लूका 5:3 - जिरेल

³ थेरू मि गाङेकी थे खोरोङ बात लेमु खाला थोबा थुप्‍स्‍यीत सिन येशू थेरू ओताते डुङ्गाज्‍यीकला जेसुङ। थेचेन शिमोन डुङ्गा ओतान। थोगी येशूकी थेला “दि डुङ्गा दुरूकी फजेकपा छ्युई नाङपा खेर,” सिन सिदुक। दोक खाईन डुङ्गा टिक्‍पी फजेकपा छ्युई नाङपा खेर च्‍युत्‍कीन डुङ्गे नाङ देत्‍कीन थेकी समुन्‍द्रे छेउदु देताते मिओनला परमेश्‍वर बात लेमु खाईन थोच्‍या खाईन लाप्‍सुङ।

लूका 5:3 Iomraidhean Croise

मत्ती 4:18

ङीमाई येशू गालील समुन्‍द्रे छेउकी नाङपा ख्‍याम्‍गीन ओतान। ख्‍याम्‍गीन डोजीन थेकी थेरू ङ्या सेत्‍कान्‍ते मेन्‍दा ङि मिला थोङसुङ। थेबाचेन शिमोनताङ थे आज्‍यो अन्‍द्रियास ओतान। शिमोनलाचेन तिरी पत्रुस सिनोङ सिन ओतान। थेबा पुन ङिबो ङ्या सेताला जाल देगीन ओतान।

मर्कूस 3:10

थेकी मि काल्‍बेईला ठाक्‍पा खाबेकी थेरू वाबाते नाबाते मिओनचेन थेला द्वाप सिन फुलरीङ फुलरीङ खाला थे दोन्‍दु ड्वा छोल्‍गीन ओतान।

मर्कूस 3:9

थेरू थोक काल्‍बेई मि वाबा थोङगीन थेकी चेलातेबाला “ख्‍योकोनगी डुङ्गाज्‍यीक खोरच्‍योक। दि मिओन च्‍येपा च्‍येप खाला ङे दोन्‍दु मेङस्‍यीत सिन ङा डुङ्गादु जेला देता थुप्‍क्‍यो,” सिन सिदुक।

लूका 5:2

थेरू थोक ओङनामेई दोक ताजीन येशूकी समुन्‍द्रे छेउदु ताकीन ज्‍याक्‍पाते डुङ्गा ङि थोङसुङ। डुङ्गा ताकीन ज्‍यागीन ङ्या सेत्‍कान्‍तेबाचेन ङ्याला देक्‍च्‍येते जालतेबा टुला सफा खिन ओतान।

यूहन्‍ना 8:2

ङारो च्‍योक्‍ते ङोमुका थे लोईन परमेश्‍वर मन्‍दिरदुराङ ग्‍युरगीन लिच्‍युङ। थेमे मन्‍दिरदु मि गाङे थे खोरोङ फेरो खाङ जम्‍मा ओङनामेई थेकी देत्‍कीन थेबाला परमेश्‍वर बात लोपाला स्‍यूसुङ।