लूका 5:5 - जिरेल

⁵ थेकी थोक सानामेकी शिमोनगी “खोइ गुरू, ङ्योकोनगी नुप खाङराङ दुक्‍पा खाईन जाल ग्‍यापाप। तर ङ्याज्‍यीगोङ माथेप्‍सुङ। थोगी याङराङ जाल देक्‍पाकामा फाप्‍कीतासीन। जे ईन्‍सीनोङ खुई बात ङेन्‍ला ङा जालचेन देक्‍पामीन,” सिनकामा थेत्ताङ थे र्‍वाओनगी डुङ्गा फजेकपा खेरगीन जाल ग्‍याप्‍सुङ।

लूका 5:5 Iomraidhean Croise

लूका 17:13

“ए गुरू येशू, ङ्योकोन दुक्‍पा थोङला ङ्योकोनला ठाक्‍पा खाला नाङ,” सिन छेरा खासुङ।

लूका 8:24

थोगी ज्‍यीबेकी आते खिन चेलातेबेकी येशूला “ए गुरू, ल्‍वा ना ल्‍वा,” सिन ङिक चेत्‍कीनकामा “लो तो, डुङ्गा नुपा खाईन सिन्‍सुङ। था ङुरूङ स्‍यिच्‍या ओङसुङ,” सिन छेरा खासुङ। थेमे ङिक छेत्‍कीन खोक लाकीन येशूकी ल्‍हाबाताङ समुन्‍द्रे छालला “गोगे देत,” सिन सासुङ। थेकी थोक सानामेई ल्‍हाबा चले खिता ताङसुङ, समुन्‍द्रे छालोङ तोरसुङ।

लूका 8:45

थेमे येशूकी “ङाला सुई दोबे?” सिन थेरू ओताते मिओनला ठिसुङ। तर गाङेकी “ङेङ मेन, ङेङ मेन,” सासुङ। थेमे पत्रुस थेमे थेत्ताङ ओताते ज्‍येनतेबेकी “गुरू, मि दोक च्‍येपा च्‍येप खाईन ख्‍याम्‍सादुङ खोल्‍ला थोईकी दो, थोईकी मादो, दिकीराङ दोसुङ सिन चुक खाला सिरच्‍ये,” सिन सिदुक।

लूका 9:33

मोशाताङ एलिया थेरूई ख्‍याम्‍बा खाबा ओतान। थेमे थे बेलालाराङ पत्रुसकी “ओहो गुरू, ङुरूङला दुरूराङ देता लेमु दुका। ङ्योकोन गुरू खोल्‍ला, मोशाला थेमे एलियाला देते लाईदु पली रेरे ज्‍वामीन,” सिन सिदुक। पत्रुसला थे खोरोङगी फिजे बात च्‍योक खाबाप सिन छ्या मेतान।

लूका 9:49

थेमे यूहन्‍नेकी थेला “गुरू, मिज्‍यीगी खुई मिन लाला मिओनला खोबाते ल्‍हन्‍डीक तेन्‍ला तोङगीन ओता ङ्योकोनगी थोङसुङ। थे ङुरूङताङ ख्‍याम्‍कान्‍ते मि मेन्‍देकी ङ्योकोनगी थेला येशू मिन लाला खुई दोक खिता मेङेदो सिन ङाराप,” सिन सिदुक।

यूहन्‍ना 15:14

ख्‍योकोनगी ङे खि सिन कोताते ङेन्‍सीन ख्‍योकोन ङे र्‍वाओन ईन।

यूहन्‍ना 2:5

येशू आमेकीचेन थेरू काम खित्‍कान्‍ते मिओनला “दिकी च्‍यि च्‍यि खि सिका ख्‍योकोनगी थे थेराङ खि,” सिन सिदुक।

यूहन्‍ना 21:3

थेमे शिमोन पत्रुसकी ज्‍येनतेबाला “ङानी ङ्या सेताला डुइओ,” सिन सिरजीन ज्‍येनतेबेकीङ “ङ्योकोनोङ खोत्ताङ डुइओ,” सिन सिदुक। थेमे थेबाबरी डुङ्गाला जेकीन ङ्या सेत ख्‍याम्‍सुङ। तर नुप खाङ ङ्याज्‍यीगोङ माथेप्‍सुङ।