लूका 5:14 - जिरेल

¹⁴ थेमे येशूकी थेला “खुई फार छुर गाल्‍ला दि बात सुङलाङ मासेर याङ। था खो दुरूकी सरासर पूजारी ओत्‍सादु खोरोङ ठाक्‍पाते तेन्‍दाला ग्‍युक। थेमे थे ओत्‍सादु गाल्‍ला मोशेकी टिबाते परमेश्‍वर नियमला जे खोबाते मिकी ठाक्‍नामेई च्‍यि च्‍यि चढे खिता फाप्‍क्‍यो साबा ओते थे परमेश्‍वरला चढे खि। थोक खानामेई खुई जे ठाक्‍तुक सिन ज्‍येनगी छ्या स्‍येक्‍यो,” सिन कोत्‍कीन थेरूई ताङसुङ।

लूका 5:14 Iomraidhean Croise

मत्ती 10:18

दोस्‍यिककामा मेन, ख्‍योकोनला छ्ये छ्ये मि थेमे गेल्‍बोओन दोन्‍दुङ केल्‍ग्‍यो। ङे मि ईन्‍देकीराङ ख्‍योकोनला दोक दोक खिओ। थेजीन ख्‍योकोनगी होथेबाला थेमे ज्‍येन ज्‍येन जातकी मिलाङ खेराङ च्‍यिला ङाला विश्‍वास खिते सिन लाःपा ङेत्‍क्‍यो।

मत्ती 12:16

थोक खिन थेकी थे मिओनला थे खोरोङगी दोक खासुङ सिन सुङलाङ मासेरा सिन कोत्‍सुङ।

मत्ती 8:4

थेमे येशूकी थेला “खुई फार छुर गाल्‍ला दि बात सुङलाङ मासेर याङ। था खो दुरूकी सरासर पूजारी ओत्‍सादु खोरोङ ठाक्‍पाते तेन्‍दाला ग्‍युक। थेमे थे ओत्‍सादु गाल्‍ला मोशेकी टिबाते परमेश्‍वर नियमला जे खोबाते मिकी ठाक्‍नामेई च्‍यि च्‍यि चढे खिता फाप्‍क्‍यो साबा ओते थे परमेश्‍वरला चढे खि। थोक खानामेई खुई जे ठाक्‍तुक सिन ज्‍येनगी छ्या स्‍येक्‍यो,” सिन साकीन थेरूई ताङसुङ।

मत्ती 9:30

थोक खानामेकी थेबे मिक दाक थोङच्‍या गाल्‍सुङ। थेमे थेकी “त्‍वा दि बात सुङलाङ मासेर याङ,” सिन थेबाला थेरूकी ताङसुङ।

मर्कूस 6:11

खेराङ लेप्‍सादु मिओनगी ख्‍योकोनला लेमु माक्‍यासीन थेमे ख्‍योकोनगी लापाते बात ङेन्‍दा सेम माक्‍यासीन थोक्‍ते ठाउँलाचेन देतराङ मादेत। थोक्‍ते ठाउँ ताङला ख्‍याम्‍जीन परमेश्‍वर बात माङेन्‍देकी थेबेकी तिरी सजाय ङेत्‍जीन सुङलाङ गाल खिता मेङेदो सिन सिराला खेराङ काम्‍बाला खोबाते थाला समेदोङ टकटक खाला थेरूकी ख्‍योम,” सिन साकीन थेरूई ताङसुङ।

लूका 17:14

थेबेकी थोक खानामेकी थेकी “लो ख्‍योकोन दुरूकी गाल्‍ला पूजारीओनला खेराङ ठाक्‍काना माठाक्‍का सिन तो सि,” सिन सिदुक। थेमे थेबाबरी पूजारीला तेन ख्‍याम्‍सुङ। लामला डुइन डुइनलाराङ जे तोरगीन थेबा ठाक्‍सुङ।

लूका 5:13

थेकी थोक खाबा थोङगीन येशूकी लाक्‍पेकी थेला दोइनकामा “ङा खोल्‍ला ठाक्‍पा खिओ। लो खो ठाक्‍स्‍यीत,” सिन सिदुक। थोक सिराईताङ थे मिते जे तोरगीन थे दाक ठाक्‍सुङ।

लूका 9:5

थेमे खेराङ लेप्‍सादु मिओनगी ख्‍योकोनला लेमु माक्‍यासीन थोक्‍ते ठाउँलाचेन देतराङ मादेत। थोक्‍ते ठाउँ ताङला ख्‍याम्‍जीन परमेश्‍वर बात माङेन्‍देकी थेबेकी तिरी सजाय ङेत्‍जीन सुङलाङ गाल खिता मेङेदो सिन सिराला खेराङ काम्‍बाला खोबाते थाला समेदोङ टकटक खाला थेरूकी ख्‍योम,” सिन सिदुक।