लूका 5:11 - जिरेल

¹¹ थेकी थोक सानामेकी शिमोनताङ थे र्‍वाओनगी डुङ्गाला ठुत्‍कीन समुन्‍द्रे छेउदु तेन्‍सुङ। थेमे जेसुकै थेङलाराङ ताङगीन थेबा खोपरोङचेन येशूताङराङ ख्‍याम्‍सुङ।

लूका 5:11 Iomraidhean Croise

मत्ती 10:37

थेमे ङाला भन्‍दाङ काल्‍बा आबा आमाला ङिङज्‍ये खित्‍कान्‍ते मिचेन ङे चेला ओङा मुथुबो। थोकराङ खाला दाक्‍पोन फुज्‍युङ फुमुलाका काल्‍बा ङिङज्‍ये खित्‍कान्‍ते मिलाङ ङे चेला ईन सिरा सोई मिक्‍किओ।

मत्ती 19:27

दि बाततेबा थोनामेई पत्रुसकी “गुरू, खुई चेला ओङला ख्‍याम्‍बे लाईदु ङ्योकोनगीनी ङेराङते ओताते जति गाङे ताङाप। थेमे था ङ्योकोनगीचेन च्‍यि ङेत्‍कीते?” सिन सिदुक।

मत्ती 19:29

ङे बात ङेन्‍ला ङात्ताङ ख्‍याम्‍बे लाईदु खाम्‍बा कि आबा आमा कि आज्‍यो न्‍वा आज्‍यी नुमु कि फुज्‍युङ फुमु कि जग्‍गा जिमीन तोङकान्‍तेबाला परमेश्‍वरगी आबा आमा, आज्‍यो न्‍वा आज्‍यी नुमु, फुज्‍युङ फुमु च्‍योक्‍तेताङ खाम्‍बा थेमे जग्‍गा जिमीन ज्‍येनोङ झन काल्‍बेई तेरग्‍यो। थेमे थेबेकी नोमुङ मिसिन्‍च्‍येते जुनीङ ङेत्‍क्‍यो।

मत्ती 4:20

थेकी थोक सिरासात्तु थेबा ङिबो जालोङ थेङलाराङ ज्‍यागीन थेत्ताङ ख्‍याम्‍सुङ।

मत्ती 4:22

थेकी कातोङा थोकीन थेबा ङिबोङ जराक जुरूक लाकीन आबातेला डुङ्गादुराङ ताङगीन थेत्ताङ ख्‍याम्‍सुङ।

मर्कूस 10:21

थेकी थोक सिरजीन येशूला ङिङज्‍ये लासुङ। थेमे थेकी थेला “नोमुङ मिसिन्‍च्‍येते जुनी ङेता सेम लासीन थोरूमोङ खुई खिता फाप्‍च्‍येते कामज्‍यीक ओत। था खुई गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

लूका 5:28

थोक सानामेई अफिसदु जेसुकै थोकराङ ताङगीन लेवी खोक लाकीन येशूताङ ख्‍याम्‍सुङ।