लूका 6:12 - जिरेल

¹² थेजीनराङ बाजिई येशू परमेश्‍वरला प्रार्थना खिताला बोमज्‍यीकने गाल्‍सुङ। थेमे नुप खाङ थेनेराङ प्रार्थना खिन देत्‍सुङ।

लूका 6:12 Iomraidhean Croise

मत्ती 5:1

थेरू थोक काल्‍बेई मि घुइँचो ओङा थोङनामेकी येशूचेन टिक्‍पी येजेकने बोमज्‍यीक्‍तु गाल्‍गीन देत्‍सुङ। थेमे थे चेलातेबा काल्‍बेई थे दोन्‍दु लेप्‍सुङ।

मत्ती 6:6

प्रार्थना खित्‍जीन ख्‍योकोनगीचेन ज्‍येनगी मोथोङच्‍या खाला च्‍यिकराङ खइँसाला देत्‍ला च्‍याला मि मिगी थोङा मुथुप्‍च्‍येते ख्‍योकोन आबा परमेश्‍वरला प्रार्थना खि। थोक खासीन सुङगीङ मोथोङच्‍या खाईन खाबाते कामोङ थोङकान्‍ते ख्‍योकोन आबा परमेश्‍वरगी ख्‍योकोन प्रार्थना ङेन्‍ला ख्‍योकोनला इनाम तेरग्‍यो।

मर्कूस 1:35

थेमे ङारो च्‍योक्‍ते ङोमुका नुपलाराङ लाकीन येशू च्‍यिकराङ देताप सिन पाङगी नाङपा गाल्‍सुङ। थेमे थेरू परमेश्‍वरला प्रार्थना खिताला स्‍यूसुङ।

मर्कूस 3:13

थे तिरी येशू बोमज्‍यीकने गाल्‍सुङ। थेमे थे खोरोङ चेला ज्‍वा चालाते मिओनला थे खोरोङ दोन्‍दु काताङनामेई थेबा थे ओत्‍सादु गाल्‍सुङ।

मर्कूस 6:46

थोक खाईन गाङेला ताङनामेकी थे खोरोङचेन परमेश्‍वरताङ प्रार्थना खिताला बोमज्‍यीकने गाल्‍सुङ।

लूका 5:16

तर थेबाताङकामा रूला देत्‍जीन परमेश्‍वरला प्रार्थना खिता माङेतेकी प्रार्थना खिताला येशूचेन बेला बेलाला च्‍यिकराङ पाङगी नाङपा डुइन ओतान।

लूका 6:11

येशूकी थेरू थोक थोक खाबा थोङगीन थे मिओन स्‍येदाङगी टोले स्‍यिसुङ। थेमे था थेला च्‍यि खाला स्‍येदाङ सेत्‍च्‍या ईन्‍ताका सिन खोपरोङ नाङ ठो खिताला स्‍यूसुङ।

लूका 6:17

थेमे येशू थे खोरोङगी छाने खाबाते मेरा च्‍युन्‍ङीताङ बोमनेकी फाप्‍कीन दिङमाज्‍यीक्‍तु लेप्‍सुङ। थेत्ताङ ख्‍याम्‍कान्‍ते ज्‍येन चेलातेबाङ काल्‍बेई थे दिङमादु ओतान। थोकराङ खाईन ज्‍येन ज्‍येन ठाउँलेकी वाबाते मिङ आउदी काल्‍बेई ओतान। थेबाचेन यहूदिये अञ्‍चलपेकी, यरूशलेम सारनापेकी थेमे समुन्‍द्रे छेउकी नाङला ओताते सीदोनताङ टायर सिराते सारगी नाङपेकी वाबा ओतान।

लूका 9:18

ङीमाई येशू थे खोरोङकामा प्रार्थना खिन ओतान। चेलातेबाङ थेत्ताङराङ ओतान। थेमे थेकी थेबाला “ङाला मिओनगी सु दुका खिका?” सिन ठिसुङ।

लूका 9:28

दि बात सानामेई हप्‍ताईजो तिरी पत्रुस, यूहन्‍ना थेमे याकूबला टीकीन येशू बोमज्‍यीकने प्रार्थना खिताला गाल्‍सुङ।

लूका 9:29

येशू थेरू प्रार्थना खिन खिनला च्‍यि ओङसुङा सासीन थे छ्येत आउदी टल्‍के खित्‍च्‍या गाल्‍सुङ। थेकी खोन्‍दाते खोलाकोङ मिगी ताराङ मुथुप्‍च्‍या आउदी कार्मु गाल्‍सुङ।

यूहन्‍ना 6:3

थेपा लेप्‍कीन येशूचेन टिक्‍पीई खेनला बोमज्‍यीकने गाल्‍गीन चेलातेबाताङ देत्‍सुङ।

कलस्‍सी 4:2

थेमे ख्‍योकोन गाङेकी परमेश्‍वरला प्रार्थना खिन देता नोमुङ मातोङ। प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि, थेला धन्‍यवादोङ बिन।

हिब्रू 5:7

दुरू ओत ओतसाक येशूकी कालगी लाःक्‍तुकी थे खोरोङला जोए खिता थुप्‍कान्‍ते परमेश्‍वरला ङुइन थेमे ङोरोराङ तेन्‍गीन प्रार्थना खासुङ। थेकी थे खोरोङ लाईदु परमेश्‍वरला बिन्‍तीङ खासुङ। थे परमेश्‍वरगी जस्‍तो खिता चाल्‍ला दुक थोकराङ ओङस्‍यीत सिरकान्‍ते ईन्‍देकी परमेश्‍वरगी थे प्रार्थना ङेन्‍सुङ।