलाक कोन्‍ला तेरग्‍यो। थेमे नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङदुकी ङा थे मि मिन मेटे मिक्‍किओ। थोकराङ खाला ङे आबाताङ थे दूतओन दोन्‍दु ङा थेला ङाराङ मि ईन सिन सिओ।