लूका 5:6 - जिरेल

⁶ थेरू जाल देक्‍जीन थेबेकी जालोङ छ्येदोङ सिराच्‍योक खाईन आउदी काल्‍बेई ङ्या थेप्‍सुङ।

लूका 5:6 Iomraidhean Croise

लूका 5:7

थे जाल छ्येता छ्येता खाबेकी थेबेकी ज्‍येनते डुङ्गादु ओताते र्‍वातेबाला “ए होइबावे, छिटो छिटो थे डुङ्गाला देपा खोरच्‍योक,” सिन काताङसुङ। थेबा वानामेकी गाङेकी खाईन डुङ्गाला ङ्या लुजीन थे डुङ्गा ङिकाराङ खाङगीन छ्युनामा नुपा नुपा खाबा ओतान।

शक्ति काम 2:41

पत्रुस बात ङेन्‍कान्‍तेबाला पत्रुसबेकी छ्युला लुगीन बप्‍तिस्‍मा बिन्‍सुङ। थेबा मेन्‍दा हजार सुमजो ओतान। थोक खाईन थे छोमु थेबाङ येशूला विश्‍वास खित्‍कान्‍ते मिओनताङ थपे खासुङ।

शक्ति काम 4:4

थेबाला थोक खासीनोङ थेबा ङिबोकी खाबाते बात थोकान्‍ते काल्‍बा च्‍योक मिकी थेबे बात ङेन्‍गीन येशूला विश्‍वास खिताला स्‍यूसुङ। थे छोमुसाकला येशूला विश्‍वास खित्‍कान्‍ते मि हजार ङाजो ख्‍योल्‍गीन सिन्‍दा ओतान।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

गलाती 6:9

थोगी आ लेमु खालाङ च्‍यि ओङगीतेरो सिराच्‍योक खाला ङुरूङगी लेमु खिन देता तोङा मेङगो। सेम मेसेता खाईन लेमु खिनराङ देत्‍सीनचेन बाली लै खानामेई तिरी बाली रूक्‍पा ङेता च्‍योकराङ खाला लेमु खाबेकी खित्‍सादु ङीमाई ङुरूङगीङ इनाम ङेत्‍क्‍यो।